ព័ត៌មានជាតិ
មិនលែងគប់ទឹកច្រកទឹកក្នុងថង់ប្លាស្ទិក ជួយចូលរួមសម្អាតបរិស្ថាន
ក្រសួងបរិស្ថានបានមើលឃើញពីភាពស្អាតកំពុងសាយភាយទៅគ្រប់ទិសទីនៅកម្ពុជា ជាពិសេសនៅក្នុងរដូវបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៤នេះ។ ភាពស្អាត គឺបង្ហាញច្បាស់ថា ប្រជាពលរដ្ឋបានរួមសហការជាមួយអាជ្ញាធរ ធ្វើការសម្អាតអនាម័យបរិស្ថាន មានការវេខខ្ចប់ ទុកដាក់សំរាមឱ្យបានត្រឹមត្រូវ និងចូលរួមកាត់បន្ថយការប្រើប្រាស់ប្លាស្ទិក នៅក្នុងរដូវបុណ្យចូលឆ្នាំថ្មី ប្រពៃណីជាតិ។
អ្នកនាំពាក្យក្រសួងបរិស្ថាន លោក ខ្វៃ អាទិត្យា បានប្រាប់បណ្តាញព័ត៌មានថា មន្ទីរបរិស្ថានរាជធានីខេត្តបានខិតខំសហការរៀបចំជាមួយអាជ្ញាធរមូលដ្ឋាននៅគ្រប់ទីកន្លែង មានទុកដាក់សំរាមបានល្អ បានរៀបចំក្រុមសម្អាតអនាម័យ និងមានការផ្សព្វផ្សាយបញ្រ្ជាបចំណេះដឹង ដល់ប្រជាពលរដ្ឋឱ្យចូលរួមសម្អាតអនាម័យបរិស្ថាន និងទុកដាក់សំរាមត្រឹមត្រូវ នៅតាមធុងសំរាមយ៉ាងផុសផុល។
អ្វីដែលជាការបង្ហាញការចូលរួមសំអាតបរិស្ថានជាមួយរាជរដ្ឋាភិបាលក្នុងរដូវបុណ្យទានឆ្នាំនេះ គឺប្រជាពលរដ្ឋបានចូលរួមមិនលែងគប់ទឹក ដោយច្រកទឹកក្នុងថង់ប្លាស្ទិកទៀត ដែលនេះជាវិធានការមួយបានអនុវត្តទូទាំងប្រទេសដើម្បីកាត់បន្ថយសំរាមប្លាស្ទិកនិងផលប៉ះពាល់នានា។
លោកបន្តថា ការរៀបចំអនាម័យនិងសោភ័ណភាពនៅតាមកន្លែងសាធារណៈ តំបន់ទេសចរណ៍ វត្តអារាម និងមូលដ្ឋាន នៅទូទាំងប្រទេស ក្នុងរដូវបុណ្យចូលឆ្នាំថ្មីប្រពៃណីជាតិខ្មែរបានល្អប្រសើរ មានភាពស្រស់ស្អាត និងមានបរិស្ថានល្អ បានទាក់ទាញឱ្យភ្ញៀវទេសចរណ៍ជាតិ និងអន្តរជាតិ បានធ្វើដំណើរមកចូលរួមកម្សាន្តសប្បាយរីករាយក្នុងសង្រ្កាន្តឆ្នាំថ្មីយ៉ាងច្រើនកុះករនៅគ្រប់ទីកន្លែង។
បើតាមលោក ខ្វៃ អាទិត្យា ការប្រែប្រួលឥរិយាបទវិជ្ជមាននៃការទុកដាក់សំរាមនៅក្នុងឆ្នាំនេះ ជាការរួមចំណែកមួយយ៉ាងសំខាន់ថែមទៀត បន្ទាប់ពីរាជរដ្ឋាភិបាលបានទតួលជោគជ័យយ៉ាងត្រចះត្រចង់ លើយុទ្ធនាការកាត់បន្ថយការប្រើប្រាស់ប្លាស្ទិក ក្រោមប្រធានបទ «ថ្ងៃនេះ ខ្ញុំមិនប្រើថង់ប្លាស្ទិកទេ» ដោយសារមានប្រជាពលរដ្ឋទូទាំងប្រទេសចំនួនជិត ៨ លាននាក់ ហើយក្នុងនោះសិស្សានុសិស្សចំនួនជាង ៣,៤ លាននាក់ បានចូលរួមដោយផ្ទាល់ និងមានប្តេជ្ញាចិត្តឈប់ប្រើថង់ប្លាស្ទិកយ៉ាងតិច ១ ថ្ងៃក្នុង ១ សប្តាហ៍។
លោក អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងកាលពីពេលថ្មីៗនេះថា ភាពស្អាតនិងសុខភាពប្រជាពលរដ្ឋ ជាការងារអាទិភាព ដែលរាជរដ្ឋាភិបាលកម្ពុជានៅក្នុងអាណត្តិទី៧ បាននឹងកំពុងយកចិត្តទុកដាក់។ ការគ្រប់គ្រងសំណល់ គឺការកាត់បន្ថយសំណល់ប្លាស្ទិក ដែលឈានទៅបញ្ឈប់ការប្រើប្រាស់ប្លាស្ទិក ក្នុងចំណោមយុវជនជំនាន់ក្រោយ គ្មានសំណល់ប្លាស្ទិក ដើម្បីសហគមន៍ស្អាត បឹងបួរនឹងស្អាត តំបន់ធនធានធម្មជាតិគ្មានការបំពុលពីសំណល់សំរាមប្លាស្ទិក។
ដើម្បីដោះស្រាយការបំពុលដោយប្លាស្ទិក រដ្ឋមន្រ្តីក្រសួងបរិស្ថានបានស្នើឱ្យប្រជាពលរដ្ឋទាំងអស់បានចូលរួមរៀបចំប្រមូលទុកដាក់សំណល់ និងញែកឱ្យបានត្រឹមត្រូវ គិតគូរដល់សំរាម ដែលអាចកែច្នៃ និងប្រើប្រាស់ឡើងវិញ និងសំរាមដែលចាក់ចោល គួរទុកដាក់នៅទីលានឱ្យបានត្រឹមត្រូវ៕
-
ព័ត៌មានអន្ដរជាតិ៥ ថ្ងៃ ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ ago
លោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ ago
ស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍១ ថ្ងៃ ago
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ ago
លោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ ago
Allan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ ago
ភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ