ព័ត៌មានជាតិ
មន្រ្តីជំនាញខេត្តកោះកុង ចុះត្រួតពិនិត្យគុណភាពចំណីអាហារដែលតាំងលក់នៅផ្សារភូមិថ្មី
ដើម្បីឱ្យប្រាកដប្រជាកាន់តែត្រឹមត្រូវ ក្រុមមន្រ្តីសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង បានចុះត្រួតពិនិត្យស្វែងរកសារធាតុហាមឃាត់លើចំណីអាហារស្រស់ៗនៅផ្សារភូមិថ្មី ហៅផ្សារចាំយាម។
![](https://www.kampucheathmey.com/wp-content/uploads/2024/04/photo_2024-04-09_14-20-47-1024x768.jpg)
ខណៈកម្ពុជាត្រៀមរៀបចំពិធីបុណ្យចូលឆ្នាំខ្មែរ ប្រពៃណីជាតិខ្មែរ ដើម្បីលើកកម្ពស់សុវត្ថិភាពចំណីអាហារប្រើប្រាស់ប្រចាំថ្ងៃ គេសង្កេតឃើញមានមន្រ្តីជំនាញពាក់ព័ន្ធ បានចុះយកសំណាក់តេស្តពិនិត្យស្វែងសារធាតុគីមីទៅលើ មឹក បង្គារ បង្កងប៉ាក ត្រីកណ្តាំ ខ្យងដែកគោល ភ្លៅមាន់ ជើងមាន់ គុយទាវ និងបន្លែជាច្រើនមុខទៀត។
បើតាមការបញ្ជាក់របស់លោកលោក ជា នី អនុប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំខេត្តកោះកុង បានឱ្យដឹងនៅថ្ងៃទី៩ ខែមេសា ឆ្នាំ២០២៤ថា សារធាតុហាមឃាត់ដែលផ្ទុកក្នុងអាហារស្រស់ដូចជាគ្រឿងសមុទ្រ ក៏ដូចជាបន្លែបង្កានានា គឺវាតែងតែធ្វើឱ្យប៉ះពាល់សុខភាពអ្នកប្រើប្រាស់ទូទៅ។
![](https://www.kampucheathmey.com/wp-content/uploads/2024/04/photo_2024-04-09_14-20-53-1024x768.jpg)
លោក ជា នី បន្ថែមថា ក្រោយពិនិត្យលើសំណាក់ក្រុមបន្លែ និងសាច់ទាំងប្រមាណ១៣ប្រភេទថា ពុំមានការផ្ទុកនូវសារធាតុគីមីនោះទេនៅក្នុងផ្សារភូមិថ្មី ឃុំប៉ាក់ខ្លង ស្រុកមណ្ឌលសីមា ដោយនេះជាសញ្ញាល្អមួយពីការចូលរួមរបស់ក្រុមអាជីវករ និងពាណិជ្ជកម្មដែលគិតគូរពីសុខភាពអ្នកប្រើប្រាស់។ ទោះជាបែបនេះក៏ដោយចុះ មន្រ្តីជំនាញនៅតែទាមទារឱ្យក្រុមអាជីកម្ម និងពាណិជ្ជកម្មពាក់ព័ន្ធបន្តនាំគ្នាចូលរួមយកចិត្តទុកលើការដាក់តាំងលក់ទំនិញ និងចំណីអាហារណាដែលមានសុវត្ថិភាពជូនប្រជាពលរដ្ឋជាអតិថិជនរបស់ខ្លួន ចៀសវាងយកទំនិញមិនស្គាល់ម៉ាកសញ្ញា ឬហួសសុពលភាពប្រើប្រាស់នាំឱ្យគ្រោះថ្នាក់ដល់សុខភាពរបស់អ្នកប្រើប្រាស់ ហើយត្រូវប្រឈមនឹងទោសទណ្ឌទៀតផង។
![](https://www.kampucheathmey.com/wp-content/uploads/2024/04/photo_2024-04-09_14-20-57-1024x768.jpg)
អ្នកស្រី សេង លីហួរ ជាពលរដ្ឋម្នាក់ដែលដើរទិញទំនិញមុនពិធីបុណ្យចូលឆ្នាំថ្មី លើកឡើងថា រូបគាត់ពិតជារីករាយដែលឃើញមានមន្រ្តីចុះពិនិត្យរកសារធាតុគីមីលើគ្រឿងសមុទ្រស្រស់ និងបន្លែជាដើម។ ព្រោះការធ្វើបែបនេះ ជាការលើកកម្ពស់សុវត្ថិភាពអ្នកប្រើប្រាស់ គ្រាពុំមានដឹងច្បាស់អំពីទិញឬចំណីអាហារដែលមានផ្ទុកគិមី។ អ្នកស្រី ក៏រំពឹងថា មន្រ្តីជំនាញនឹងបន្តតាមដានត្រួតពិនិត្យកាន់តែច្រើនបន្ថែមនៅតាមទីផ្សារនានា ពិសេសឃ្លាំងស្តុកទំនិញតូចធំជុំវិញខេត្ត ដើម្បីបង្រ្កាបទំនិញក្លែងក្លាយធ្វើឱ្យខូចសុខភាព។ រីឯអាជីករ និងពាណិជ្ជកម្ម ក៏ដូចគ្នាដែរគប្បីតាំងលក់ចំណីអាហារដែលមានគុណភាពខ្ពស់បម្រើដល់អ្នកប្រើប្រាស់ ទើបសុខភាពរឹងមាំទៅអនាគត៕
អត្តបទ៖ សិរិវឌ្ឍនៈ
![](https://www.kampucheathmey.com/wp-content/uploads/2024/04/photo_2024-04-09_14-21-00-1024x768.jpg)
![](https://www.kampucheathmey.com/wp-content/uploads/2024/04/photo_2024-04-09_14-21-04-1024x768.jpg)
![](https://www.kampucheathmey.com/wp-content/uploads/2024/04/photo_2024-04-09_14-21-07-1024x768.jpg)
![](https://www.kampucheathmey.com/wp-content/uploads/2024/04/photo_2024-04-09_14-21-10-1024x768.jpg)
-
សន្តិសុខសង្គម៥ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+១ សប្តាហ៍ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៥ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៥ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៥ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ