ព័ត៌មានជាតិ
ពលរដ្ឋជាច្រើនគ្រួសារផ្ទុះការតវ៉ា ក្រោយអតីតប្រធានការិយាល័យសុរិយោដីស្រុកបូរីជលសារ ប្ដឹងពួកគាត់ពីបទរំលោភដីអាស្រ័យផល
ប្រជាពលរដ្ឋជាច្រើនគ្រួសារមកពីភូមិអង្គក្រូច ឃុំបូរីជលសារ ស្រុកបុរីជលសារ ខេត្តតាកែវ បានផ្ទុះការតវ៉ានៅមុខតុលាការខេត្តតាកែវនៅព្រឹកថ្ងៃទី០៩ ខែមេសា ឆ្នាំ ២០២៤នេះ ដោយទាមទារឲ្យតុលាការជួយរកយុត្តិធម៌ជូនពួកគាត់ក្រោយពីអតីតប្រធានការរិយាល័យសុរិយោដីស្រុកបូរីជលសារបានប្ដឹងពួកគាត់ពីបទរំលោភដីអាស្រ័យផល ដែលដីទាំងអស់នេះពួកគាត់បានរស់នៅជិត៤០ឆ្នាំកន្លងមកហើយ។
![](https://www.kampucheathmey.com/wp-content/uploads/2024/04/photo_2024-04-09_16-14-33-1024x576.jpg)
តាមការឲ្យដឹងពីប្រជាពលរដ្ឋទាំងនោះបានប្រាប់បណ្ដាញសារពត៌មាននៅមុខតុលាការខេត្តតាកែវថា ឈ្មោះ ញ៉ៅ លី អតីតប្រធានការិយាល័យសូរិយោដីស្រុកបុរីជលសារ បានប្ដឹងចោទថា ប្រជាពលរដ្ឋបានសង់ផ្ទះរស់នៅ និងអាស្រ័យផលលើដីរបស់គាត់ តែតាមការពិតប្លង់ដី ដែលបុគ្គលឈ្មោះ ញ៉ៅ លី មាន ទើបតែធ្វើឆ្នាំ១៩៩៣ ប៉ុណ្ណោះ ចំណែកបងប្អូនប្រជាពលរដ្ឋជាច្រើនគ្រួសារបានមករស់នៅ សង់ផ្ទះ អាស្រ័យផលតាំងពីឆ្នាំ១៩៨០ មកម្លេះ ហើយការមករស់នៅនេះមានទាំងបង្កាន់ដៃអាស្រ័យផលដែលទទួលស្គាល់ដោយលោកមេភូមិ មេឃុំ ថែមទៀតផង។
ប្រជាពលរដ្ឋក៏បានសំណូមពរដល់តុលាការខេត្តតាកែវទម្លាក់ការចោទប្រកាន់ និងបានសំណូមពរដល់ប្រមុខរាជរដ្ឋាភិបាលជួយអន្តរាគមន៍បញ្ហានេះ ដោយជួយសើររើការលួចធ្វើប្លង់ដីរបស់បុគ្គល ញ៉ៅ លី ដែលខ្លួនពីមុនជាប្រធានការរិយាល័យសូរិយោដីស្រុក បានលួចធ្វើប្លង់យកដីប្រជាពលរដ្ឋដោយមិនឱ្យប្រជាពលរដ្ឋបានដឹងហើយថែមទាំងប្ដឹងប្រជាពលរដ្ឋមកកាន់តុលាការថែមទៀតផង។
![](https://www.kampucheathmey.com/wp-content/uploads/2024/04/photo_2024-04-09_16-14-34-2-1024x458.jpg)
ដោយឡែកអតីតមេភូមិអង្គក្រូច ស្រុកបុរីជលសារដែលបានរៀបចំដីនៅក្នុងភូមិនេះ បានធ្វើការអះអាងថា លោកមិនបានដឹងថា ដីនៅតំបន់នេះមានកម្មសិទ្ធិរបស់បុគ្គលឈ្មោះ ញ៉ៅ លី នោះទេ គឺឃើញថា បងប្អូនប្រជាពលរដ្ឋបានរស់នៅជាយូឆ្នាំមកហើយ ដូច្នោះសូមថ្នាក់ដឹកនាំជួយអន្តរាគមន៍ដល់បងប្អូនប្រជាពលរដ្ឋឲ្យបានកាន់កាប់ដីដោយស្របច្បាប់ផង៕
![](https://www.kampucheathmey.com/wp-content/uploads/2024/04/photo_2024-04-09_16-14-34-1024x458.jpg)
អត្ថបទ៖ វីរៈ
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ ថ្ងៃ ago
យាយតាយកចៅអាយុ៦ខែ ទៅងូតទឹក ត្រូវខ្សែភ្លើងឆក់ស្លាប់ទាំង៣នាក់ យ៉ាងអាណោចអាធ័ម
-
ព័ត៌មានជាតិ២ ថ្ងៃ ago
កូនប្រុសលោក រ័ត្ន ស្រ៊ាង ត្រូវបានតែងតាំងជាមេបញ្ជាការរងកងរាជអាវុធហត្ថរាជធានីភ្នំពេញ
-
សេដ្ឋកិច្ច២ ថ្ងៃ ago
កម្ពុជាគួរត្រៀមខ្លួនបែបណា មុនពេលប្ដូរឋានៈ ទៅជាប្រទេសមានចំណូលមធ្យមកម្រិតខ្ពស់
-
ព័ត៌មានជាតិ៦ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៣ ថ្ងៃ ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
សន្តិសុខសង្គម២ ថ្ងៃ ago
ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ
-
ព័ត៌មានជាតិ៣ ថ្ងៃ ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ២ ថ្ងៃ ago
លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»