ព័ត៌មានជាតិ
ប្រតិភូ ២០ ប្រទេស ចុះឈ្វេងយល់ ការអភិវឌ្ឍតំបន់សក្តានុពល តាមបណ្តាសហគមន៍នេសាទ
នាថ្ងៃទី៨ ខែមេសា ឆ្នាំ២០២៤ នេះ លោក វន សំភាស់ នាយកប្រចាំប្រទេសរបស់ អង្គការ អេដ អេ អាក់ស្យុង អន្តរជាតិ (AEA) បានដឹកនាំគណៈប្រតិភូមកពី ២០ ប្រទេស ជុំវិញពិភពលោក ចុះមកសិក្សាឈ្វេងយល់ពីគម្រោងសំខាន់ៗ ដែលអង្គការនេះកំពុងធ្វើសកម្មភាពនៅ ខេត្តកែប និង ខេត្តកំពត ដែលគម្រោងទាំងនោះចែកជាកម្មវិធីផ្សេងៗ ផ្តោតសំខាន់លើការគាំទ្រ និងអភិវឌ្ឍសហគមន៍នេសាទ គាំទ្រលើសកម្មភាពអប់រំកុមារតូច រហូតដល់មធ្យមសិក្សា និងគាំទ្រលើមជ្ឈមណ្ឌលបណ្តុះបណ្តាលមួយចំនួន។
![](https://www.kampucheathmey.com/wp-content/uploads/2024/04/photo_2024-04-08_16-59-36.jpg)
ក្នុងដំណើរទស្សនកិច្ចរយៈពេលពេញមួយថ្ងៃ គណៈប្រតិភូទាំងអស់ បានដាំកូនកោងកាង ក្នុងន័យចូលរួមអភិរក្សព្រៃកោងកាងដែលជាប្រភពដ៏សំខាន់សម្រាប់ជីវៈចម្រុះសមុទ្រផងដែរ។
![](https://www.kampucheathmey.com/wp-content/uploads/2024/04/photo_2024-04-08_17-09-25-1024x569.jpg)
លោក វន សំភាស់ នាយកប្រចាំប្រទេសរបស់អង្គការ អេដ អេ អាក់ស្យុង អន្តរជាតិ (AEA) ក្នុងដំណើរចុះទស្សនកិច្ចជាមួយបណ្តាញអ្នកធ្វើការលើវិស័យទេសចរណ៍ បានឱ្យដឹងថា ដំណើរទស្សនកិច្ចលើកនេះ គឺមានគោលបំណងតាមដានទៅលើវឌ្ឍនភាព ក្នុងការរួមចំណែកធ្វើឱ្យមានការផ្លាស់ប្ដូរជាវិជ្ជមាន ទៅលើសេវាកម្មអប់រំ សេវាកម្មទឹកស្អាត អភិវឌ្ឍន៍ជីវភាពរស់នៅសហគមន៍ សេវាទេសចរណ៍ ក៏ដូចសេវាផ្សេងៗជាច្រើនទៀត ដែលស្ថិតនៅក្នុងគម្រោងអង្គការ។
![](https://www.kampucheathmey.com/wp-content/uploads/2024/04/photo_2024-04-08_17-04-46-1024x570.jpg)
លោក វន សំភាស់ រំពឹងថា នឹងមានការចូលរួមពីបន្ថែម ពីអាជ្ញាធរគ្រប់លំដាប់ថ្នាក់ និងបើកចំហរ សម្រាប់ការរួមចំណែករបស់សហគមន៍ វិស័យឯកជន សង្គមស៊ីវិល រួមទាំងអ្នកវិនិយោគផ្សេងទៀត ដើម្បីភាពរីកចម្រើនរបស់ប្រទេសកម្ពុជា។
![](https://www.kampucheathmey.com/wp-content/uploads/2024/04/photo_2024-04-08_17-08-41-1024x569.jpg)
គួរបញ្ជាក់ថា ជាមួយការជួយជ្រោមជ្រែងពីអង្គការដៃគូនានា បណ្តាសហគមន៍នេសាទនៅ ខេត្តកែប និង ខេត្តកំពត កំពុងបន្តប្រែក្លាយទៅជាសហគមន៍នេសាទអេកូទេសចរណ៍ ដែលនេះបានជួយដល់បណ្តាសមាជិកសហគមន៍ទាំងនោះ ឱ្យមានចំណូលបន្ថែម តាមរយៈការផ្តល់សេវាទេសចរណ៍នានាក្រៅតែពីការនេសាទ។ ជាមួយគ្នានោះ សហគមន៍កំពុងក្លាយជាតួអង្គដ៏សំខាន់ក្នុងការការពារធនធានជីវចម្រុះក្នុងសមុទ្រ ជាពិសេសសត្វសមុទ្រកម្រដទៃទៀត ឱ្យនៅគង់វង្ស។
អត្ថបទ៖ សឹង រ៉ាត់
![](https://www.kampucheathmey.com/wp-content/uploads/2024/04/photo_2024-04-08_17-11-10.jpg)
![](https://www.kampucheathmey.com/wp-content/uploads/2024/04/photo_2024-04-08_17-05-27.jpg)
![](https://www.kampucheathmey.com/wp-content/uploads/2024/04/photo_2024-04-08_16-57-43.jpg)
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ