ព័ត៌មានជាតិ

រៀបចំលំហូរចរាចរណ៍ជាថ្មីផ្លូវតាមឆ្នេរពីឆ្នេរអូរឈើទាលទៅឆ្នេរអូរត្រេះ បញ្ចៀសការកកស្ទះចរាចរណ៍

បានផុស

១០ ខែ មុន

នៅ

ថ្ងៃពុធ ១០ មេសា ២០២៤

ដោយ

ដើម្បីបញ្ចៀសការកកស្ទះចរាចរណ៍នៅតាមបណ្ដោយផ្លូវមាត់ឆ្នេរសមុទ្រ រដ្ឋបាលខេត្តព្រះសីហនុបានប្រកាសផែនការរៀបចំលំហូរចរាចរណ៍ជាថ្មីក្នុងទិសដៅពីឆ្នេរអូរឈើទាលទៅឆ្នេរអូរត្រេះ ដោយអនុវត្តចាប់ពីថ្ងៃទី១០ ខែមេសា ឆ្នាំ២០២៤ នេះតទៅ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្តីជូនដំណឹងរបស់រដ្ឋបាលខេត្ត ការអនុវត្តសាកល្បងលើលំហូរចរាចរណ៍ក្នុងទិសដៅចាប់ពីឆ្នេរអូរឈើល ឆ្ពោះទៅឆ្នេរអូរត្រេះ បែងចែកជា ៣ កំណាត់ដូចខាងក្រោយនេះ៖

–កំណាត់ទី១៖ ជាផ្លូវឯកទិសដោយចាប់ពីចំណុចបន្ទប់ទឹកសាធារណៈទី១ រហូតដល់ប្រសព្វវិថីកោះពូឡូវ៉ៃ (ផ្លូវលេខ៣០០ – កែងដំណាក់ស្តេច)

–កំណាត់ទី២៖ ជាផ្លូវធ្វើចរាចរណ៍ពីរទិស ដោយចាប់ពីចំណុចប្រសព្វវិថីកោះពូឡូវ៉ៃ (ផ្លូវលេខ៣០០ – កែងដំណាក់ស្តេច) រហូតដល់ប្រសព្វផ្លូវលេខ៨៣៧-២ (ហួសហាងកាហ្វេ BROWN ប្រមាណ ៤០០ម) ជៀសវាងការធ្វើដំណើរវាងឆ្ងាយតាមផ្លូវ ៨៣៧ ក្រោយពយអូរឈើទាល

–កំណាត់ទី៣៖ ជាផ្លូវឯកទិស ដោយចាប់ពីចំណុចប្រសព្វផ្លូវលេខ ៨៣៧-២ (ហួសហាងកាហ្វេ BROWN) រហូតដល់ប្រសព្វផ្លូវលេខ ៨៣៧។

ក្នុងគោលដៅដើម្បីបញ្ចៀសការកកស្ទះចរាចរណ៍នៅតាមបណ្ដោយផ្លូវមាត់ឆ្នេរសមុទ្រ រដ្ឋបាលខេត្តណែនាំដល់ប្រជាពលរដ្ឋ ត្រូវធ្វើដំណើរស្របតាមទិសដៅដែលរដ្ឋបាលខេត្តបានកំណត់ដូចសេចក្តីជូនដំណឹងខាងលើ ហើយនឹងចាប់ផ្តើមអនុវត្តចាប់ពីថ្ងៃទី១០ នេះតទៅ៕