ឯកឧត្តម ឌី វិជ្ជា និងលោកជំទាវ ហ៊ុន ម៉ាណា អញ្ជើញប្រារព្ធពិធីឆ្លងសាលាឆាន់ និងនាំយកទេយ្យវត្ថុប្រគេនដល់វត្តទួលសំបុកគ្រៀល ព្រមទាំងផ្តល់អំណោយដល់ពលរដ្ឋចំនួន៦០០គ្រួសារ ខេត្តកំពង់ឆ្នាំង

ក្នុងឱកាសនៃមុនពិធីបុណ្យចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់នាពេលដល់ខ្លីខាងមុខនេះ នាព្រឹកថ្ងៃទី៦ ខែមេសា ឆ្នាំ២០២៤ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ព្រមទាំងមិត្តភក្កិក្រុមការងារ បានអញ្ជើញមកប្រារព្ធពិធីឆ្លងសាលាឆាន់ និងនាំយកនូវទេយ្យវត្ថុរបស់ឯកឧត្តម និងលោកជំទាវផ្ទាល់ ប្រគេនដល់វត្តទួលសំបុកគ្រៀល ព្រមទាំង រៀបចំអាហារមួយពេលជូនដល់ប្រជាពលរដ្ឋចំនួន៦០០គ្រួសារ ស្ថិតនៅភូមិសំបុកគ្រៀល ឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។

សូមជម្រាបថា វត្តទួលសំបុកគ្រៀលនេះ គឺជាវត្តស្ថិតនៅតំបន់ដាច់ស្រយាលមួយ ហើយទើបនឹងកសាងឡើងបានរយៈពេល៤ឆ្នាំតែប៉ុណ្ណោះ ដូច្នេះការប្រគេនទេយ្យទេវត្ថុនៅពេលនេះ បានរួមចំណែកក្នុងការដោះស្រាយការលំបាករបស់ព្រះសង្ឃ ជាពិសេសការសម្រេចបាននូវការសាងសង់សាលាឆាន់មួយខ្នងរបស់ឯកឧត្តម និងលោកជំទាវ នាពេលនេះ។ នៅថ្ងៃនេះ ឯកឧត្តម និងលោកជំទាវ ក៏បានចែកជូននូវកាតាប ចំណីអាហារ និងសម្ភារៈសិក្សាដល់សិស្សានុសិស្សជាច្រើនអ្នកផងដែរ។

ឯកឧត្តម និងលោកជំទាវ ក៏បានផ្ដាំផ្ញើសួរសុខទុក្ខពីសំណាក់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្ដេចធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនដល់លោកយាយ លោកតា បងប្អូនប្រជាពលរដ្ឋទាំងអស់នាឱកាសនេះ។

ទេយ្យវត្ថុសម្រាប់ប្រគេនវត្តរួមមាន៖ អង្ករ១តោន ត្រីខចំនួន១កេស មាន១០យួរ មីចំនួន៥កេសធំ(៣០កេសតូច)
ត្រីងៀតចំនួន ១០ គីឡូ សាច់ក្រកចំនួន១០ គីឡូ សាច់ជ្រូផាត់ចំនួន១០ គីឡូ ទឹកដោះគោខាប់ ចំនួន២កេស កាហ្វេ ចំនួន៥កញ្ចប់ធំ តែចំនួន២គីឡូក្រាម ស្ករសចំនួន១បេ អំបិលចំនួន១បេ ប៊ីចេងចំនួន១បេ ទឹកត្រីចំនួន៥យួ ទឹកស៊ីអុីវចំនួន៥យួរ សាប៊ូដុំ ចំនួន៣០ដុំតូច ច្រាស និងថ្នាំដុសធ្មេញ ចំនួន១០០ឈុត ប្រេងកូឡា ចំនួន៥ដុំប្រេងខ្យល់ ចំនួន៥ដុំ ថវិកាចំនួន២លានរៀល។

សម្ភារៈសម្រាប់ប្រជាពលរដ្ឋចំនួន៦០០គ្រួសារ ដោយ១គ្រួសារទទួលបាន៖ អង្ករ២៥គីឡូក្រាម ត្រីខ១យួរទឹកដោះគោ៤កំប៉ុង ទឹកត្រី១យួរ ទឹកស៊ីអ៊ីវ១យួរ ស្ករស១គីឡូក្រាម ស្បែកជើង១គូ ក្រមា១ សារុង១ ប្រេងកូឡា១ដប ប្រេងខ្យល់១ដប សាប៊ូ១ដុំ ច្រាស និងថ្នាំដុសធ្មេញ១ឈុត រួមទាំងថវិកាចំនួន២ម៉ឺនរៀល៕