ថ្ងៃទី២ នៃបុណ្យចូលឆ្នាំ មានភ្ញៀវទេសចរ ពលរដ្ឋ ទៅលេងកម្សាន្តនៅសង្ក្រាន្តវត្តភ្នំ ប្រមាណ២៥ម៉ឺននាក់

នៅក្នុងឱកាសចូលឆ្នាំថ្មីប្រពៃណីជាតិខ្មែរ ថ្ងៃទី១៤ ខែមេសា ឆ្នាំ២០២៤នេះ ចំនួនភ្ញៀវទេសចរ ក៏ដូចជា ប្រជាពលរដ្ឋ មកទស្សនា និងចូលរួមលេងកម្សាន្តនៅសង្ក្រាន្តវត្តភ្នំ ប្រមាណ២៥ម៉ឺននាក់។

 អ្នកនាំពាក្យរដ្ឋបាលរាជធានីភ្នំពេញលោក ម៉េត មាសភក្ដី បានឱ្យដឹងថា នៅរសៀលថ្ងៃទី១៥មេសានេះថា៖ សម្រាប់ថ្ងៃទី១៤ ខែមេសា ឆ្នាំ២០២៤នេះ ចំនួនភ្ញៀវទេសចរ ក៏ដូចជា ប្រជាពលរដ្ឋ មកទស្សនា និងចូលរួមលេងកម្សាន្តនៅសង្ក្រាន្តវត្តភ្នំ មានប្រមាណ២៥ម៉ឺននាក់។

ជាការកត់សម្គាល់ ចំពោះការងារសន្តិសុខ និងសណ្ដាប់ធ្នាប់សាធារណៈ នៅក្នុងឱកាសថ្ងៃចូលឆ្នាំថ្មី ថ្ងៃទី២នេះដែរ គឺពុំមានអ្វីកើតឡើង គួរឲ្យកត់សម្គាល់ឡើយ ដោយសារកម្លាំងមានសមត្ថកិច្ចបានល្បាត នៅគ្រប់ទីកន្លែង និងការពារបានយ៉ាងល្អ ដើម្បីបង្កសប្បាយភាព ជូនដល់ប្រជាពលរដ្ឋ នៅគ្រប់ទីកន្លែង៕

អត្ថបទ៖ ស្រីរ័ត្ន