ព័ត៌មានជាតិ
ឯកឧត្ដម ហ៊ុន ម៉ានី ៖ ក្រសួងមុខងារសាធារណៈ នឹងត្រូវប្រឹងប្រែងកាន់តែខ្លាំងក្លា ដើម្បីសម្រេចឲ្យបានសមិទ្ធផលថ្មីៗ បន្ថែមទៀត
ឯកឧត្ដម ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ លើកឡើងថា ក្រសួងមុខងារសាធារណៈ នឹងត្រូវប្រឹងប្រែងកាន់តែខ្លាំងក្លា ដើម្បីសម្រេចឲ្យបាននូវសមិទ្ធផលថ្មីៗ បន្ថែមទៀត ក្នុងការចូលរួមចំណែកដល់ការជំរុញការអភិវឌ្ឍសង្គម និងសេដ្ឋកិច្ចជាតិ។
ការលើកឡើងនេះ ក្នុងឱកាស សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានផ្តល់កិត្តិយសអញ្ជើញចូលរួមជាអធិបតី ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ ២០២៣ និងលើកទិសដៅការងារឆ្នាំ ២០២៤ របស់ក្រសួងមុខងារសាធារណៈ កាលពីថ្ងៃទី ០៤ ខែមេសា ឆ្នាំ ២០២៤ ម្សិលមិញ។
នាឱកាសនោះដែរ ឯកឧត្ដម ហ៊ុន ម៉ានី បានមានប្រសាសន៍ថា ក្នុងនាមក្រសួងមុខងារសាធារណៈ និងក្នុងនាម ឯកឧត្ដម ផ្ទាល់ ឯកឧត្ដម សូមគោរពថ្លែងអំណរគុណដ៏ជ្រាលជ្រៅបំផុតចំពោះវត្តមានដ៏ឧត្តុង្គឧត្ដមរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្តល់កិត្តិយសអញ្ជើញចូលរួមជាអធិបតី ក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ ២០២៣ និងលើកទិសដៅការងារឆ្នាំ ២០២៤ របស់ក្រសួងមុខងារសាធារណៈ ព្រមទាំងបានផ្តល់អនុសាសន៍ណែនាំដល់ក្រសួងមុខងារសាធារណៈ និងក្រសួង ស្ថាប័ន អង្គភាព នានា។
ឯកឧត្ដម ហ៊ុន ម៉ានី លើកឡើងថា «ក្រសួងមុខងារសាធារណៈ ដែលជាសេនាធិការរបស់រាជរដ្ឋាភិបាល ក្នុងការដឹកនាំការកែទម្រង់អភិបាលកិច្ចដែលជាស្នូល នៃការអភិវឌ្ឍសង្គម សេដ្ឋកិច្ច នឹងត្រូវប្រឹងប្រែងកាន់តែខ្លាំងក្លា ប្រកបដោយភាពអត់ធ្មត់ ម្ចាស់ការ និងសហការជិតស្និទ្ធជាមួយភាគីពាក់ព័ន្ធ និងដឹកនាំឈរលើអភិក្រមបុរេសកម្មចំពោះការងារ ស្មារតីម៉ឺងម៉ាត់ ហ្មត់ចត់ ឆន្ទៈមោះមុត និងការទទួលខុសត្រូវខ្ពស់ ស្របតាមគោលនយោបាយរបស់រាជរដ្ឋាភិបាលកម្ពុជា និងទិសដៅការងារយុទ្ធសាស្ត្រសម្រាប់ឆ្នាំ ២០២៤ និងឆ្នាំបន្តបន្ទាប់ ឲ្យបានខ្ជាប់ខ្ជួន ដើម្បីសម្រេចឲ្យបាននូវសមិទ្ធផលថ្មីៗ បន្ថែមទៀត ក្នុងការចូលរួមចំណែកដល់ការជំរុញការអភិវឌ្ឍសង្គម និងសេដ្ឋកិច្ចជាតិ ព្រមទាំងចូលរួមចំណែកអនុវត្តនូវយុទ្ធសាស្ត្របញ្ចកោណ ដំណាក់កាលទី ១ របស់រាជរដ្ឋាភិបាល ក្នុងនីតិកាលទី ៧ នៃរដ្ឋសភា»។
ជាមួយគ្នានេះ ឯកឧត្ដមឧបនាយករដ្ឋមន្ត្រី ក៏បានអរគុណចំពោះ ឯកឧត្ដម លោកជំទាវ ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី រដ្ឋលេខាធិការ អនុរដ្ឋលេខាធិការ តំណាងក្រសួង ស្ថាប័ន ឯកឧត្ដម លោកជំទាវ លោក លោកស្រី តំណាងរដ្ឋបាលរាជធានី ខេត្ត អង្គភាពពាក់ព័ន្ធ និងសមាជិក សមាជិកាទាំងអស់ ដែលបានអញ្ជើញចូលរួមក្នុងពិធីដ៏មហោឡារិកនេះផងដែរ៕
អត្ថបទ ៖ ពិសី
អភិបាលខេត្តកណ្តាល លើកទឹកចិត្តដល់យុវជនបន្តចូលរួមក្នុងយុទ្ធនាការបរិច្ចាគឈាមដោយស្ម័គ្រចិត្ត
ហ្សេលេនស្គី៖ ការចរចារវាងរុស្ស៊ី-អាមេរិក ដោយគ្មានវត្តមានអ៊ុយក្រែន គឺគ្រោះថ្នាក់ណាស់
១១ថ្ងៃចុងខែមករា ក្មេងទំនើងជិត១០០នាក់ ត្រូវសមត្ថកិច្ចបង្ក្រាប និងបញ្ជូនទៅពន្ធនាគារ
អាជ្ញាធរភ្នំពេញចុះពិនិត្យទីតាំងបាក់ច្រាំងនៅជ្រោយចង្វារ ដើម្បីចាត់វិធានការ
អភិបាលខេត្តតាកែវ ឡើងភ្នំ ដក និងដុតបំផ្លាញដំណាំកញ្ឆាបានជាង ៣ពាន់ដើម នៅស្រុគិរីវង់
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
ក្រសួងការងារ ដំណើរការ App ២ ផ្តោតលើកម្មវិធីបណ្តុះបណ្តាលបច្ចេកទេស និងវិជ្ជាជីវៈ ដល់គ្រួសារក្រីក្រ
BRICS បង្វែរជំហរបង្កើតរូបិយប័ណ្ណរួម ក្រោយដូណាល់ ត្រាំ កាន់អំណាច
គម្រោង បុរី ឡេង ណាវ៉ាត្រា 6A គិតត្រឹមថ្ងៃនេះ បានដោះស្រាយ នឹងបញ្ចប់បាន 2784 ផ្ទះហើយ
តបតាមការសួររក! សេន រ៉ានុត និពន្ធនិងច្រៀងបទ «លោកពុក» ផ្ញើជូនសម្តេចតេជោ
-
ព័ត៌មានជាតិ៣ ថ្ងៃ agoជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
ជីវិតកម្សាន្ដ៦ ថ្ងៃ agoនាយិការងព័ត៌មាន CNC កញ្ញា នូ មៈនេត្រអាថាណ្ណា ទទួលមរណភាពក្នុងអាយុ៣៧ឆ្នាំ
-
សន្តិសុខសង្គម២ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានអន្ដរជាតិ៤ ថ្ងៃ agoBreaking News! រត់ជាន់គ្នាក្នុងពិធីបុណ្យសាសនាហិណ្ឌូ ដែលមានមនុស្សចូលរួម ១០០លាននាក់ នៅឥណ្ឌា
-
ព័ត៌មានជាតិ២ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ព័ត៌មានអន្ដរជាតិ១ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
បច្ចេកវិទ្យា២១ ម៉ោង agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានជាតិ៥ ថ្ងៃ agoក្រៅពីមិនសុំទោសជនតាំងខ្លួនជាសាស្តាហៅអ្នកប្រតិកម្មលើខ្លួនជា «មនុស្សល្ងង់ និងអគតិ»