ព័ត៌មានជាតិ
អង្គការអុកស្វាម និងប.ស.ស រៀបចំកម្មវិធីប្រកួតអ្នកសារព័ត៌មានឆ្នើមស្តីពីបេឡាជាតិសន្តិសុខសង្គម
អង្គការអុកស្វាម បានសហការជាមួយបេឡាជាតិសន្តិសុខសង្គម (ប.ស.ស) រៀបចំកម្មវិធីពានរង្វាន់អ្នកសារព័ត៌មានឆ្នើម ស្តីពី ប.ស.ស ក្រោមប្រធានបទ បេឡាជាតិសន្តិសុខសង្គមសម្រាប់កម្មករនិយោជិតក្នុងវិស័យកាត់ដេរ និងវាយនភណ្ឌ។ កម្មវិធីនេះ ទទួលស្នាដៃប្រកួតចាប់ពីថ្ងៃទី២១ ខែមីនា ដល់ថ្ងៃទី៣១ ខែឧសភា ឆ្នាំ២០២៤។ សម្រាប់អ្នកចាប់អារម្មណ៍អាចចុះឈ្មោះតាម (https://shorturl.at/gitKY) ។

កម្មវិធីប្រកួតនេះ ធ្វើឡើងដើម្បីពង្រឹងចំណេះដឹងប្រជាពលរដ្ឋ និងកម្មករនិយោជិតក្នុងវិស័យកាត់ដេរ និងវាយនភណ្ឌ ស្តីពីប.ស.ស តាមរយៈការផ្សព្វផ្សាយ និងបណ្តាញសង្គម។ បន្ថែមពីនេះ លើកកម្ពស់ការរាយការណ៍ព័ត៌មានក្នុងចំណោមអ្នកសារព័ត៌មានពី ប.ស.ស និងពង្រឹងកិច្ចសហប្រតិបត្តិការរវាងវេឡាជាតិសន្តិសុខសង្គម និងអង្គការសង្គមស៊ីវិល-សហជីព ជាមួយអ្នកកាសែត និងស្ថាប័នសារព័ត៌មាន។
ចំពោះអ្នកដែលអាចប្រកួតប្រជែងបាន គឺជាអ្នកសារព័ត៌មានជនជាតិខ្មែរ មានស្ថាប័នពិតប្រាកដ និងអ្នកសារព័ត៌មានឯករាជ្យ ទាំងអ្នកសារព័ត៌មានបោះពុម្ព អនឡាញ វិទ្យុ ទូរទស្សន៍ និងអ្នកសារព័ត៌មានតាមបណ្តាញសង្គមប្លុកជាដើម។ មាតិកាដែលអាចយកមកប្រកួតបាន គឺជាមាតិកាដែលបានផ្សាយដោយស្ថាប័នព័ត៌មានចន្លោះថ្ងៃទី២១ ខែមីនា ដល់ថ្ងៃទី៣១ ខែមីនា ឆ្នាំ២០២៤ប៉ុណ្ណោះ។ អ្នកចូលរួមប្រកួត មិនអាចដាក់ស្នាដៃលើសពី១បានឡើយ។

ចំណែក មាតិកាដែលចូលរួមប្រកួត ផ្តើតសំខាន់លើការពង្រឹងចំណេះដឹងរបស់កម្មករនិយោជិតស្តីពី ប.ស.ស។ ការយល់ឃើញទស្សនទាននានា និងបទពិសោធផ្ទាល់របស់កម្មករនិយោជិតចំពោះការប្រើប្រាស់បណ្ណសមាជិក ប.ស.ស និងចំពោះការប្រើប្រាស់សេវាសុខភាពដែលជាដៃគូប.ស.ស។ ចុងក្រោយ គឺការយល់ឃើញ ឬសំណូមពររបស់កម្មករនិយោជិត ទៅបេឡាសន្តិសុខសង្គម ឬ សេវាសុខភាពដែលជាដៃគូរបស់ ប.ស.ស។
សម្រាប់បេក្ខជន ដែលទទួលបានជ័យលាភីលេខ១ និងលេខ២ ទទួលបានពានរង្វាន់ និងកំព្យូទ័រយួរដៃមួយគ្រឿង។ លេខ៣ ទទួលបាន ពានរង្វាន់ និងទូរសព្ទ១គ្រឿង លេខ៤ បានបណ្ណសរសើរ និងទូរសព្ទ១គ្រឿង រីឯ ជ័យលាភីលេខ៥ គឺទទួលបានបណ្ណសរសើរ និងវត្ថុអនុស្សាវរីយ៍៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ