ព័ត៌មានជាតិ
សម្ដេចនាយករដ្ឋមន្ត្រី៖ ការផលិតទឹកដោះគោក្នុងស្រុក នឹងកាត់បន្ថយការនាំចូលផលិតផលពីបរទេស
សម្ដេចនាយករដ្ឋមន្ត្រី ហ៊ុន ម៉ាណែត បានគូសបញ្ជាក់ថា ការវិនិយោគលើរោងចក្រផលិតទឹកដោះគោនៅក្នុងប្រទេស កម្ពុជា នឹងចូលរួមកាត់បន្ថយការនាំចូលផលិតផលពីបរទេស។

ការថ្លែងរបស់សម្តេចធិបតីបែបនេះ ក្នុងឱកាសអញ្ជើញជាអធិបតីក្នុងពិធីសម្ពោធកសិដ្ឋានចិញ្ចឹមគោយកទឹកដោះគិរីសួគ៌ នៅស្រុកបាទី ខេត្តតាកែវ នៅថ្ងៃទី១១ ខែមេសា ឆ្នាំ២០២៤នេះ។ សម្ដេចធិបតី ថ្លែងដូច្នេះថា៖ «ការផលិតទឹកដោះគោរបស់កសិដ្ឋានចិញ្ចឹមគោយកទឹកដោះទាំង៤នៅកម្ពុជា គឺបានចូលរួមចំណែកលើកកម្ពស់អាហារូបត្ថម្ភ ជាពិសេសកុមារ និងសិស្សដែលត្រូវការអាហារបំប៉នសម្រាប់ការរីកលូតលាស់នៃសុខភាពរាងកាយ និងបញ្ញាស្មារតី ថែមទាំងកាត់បន្ថយការនាំចូលទឹកគោ និងការផលិតទឹកដោះគោពីបរទេស»។
បើតាមការថ្លែងឱ្យដឹងដោយសម្ដេចធិបតី គឺទិន្នន័យនៃការនាំចូលមកកម្ពុជា ដែលពាក់ព័ន្ធនឹងផលិតផលទឹកដោះគោនេះ គឺបើគិតជាប្រចាំឆ្នាំ មានទំហំ ៩៨ពាន់តោនក្នុងមួយឆ្នាំ គិតជាថវិកាប្រមាណ ៧៣៤លានដុល្លារ។ ដូច្នេះ ការបង្កើតកសិដ្ឋានចិញ្ចឹមគោយកទឹកដោះ នាពេលនេះ នឹងកាត់បន្ថយបានមួយចំណែកនៃការនាំចូលផលិតផលទឹកដោះគោពីប្រទេសខាងក្រៅ។

សម្ដេចធិបតី បានបន្តថា បន្ថែមពីលើការកាត់បន្ថយការនាំចូលទឹកគោពីបរទេស ការផលិតទឹកដោះគោនៅក្នុងស្រុកនេះ ក៏នឹងចូលរួមលើកកម្ពស់អាហារូបត្ថម្ភនៅកម្ពុជា ស្របតាមគោលនយោបាយរបស់រាជរដ្ឋាភិបាល ក្នុងការលើកកម្ពស់ការផ្ដល់អាហារូបត្ថម្ភសម្រាប់កុមារតូចៗផងដែរ៕

-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ