ព័ត៌មានជាតិ

ត្រីមាសទី ១ ឆ្នាំនេះ មានសហគ្រាសគ្រឹះស្ថានបើកថ្មីជាង ៣ ពាន់ កម្មករជាង ១៤ ម៉ឺននាក់

បានផុស

១០ ខែ មុន

នៅ

ថ្ងៃអង្គារ ៩ មេសា ២០២៤

ដោយ

នៅត្រីមាសទី ១ ឆ្នាំ ២០២៤ នេះ មានសហគ្រាសគ្រឹះស្ថានកាត់ដេរ និងមិនមែនកាត់ដេរបើកថ្មីជាង ៣ ពាន់រោងចក្រ មានកម្មករជាង ១៤ ម៉ឺននាក់ មានការកើនឡើងខ្ពស់ បើធៀបទៅនឹងរយៈពេលដូចគ្នាកាលពីឆ្នាំ ២០២៣ កន្លងទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក កត្តា អ៊ន រដ្ឋលេខាធិការ និងជាអ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ បានមានប្រសាសន៍នៅថ្ងៃទី ៩ មេសា នេះថា ត្រីមាសទី ១ ឆ្នាំ ២០២៤ នេះ មានសហគ្រាសគ្រឹះស្ថានកាត់ដេរបើកថ្មីចំនួន ១៦៣ រោងចក្រ មានកម្មករ-និយោជិតចំនួន ៧៩ ៧២១ នាក់ ស្រី ៥៥ ៤១៤ នាក់ និងសហគ្រាសគ្រឹះស្ថានមិនមែនកាត់ដេរបើកថ្មីចំនួន ២ ២៨៥ រោងចក្រ មានកម្មករ-និយោជិតចំនួន ៦០ ៨០៣ នាក់ ស្រី ២៧ ៦៩៣ នាក់។

លោកបានបន្តថា បើសរុបទាំងសហគ្រាសគ្រឹះស្ថានកាត់ដេរ និងមិនមែនកាត់ដេរក្នុងត្រីមាសទី ១ ឆ្នាំនេះ មានរោងចក្របើកថ្មីចំនួន ៣ ០៤៨ រោងចក្រ មានកម្មករ-និយោជិតចំនួន ១៤០ ៥២៤ នាក់ ស្រី ៨៣ ១០៧ នាក់ បើធៀបទៅនឹងរយៈពេលដូចគ្នាឆ្នាំ ២០២៣ កន្លងទៅ ឃើញថា មានការកើនឡើងខ្ពស់ ដោយ ១ ត្រីមាស ឆ្នាំ ២០២៣ មានសហគ្រាសគ្រឹះស្ថានកាត់ដេរបើកថ្មីត្រឹមតែ ៣៥ រោងចក្រប៉ុណ្ណោះ មានកម្មករ ២១ ៥៦៦ នាក់ ស្រី ១០ ០៨៤ នាក់ និងសហគ្រាសគ្រឹះស្ថានមិនមែនកាត់ដេរបើកថ្មីចំនួន ៤០១ រោងចក្រ មានកម្មករ-និយោជិតចំនួន ៨ ៦៧៦ នាក់ ស្រី ៣ ៥៣៥ នាក់ សរុបទាំងសហគ្រាសគ្រឹះស្ថានកាត់ដេរ និងមិនមែនកាត់ដេរចំនួន ៤៣៦ រោងចក្រ មានកម្មករ-និយោជិតចំនួន ២១ ២៤២ នាក់ ស្រី ១៣ ៦១៩ នាក់៕

អត្ថបទ ៖ សំអឿន