ព័ត៌មានជាតិ
វិទ្យាល័យ ហ៊ុន សែន ខ្លាកូន បន្ទាយមានជ័យ រៀបចំពិធីតាំងពិព័រណ៍ស្នាដៃសិស្ស និងសង្ក្រាន្ត
វិទ្យាល័យ ហ៊ុន សែន ខ្លាកូន ស្ថិតនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមាន័យ នៅព្រឹក ថ្ងៃទី៦ ខែមេសា ឆ្នាំ២០២៤ នេះ រៀបចំពិធីតាំងពិព័រណ៍ស្នាដៃសិស្ស និងសង្ក្រាន្តឆ្នាំថ្មី ២០២៤។
លោក សុខ ចំណាន នាយកវិទ្យាល័យ ហ៊ុន សែន ខ្លាកូន បានឱ្យដឹងថា ពិធីតាំងពិព័រណ៍ បានបង្ហាញអំពីចំណេះដឹងចំណេះធ្វើរបស់សិស្សានុសិស្ស ដើម្បីបន្តវេនអភិវឌ្ឍសង្គមជាតិពីរៀមច្បង។ ចំណែក សង្ក្រាន្ត ជាវប្បធម៌ប្រពៃណីរបស់ដូនតាខ្មែរ មានតាំងពីបុរាណកាលមក ដែលមានការលេងល្បែងប្រជាប្រិយ ដូចជាចោលឈូង បោះអង្គុញ លាក់កន្សែង ទាញព្រ័ត្រ ដណ្ដើមស្លឹកឈើ វាយក្អម រាំវង់ រាំក្បាច់ រាំសារ៉ាវ៉ាន់ ជាដើម។
ដូច្នេះក្នុងនាមសិស្សានុសិស្សដែលជាសសរទ្រូងប្រទេសជាតិ និងជាទំពាំងស្នងឫស្សី ត្រូវរួបរួមគ្នាថែរក្សាសង្ក្រាន្តដែលជាប្រពៃណីរបស់ដូនតាឱ្យបានគង់វង្ស ដោយត្រូវណែនាំអប់រំបងប្អូនកូនចៅ កុំឱ្យនាំគ្នាចម្លងវប្បធម៌សង្ក្រាន្តរបស់គេ។
លោក សុខ ចំណាន បានឱ្យដឹងបន្តទៀតថា កម្មវិធីសង្ក្រាន្តនេះ លោកបានណែនាំដល់សិស្សនុសិស្សទាំងអស់ត្រូវពង្រឹងសណ្ដាប់ធ្នាប់ អំឡុងពេលរៀបចំកម្មវិធី ពិសេសហាមដាច់ខាត យុវជនលេងបាញ់ទឹក ជះទឹក ប៉ាតម្សៅ និងល្បែងផ្សេងៗទៀតដែលប៉ះពាល់ដល់វប្បធម៌ខ្មែរ ទៅលើគ្នាទៅវិញទៅមក ដោយគ្មានសណ្តាប់ធ្នាប់ គ្មានរបៀបរៀបរយ គ្មានភាពថ្លៃថ្នូរ ព្រមទាំង គ្មានសុវត្ថិភាពជាដើម។
ដើម្បីទប់ស្កាត់ និងចៀសវាង បាតុភាពកើតឡើងជាយថាហេតុ ព្រមទាំងធានាបាននូវភាពថ្លៃថ្នូរ សុខសុវត្ថិភាព ដូច្នេះសិស្សានុសិស្សត្រូវចូលរួម លេងល្បែងប្រជាប្រិយខ្មែរ ប្រកបដោយភាពសប្បាយរីករាយ យកចិត្តទុកដាក់ក្នុងការថែរក្សាសុខភាព និងអនាម័យចៀសវាងការឆ្លងជំងឺរាតត្បាតផ្សេងៗ៕
អត្ថបទ៖ វ៉ាន់ ណាង
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា