ព័ត៌មានជាតិ

Breaking៖ អ្នកឆ្លងកូវីដ១៩កើនឡើងជិត ១០០ នាក់រយៈពេល៣ ថ្ងៃ

បានផុស

៤ years មុន

នៅ

ថ្ងៃចន្ទ ២២ កុម្ភៈ ២០២១

ដោយ

នៅក្នុងរយៈពេល ៣ ថ្ងៃ នៃព្រឹត្តិការណ៍សហគម ២០ កុម្ភៈ មានករណីឆ្លងជំងឺកូវីដ ១៩ កើនឡើង ដល់ ជិត ១០០ នាក់ហើយ គិតត្រឹមល្ងាចថ្ងៃទី ២២ ខែកុម្ភៈ ឆ្នាំ ២០២១នេះ។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា ថ្លែងសារពិសេសទៅកាន់ប្រជាពលរដ្ឋនៅរយប់ថ្ងៃច័ន្ទនេះថា ករណីឆ្លងកូវីដ១៩ រយៈពេល ៣ ថ្ងៃនេះ បានកើនឡើងជិត ១០០ ករណី ដែលជាករណីមិនធ្លាប់កើតមាន ហើយនៅមានសំណាកជាច្រើនទៀត មិនចេញលទ្ធផល ខណៈដែលលទ្ធផលចុងក្រោយនេះ មានករណីឆ្លង ១៣ ករណីរួចទៅហើយ ហើយម៉ាស៊ីនធ្វើតេស្តសំណាកមិនទាន់បញ្ចប់នៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែនក៏អំពាវដល់ប្រជាពលរដ្ឋទាំងអស់ ឲ្យមានការយោគយល់ ប្រសិនបើអាចពន្យាបានក្នុងការធ្វើដំណើរ ក៏ត្រូវពន្យា ដើម្បីទុកឱកាសឲ្យរាជរដ្ឋាភិបាលដោះស្រាយបញ្ហានេះ។

សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជាបានសម្រេចបិទសាលារៀននៅភ្នំពេញ និងខេត្តកណ្តាល ចំនួនពីរសប្តាហ៍តាមការស្នើសុំរបស់លោក ហង់ជួន ណារ៉ុន រដ្ឋមន្រ្តីក្រសួងអប់រំយុវជន និងកីឡាបានតាមរយៈសារបន្ទាន់មុននេះ។

ជាមួយគ្នានេះដែរសម្តេចបានអំពាវនាវដល់បប្អូនដែលត្រូវរៀបមង្គលការទាំងឡាយប្រសិនបើអាចពន្យាបានគឺសុំពន្យា ប្រសិនបើមិនអាចពន្យាបានទេ សុំកាត់បន្ថយចំនួនមនុស្សឱ្យមកនៅតិចបំផុត តាមដែលអាចធ្វើទៅបាន ខណៈនេះគឺជាវិធានការដើម្បីឆ្លើយតបទៅនឹងការឆ្លងរីករាលដាលនៃមកដល់ពេលនេះ ទំហំប្រតិបត្តិការណ៍របស់យើងកាន់តែធំឡើងៗ៕

ដោយ៖ ឡេង ដេត

Related Topics:កូវីដ-១៩