ព័ត៌មានជាតិ
ឯកឧត្តម ហ៊ុន ម៉ានី បង្ហាញសមិទ្ធផលសំខាន់ៗ ដែលក្រសួងមុខងាសាធារណៈសម្រេចបានកន្លងមក
ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ មានប្រសាសន៍ថា ក្រសួងមុខងារសាធារណៈ សម្រេចបានសមិទ្ធផលសំខាន់ៗជាច្រើន ដូចជាការពិនិត្យឡើងវិញនូវរចនាសម្ព័ន្ធអង្គភាព និងមុខងារបស់ខ្លួន ហើយបានធ្វើការកែទម្រង់ផ្ទៃក្នុងក្រសួង និងរៀបចំរចនាសម្ព័ន្ធឡើងវិញ ដើម្បីឱ្យស្របតាមយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល។
ឯកឧត្តម ហ៊ុន ម៉ានី លើកឡើងនៅក្នុងពិធីបើកសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងមុខងារសាធារណៈ នៅថ្ងៃទី ០៣ ខែមេសា ឆ្នាំ ២០២៤។
ឯកឧត្តម ឧបនាយករដ្ឋមន្ត្រីមានប្រសាសន៍ថា ក្រសួងមុខងារសាធារណៈបានបំពេញការងារ និងសម្រេចបានសមិទ្ធផលជាបន្តបន្ទាប់ដូចជាការកែលម្អការជ្រើសរើសមន្ត្រីបម្រើការងារក្នុងរដ្ឋបាលសាធារណៈ ដោយក្រសួងបានដឹកនាំ និងសម្របសម្រួលការរៀបចំអនុក្រឹត្យស្ដីពីការដាក់ឱ្យអនុវត្តនិយាមនីតិវិធីប្រតិបត្តិ សម្រាប់ការប្រឡងប្រជែងជ្រើសរើសមន្ត្រីរាជការស៊ីវិល ព្រមទាំងបានដឹកនាំរៀបចំការប្រឡងជ្រើសរើសមន្ត្រីដោយមានតម្លាភាព និងយុត្តិធម៌។
ឯកឧត្តម ហ៊ុន ម៉ានី បានបន្តថា ក្រសួងមុខងារសាធារណៈ បានរៀបចំយន្តការស្ថាប័នពេញលេញ និងសមស្របដើម្បី គាំទ្រដល់ដំណើរការ នៃការកែទម្រង់រដ្ឋបាលសាធារណៈ របស់រាជរដ្ឋាភិបាលអាណត្តិទី ៧។
ឯកឧត្តមបានបញ្ជាក់ថា ការគ្រប់គ្រងវិស័យមុខងាសាធារណៈ ត្រូវបានកែលម្អ ជាលំដាប់តាមរយៈការដាក់ចេញជាបន្តបន្ទាប់ បទដ្ឋានគតិយុត្តពាក់ព័ន្ធ រួមជាមួយនឹងការពង្រឹងការគ្រប់គ្រងមន្ត្រីក្របខណ្ឌ និងមន្ត្រីជាប់កិច្ចសន្យា ការប្រែប្រួលស្ថានភាពរដ្ឋបាល និងគ្រួសាររបស់មន្ត្រីរាជការស៊ីវិល ការបើកផ្ដល់ប្រាក់បៀវត្សរ៍ជូនមន្ត្រីរាជការ រាល់ ២ សប្ដាហ៍ទៅតាមប្រព័ន្ធធនាគារជាដើម។
ជាមួយគ្នានោះ ឯកឧត្តមឧបនាយករដ្ឋមន្ត្រីក៏បានបង្ហាញនូវមោទនភាពចំពោះការបោះជំហានឆ្ពោះទៅមុខ នៃវិស័យមុខងារសាធារណៈដែលជាមូលដ្ឋានក្នុងការជំរុញល្បឿន នៃការអភិវឌ្ឍសង្គមសេដ្ឋកិច្ច ដោយឯកឧត្តមបញ្ជាក់ថា មិទ្ធផលកើតដោយកត្តា ៣ យ៉ាង គឺគោលនយោបាយ និងយុទ្ធសាស្ត្រដ៍ត្រឹមត្រូវរបស់រាជរដ្ឋាភិបាល ជាពិសេសយុទ្ធសាស្ត្របញ្ចកោណដំណាក់កាលទី១ ដើម្បីកំណើនកសាងមូលដ្ឋានគ្រឹះ ឆ្ពោះទៅសម្រេចចក្ខុវិស័យ ឆ្នាំ ២០៥០ កម្ពុជាក្លាយជាប្រទេសមានចំណូលខ្ពសង់។
កត្ដាផ្សេងទៀត គឺកត្តាផ្ទៃក្នុងនៃក្រសួងមុខងារសាធារណៈ និងការចូលរួមរបស់ក្រសួងស្ថាប័នរដ្ឋបាលថ្នាក់ក្រោមជាតិ និងភាគីពាក់ព័ន្ធ៕
អត្ថបទ៖ ឡេង ដេត
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ