មន្ត្រីការទូតមួយរូប ត្រូវបានតែងតាំងជានាយកខុទ្ទកាល័យសម្ដេចតេជោ ប្រធានព្រឹទ្ធសភា

ព្រះមហាក្សត្រ ចេញព្រះរាជក្រឹត្យតែងតាំងសមាសភាពខុទ្ទកាល័យរបស់សម្តេចតេជោ ហ៊ុន សែន ប្រធានព្រឹទ្ធសភា ចំនួន ៦រូប ក្នុងនោះ លោក ឈីវ យីស៊ាង ដែលជាមន្ត្រីជាន់ខ្ពស់ការទូតនៅក្រសួងការបរទេស ត្រូវបានតែងតាំងជានាយកខុទ្ទកាល័យ។

ព្រះរាជក្រឹត្យរបស់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា នៅថ្ងៃទី៤ ខែមេសា ឆ្នាំ២០២៤នេះ បានសម្រេចត្រាស់បង្គាប់តែងតាំងមុខតំណែង និងផ្តល់ឋានៈជានាយក នាយករងខុទ្ទកាល័យរបស់សម្តេចតេជោ ហ៊ុន សែន ប្រធានព្រឹទ្ធសភា នីតិកាលទី៥ ចំនួន៦រូប រួមមាន៖

១/ លោក ឈីវ យីស៊ាង ជានាយកខុទ្ទកាល័យ ឋានៈស្មើរដ្ឋមន្ត្រី

២/ លោក យឹម លាង ជានាយករងខុទ្ទកាល័យ ឋានៈស្មើរដ្ឋមន្ត្រី

៣/ លោក ចាន់ សុខុម ជានាយករងខុទ្ទកាល័យ ឋានៈស្មើរដ្ឋលេខាធិការ

៤/ លោក រ័ត្ន ហុក ជានាយករងខុទ្ទកាល័យ ឋានៈស្មើរដ្ឋលេខាធិការ

៥/ លោកស្រី ឈីវ គីមស្រ៊ុន ជាជំនួយការ ឋានៈស្មើអគ្គនាយក

៦/ លោក រ៉េត ឧត្តមវុឌ្ឍិណា ជាជំនួយការ ឋានៈស្មើអគ្គនាយក៕