ព័ត៌មានជាតិ

សង្ក្រាន្តខេត្តបាត់ដំបង ពង្រីកតំបន់ត្រជាក់ចិត្តចាប់ពីគល់ស្ពាន ១៣ មករា ដល់ វិទ្យាល័យ នេត យ៉ង់

បានផុស

១០ ខែ មុន

នៅ

ថ្ងៃពុធ ១០ មេសា ២០២៤

ដោយ

បើតាមលោក សុខ លូ អភិបាលនៃគណៈអភិបាលខេត្តបាត់ដំបងបានឱ្យដឹងថា រដ្ឋបាលខេត្តបាត់ដំបងនឹងពង្រីកតំបន់ត្រជាក់ចិត្តឱ្យកាន់តែវែងជាងមុន ក្នុងព្រឹត្តិការសង្ក្រាន្តខាងមុខ ដើម្បីឱ្យភ្ញៀវទេសចរជាតិ-អន្តរជាតិមកលេងកម្សាន្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្រាប់ព្រឹត្តិការសង្ក្រាន្តឆ្នាំថ្មីនាពេលខាងមុខនេះ រដ្ឋបាលខេត្តបាត់ដំបងនឹងពង្រីកតំបន់ត្រជាក់ចិត្តឱ្យកាន់តែវែងជាងមុន ពោលគឺប្រើប្រាស់វិថីសម្ដេចក្រឡាហោមស ខេង ចាប់ពីគល់ស្ពាន ១៣ មករា មកកាន់វិទ្យាល័យនេតយ៉ង់ ដោយក្នុងនោះរដ្ឋបាលខេត្តបានរៀបចំជាពាងទឹកសម្រាប់ប្រជាពលរដ្ឋមកលេងកំសាន្តផងដែរ។ លោក សុខ លូ បានអះអាងតាមរយៈហ្វេសប៊ុកផ្លូវការ។

ព្រឹត្តិការណ៍សង្ក្រាន្តបាត់ដំបង អាជ្ញាធរខេត្តត្រៀមរៀបចំចាប់ពីថ្ងៃទី១២ ដល់ថ្ងៃទី១៦ ខែមេសា សរុបចំនួន ៥ ថ្ងៃ ដើម្បីបង្កភាពសប្បាយរីករាយដល់ប្រជាពលរដ្ឋក្នុងខេត្ត ក៏ដូចជាភ្ញៀវទេសចរណ៍ជាតិនិងអន្តរជាតិដែលមកពីខាងក្រៅ។

ក្នុងនោះ រដ្ឋបាលខេត្តបានកំណត់ទីតាំងដែលត្រូវរៀបចំរួមមាន តាមបណ្ដោយវិថីសម្ដេចក្រឡាហោម ស ខេង ក្នុងបរិវេណវិទ្យាល័យនេតយ៉ង់ និងខាងមុខសារមន្ទីរប្រវត្តិសាស្ត្រខេត្ត (សាលាខេត្តចាស់) ក្នុងក្រុងបាត់ដំបងតែម្ដង ដោយមានការដាក់តាំងម្ហូបអ្នកបាត់ដំបង ចាប៉ីដងវែងយក្ស ផ្លែទុរេនយក្ស និងណែមយក្ស ជាដើម៕