មណ្ឌល​ត្រួតពិនិត្យលក្ខណៈបច្ចេកទេសយានជំនិះ (ឆៀក) ពង្រីក​បាន ២១ ទីតាំង​ទូទាំប្រទេស

បើ​តាម​ក្រសួងសាធារណរការ​ និងដឹកជញ្ជូន មជ្ឍមណ្ឌល​ត្រួតពិនិត្យលក្ខណៈបច្ចេកទេសយានជំនិះ (ឆៀក) បច្ចុប្បន្ន​បានពង្រីកបាន ២១ ទីតាំង​ទូទាំង​ប្រទេស។

​

ទីតាំង​មជ្ឍមណ្ឌល​​ត្រួតពិនិត្យលក្ខណៈបច្ចេកទេសយានជំនិះ (ឆៀក) ទាំង ២១ ទីតាំង មាននៅ​រាជធានី​ភ្នំពេញចំនួន ៨ ទីតាំង និង​តាម​បណ្តា​ខេត្ត​ចំនួន​ ១៣ ទីតាំង។

១/ ទីតាំងទាំង ៨​ នៅ​​រាជធានី​ភ្នំពេញមាននៅ​៖

– ឬស្សីកែវ ផ្លូវលេខ៥៩៨ (ផ្លូវឯកឧត្តមជាសុផារ៉ា)
– ជ្រោយចង្វារ (ជិតស្ពានលេខ៣ ផ្លូវជាតិលេខ៦A)
– ចំការដូង (ជិតសាលាខណ្ឌដង្កោ ផ្លូវលេខ២១៧)
– បឹងស្នោ (ជិតបុរីប៉េងហួតបឹងស្នេ ផ្លូវជាតិលេខ១)
– ផ្សាដីហុយ (ផ្លូវលេខ ១៩៨៦)
– បឹងបៃតង (ជិតផ្សារបឹងបៃតង ផ្លូវឧកញ៉ា ម៉ុង ឬទ្ធី)
– សំរោងអណ្តែត (ផ្លូវលេខ ១០១៩ ឬផ្លូវហាណូយ)
– កំបូល (ជិតតំបន់សេដ្ឋកិច្ចពិសេសភ្នំពេញ ផ្លូវជាតិលេខ៤)

២) តាមបណ្តាខេត្តទាំង ១៣ ទីតាំងមាននៅ​៖

– ខេត្តរតនៈគិរី
– ខេត្តកំពង់ចាម
– ខេត្តកំពង់ស្ពឺ
– ខេត្តសៀមរាប
– ខេត្តព្រះសីហនុ
– ខេត្តកំពង់ឆ្នាំង
– ខេត្តកំពង់ធំ
– ខេត្តក្រចេះ
– ខេត្តបាត់ដំបង
– ខេត្តព្រះវិហារ
– ខេត្តស្វាយរៀង
– ខេត្តបន្ទាយមានជ័យ
– ខេត្តកំពត

មន្រ្តី​រដ្ឋមន្ត្រីក្រសួងសាធារណការ និងដឹកជញ្ជូន បានអំពាវនាវដល់ប្រជាពលរដ្ឋ ឱ្យយកយានយន្តទៅឆៀកឱ្យបានទាន់ពេលវេលា ចៀសវាងការខាតបង់ ឬប្រឈមមុខនឹងការផាកពិន័យ និងដើម្បីធានាការធ្វើដំណើរប្រកបដោយសុវត្ថិភាព។

តាម​បទបញ្ញត្តិច្បាប់តម្រូវឱ្យមានការត្រួតពិនិត្យលក្ខណៈបច្ចេកទេសយានជំនិះ មិនស្របតាមស្តង់ដារលក្ខណៈបច្ចេកទេស ដើម្បីបញ្ចៀស​គ្រោះថ្នាក់ចរាចរណ៍តាមដងផ្លូវ ខណៈដែលគ្រោះថ្នាក់ចរាចរណ៍មួយ​ចំណែក​ក៏​កើតឡើងចេញពីកត្តាយានជំនិះ ដោយសារការមិនបានយកយានជំនិះទៅត្រួតពិនិត្យលក្ខណៈបច្ចេកទេសឱ្យបានត្រឹមត្រូវ និង​ទៀងទាត់​៕