ព័ត៌មានជាតិ
គ្រោងចុះបញ្ជី “ផលិតផលភូមិ ១ ផលិតផល ១» ៣០០ មុខបន្ថែមទៀតនៅឆ្នាំ ២០២៤
គណៈកម្មការជាតិជំរុញចលនាភូមិមួយផលិតផលមួយគ្រោងចុះបញ្ជី “ផលិតផលភូមិ ១ ផលិតផល ១» ចំនួន ៣០០ មុខបន្ថែមទៀតនៅឆ្នាំ ២០២៤។ នេះបើតាមលោក សួង ណយ អនុប្រធានគណៈកម្មការជាតិជំរុញចលនាភូមិមួយផលិតផលមួយនៃទីស្តីការគណៈរដ្ឋមន្រ្តី។
ប្រាប់កម្ពុជាថ្មីតាមតេឡេក្រាម លោក សួង ណយ បានគូសបញ្ជាក់ថា ផលិតផលភូមិមួយផលិតផលមួយ ឆ្លុះបញ្ចាំងពីលក្ខណៈវប្បធម៌ប្រពៃណីរបស់ពលរដ្ឋតាមភូមិស្រុក ដែលបានបន្តពីមួយជំនាន់ទៅមួយជំនាន់។
លោកថា គណៈកម្មការជាតិជំរុញចលនាភូមិមួយផលិតផលមួយ បានដាក់ផែនការនឹងចុះបញ្ជីផលិតផលភូមិមួយផលិតផលមួយចំនួន ៣០០ មុខបន្ថែមទៀតនៅឆ្នាំ ២០២៤។
ចលនាភូមិមួយផលិតផលមួយ មានចរិតជាការអភិវឌ្ឍសេដ្ឋកិច្ចចម្រុះនៅមូលដ្ឋាន ហើយរាល់ការផលិតចេញជាផលិតផលក្រោមគំនិតច្នៃប្រឌិតអាស្រ័យតាមភូមិសាស្រ្តតំបន់។ គិតត្រឹមឆ្នាំ២០២៣ ការដាក់ស្លាកសញ្ញាសម្គាល់លើផលិតផល “ភូមិ១ផលិតផល១» បានសរុបចំនួន ៥៥៩ មុខ នៅទូទាំង ២៥ រាជធានី ខេត្ត។
ឈរលើស្មារតីលើកកម្ពស់ការប្រើប្រាស់ផលិតផលខ្មែរឱ្យកាន់តែទូលំទូលាយនិងផុលផុស រដ្ឋាភិបាលកម្ពុជាតែងតែជំរុញឲ្យមានការផ្សព្វផ្សាយគ្រប់ទម្រង់ ដើម្បីចូលរួមលើកកម្ពស់ការប្រើប្រាស់ផលិតផលខ្មែរ។ ជាក់ស្តែងទិវាជាតិលើកកម្ពស់ការប្រើប្រាស់ផលិតផលខ្មែរ តែងតែរៀបចំឡើងជារៀងរាល់ឆ្នាំ។
ក្នុងឱកាសប្រារព្វទិវាជាតិលើកកម្ពស់ការប្រើប្រាស់ផលិតផលខ្មែរលើកទី ៧ នៅឆ្នាំ ២០២៤ នេះ ត្រូវបានរៀបចំឡើងក្រោមប្រធានបទ «ផលិត និងផ្គត់ផ្គង់ទីផ្សារប្រកបដោយចីរភាព គឺជាចលនាភូមិ១ផលិតផល១»។
ក្នុងសារអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរនៅឆ្នាំនេះ សម្តេចធិបតី ហ៊ុន ម៉ាណែត ប្រមុខដឹកនាំកម្ពុជា បានណែនាំឲ្យគណៈកម្មាធិការជាតិជំរុញចលនាភូមិមួយផលិតផលមួយ ក្រសួងស្ថាប័នពាក់ព័ន្ធ និងគណៈកម្មាធិការជំរុញចលនាភូមិមួយផលិតផលមួយរាជធានីខេត្តទូទាំងប្រទេស ត្រូវបន្តលើកកម្ពស់ផលិតផលខ្មែរតាមរយៈការរៀបចំព្រឹត្តិការណ៍តាំងបង្ហាញ និងទិញលក់ផលិតផលខ្មែរ ដែលជាយន្តការដ៏សំខាន់ក្នុងការជួយផ្សព្វផ្សាយពីផលិតផលខ្មែរទាំងក្នុងស្រុកនិងក្រៅស្រុក។
ជាមួយគ្នានេះ សម្តេចនាយករដ្ឋមន្រ្តី ក៏បានអំពាវនាវឱ្យពលរដ្ឋគ្រប់រូបចូលរួមគាំទ្រ និងជួយទិញផលិតផលខ្មែរយកទៅប្រើប្រាស់ឱ្យបានច្រើនតាមដែលអាចធ្វើទៅបាន សំដៅលើកកម្ពស់កិត្យានុភាពជាតិ និងស្មារតីជាតិនិយម៕
បាតុករដឹកនាំដោយនិស្សិតស៊ែប៊ី ប្រែក្លាយជប់លៀងឆ្លងឆ្នាំទៅជាបាតុកម្មទាមទារយុត្តិធម៌
ក្រសួងសុខាភិបាលអំពាវនាវឲ្យពលរដ្ឋទទួលទានបន្លែ និងផ្លែឈើស្រស់ឲ្យបានច្រើនដើម្បីបង្ការជំងឺមិនឆ្លង
ក្រសួងការងារ អះអាងថា ការយកកម្រៃសេវាបោះត្រាអនុញ្ញាតចេញ-ចូល ប្រទេសថៃ មិនមែនជាសមត្ថកិច្ចរបស់ភាគីកម្ពុជាទេ
កម្មករនិយោជិតសប្បាយចិត្ត និងអរគុណរាជរដ្ឋាភិបាលក្នុងការអនុវត្តប្រាក់ឈ្នួលថ្មីសម្រាប់ឆ្នាំ២០២៥ ចាប់ពីខែមករា នេះតទៅ
ស្អែកនេះ! ម៉ាដាម ដា នឹងធ្វើសន្និសីទសារព័ត៌មានពាក់ព័ន្ធរឿងផ្សព្វផ្សាយមិនពិត ពីបញ្ហាបំណុលរបស់ខ្លួន
លោក សៅ សុខា បញ្ជាឲ្យឃាត់ខ្លួនមេបញ្ជាការរងកងរាជអាវុធហត្ថខេត្តតាកែវម្នាក់ និងមន្ដ្រី២នាក់ ទៅសួរនាំ
ខ្មាន់កាំភ្លើងបាញ់សម្លាប់មនុស្សយ៉ាងរង្គាលនៅថ្ងៃចូលឆ្នាំថ្មី ក្នុងប្រទេស ម៉ុងតេណេហ្គ្រោ
៥ស្រុកនៅថៃ ប្រកាសអាសន្ន ដាក់ចូលជាតំបន់ក្រហមដោយសារ ហានិភ័យជំងឺអាសន្នរោគ
ការដឹកឧស្ម័នរបស់រុស្ស៊ីទៅអឺរ៉ុបឆ្លងកាត់អ៊ុយក្រែន ត្រូវបញ្ឈប់ជាផ្លូវការហើយ!
ត្រីប្រហុកចាប់ផ្ដើមត្រូវម្ដងទៀត ចាប់ពីថ្ងៃនេះ
-
ជីវិតកម្សាន្ដ៣ ថ្ងៃ agoZhao Lusi ស្ទើតែក្លាយជាមនុស្សរុក្ខជាតិ មិនអាចឈរបាន និង បាត់បង់សមត្ថភាពនិយាយ
-
សន្តិសុខសង្គម៧ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់
-
ព័ត៌មានអន្ដរជាតិ៤ ថ្ងៃ agoប៉ូលិសខេត្តចាន់ថាបុរី ចាប់ខ្លួនជនសង្ស័យដែលភ្នាល់ Influencer ថៃ ឲ្យផឹកស្រាដល់ស្លាប់
-
សន្តិសុខសង្គម៧ ថ្ងៃ agoឆេះផ្ទះលក់ទូរស័ព្ទដៃ២ទីតាំងទាំងស្រុង ផ្អើលពលរដ្ឋជិតវត្តសន្សំកុសល
-
ព័ត៌មានជាតិ២ ម៉ោង agoលោក សៅ សុខា បញ្ជាឲ្យឃាត់ខ្លួនមេបញ្ជាការរងកងរាជអាវុធហត្ថខេត្តតាកែវម្នាក់ និងមន្ដ្រី២នាក់ ទៅសួរនាំ
-
ព័ត៌មានអន្ដរជាតិ៧ ថ្ងៃ agoអាមេរិក រកឃើញ ថ្នាំបន្តក់ភ្នែកមួយប្រភេទ មានមេរោគផ្សិត អាចបណ្តាលឲ្យខ្វាក់ ឬស្លាប់
-
ព័ត៌មានអន្ដរជាតិ៧ ម៉ោង agoខ្មាន់កាំភ្លើងបាញ់សម្លាប់មនុស្សយ៉ាងរង្គាលនៅថ្ងៃចូលឆ្នាំថ្មី ក្នុងប្រទេស ម៉ុងតេណេហ្គ្រោ
-
ព័ត៌មានអន្ដរជាតិ៦ ម៉ោង ago៥ស្រុកនៅថៃ ប្រកាសអាសន្ន ដាក់ចូលជាតំបន់ក្រហមដោយសារ ហានិភ័យជំងឺអាសន្នរោគ