ព័ត៌មានជាតិ

(វីដេអូសម្ភាសន៍) ការព្រមានដករមណីយដ្ឋានអង្គរពីអង្គការយូណេស្កូ មិនអាចលេងសើចបានទេ

បានផុស

៩ ខែ មុន

នៅ

ថ្ងៃសុក្រ ៥ មេសា ២០២៤

ដោយ

អ្នកជំនាញបានគូសបញ្ជាក់ថា ការក្រើនរំលឹករបស់អង្គការយូណេស្កូលើកិច្ចការពារតំបន់រមណីយដ្ឋានអង្គរ ត្រូវតែយកចិត្តទុកដាក់មិនអាចលេងសើចបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក រ៉ាអ៊ូល ម៉ាក ជេនា

ថ្លែងនៅក្នុងសន្និសីទនៅក្រសួងព័ត៌មាននៅព្រឹកមិញនេះទាក់ទងសំណង់ខុសច្បាប់ និងកិច្ចការពាររមណីយដ្ឋានអង្គរ លោក រ៉ាអ៊ូល ម៉ាក ជេនា អ្នកស្រាវជ្រាវប្រវត្តិសាស្ត្រ និងជាទីប្រឹក្សារដ្ឋមន្រ្តីក្រសួងព័ត៌មានបានលើកពីការព្រមានរបស់អង្គការយូណេស្កូ ដែលបានក្រើនរំលឹកដល់អាជ្ញាធរកម្ពុជា ត្រូវតែចាត់វិធានការដើម្បីការពាររមណីយដ្ឋានអង្គរចៀសវាងការដកចេញពីបញ្ជីរបស់អង្គការយូណេស្កូ។

«ការការពាររមណីយដ្ឋានអង្គរមានសារសំខាន់ណាស់។ ការព្រមានរបស់អង្គការយូណេស្គូក្នុងការដករមណីយដ្ឋានអង្គររបស់កម្ពុជាចេញពីអង្គការយូណេស្កូមិនមែនជាការលែងសើចនោះទេ»។ នេះបើតាមលោក រ៉ាអ៊ូល ម៉ាក ជេនា។

អតីតសមាជិកសភារបស់ប្រទេសបែលហ្សិក និងជាអ្នកពិគ្រោះយោបល់ឲ្យអង្គការយូណេស្កូនរូបនេះបានក្រើនរំលឹកឲ្យរដ្ឋាភិបាលកម្ពុជា ត្រូវគោរពលក្ខខណ្ឌរបស់អង្គការយូណេស្កូនិងគណៈកម្មការបេតិកភណ្ឌពិភពលោក។

លោកបានលើកឡើងថា ជារៀងរាល់ឆ្នាំតែងតែមានការដករមណីយដ្ឋានវប្បធម៌ជាច្រើនពីបញ្ជីអង្គការដែលធ្វើការពាក់ព័ន្ធវប្បធម៌និងអប់រំមួយនេះ។ លោកបានលើកករណីជាក់ស្ដែងតំបន់បេតិកភណ្ឌមួយរបស់អង់គ្លេស ត្រូវបានអង្គការយូណេស្កូដកចេញពីបញ្ជីដោយសារមានការសាងសង់សំណង់ខុសច្បាប់៕