សម្ដេចតេជោ ហ៊ុន សែនអះអាងថា ​កម្ពុជាមានសន្តិភាព ​នាំឱ្យទេសចរ​ដើរកម្សាន្តសប្បាយរីរីករាយ​ក្នុងឱកាសបុណ្យចូលឆ្នាំ

សម្ដេចតេជោ ហ៊ុន សែន ប្រធានព្រឹទ្ធសភាកម្ពុជា ​មានប្រសាសន៍នៅថ្ងៃទី ​១៧ ខែមេសា ឆ្នាំ ២០២៤ នេះថា ​២៥ រាជធានី ខេត្ត ពោរពេញដោយភាពរីករាយ សប្បាយក្អាកក្អាយ របស់បងប្អូន​ប្រជាពលរដ្ឋ ដែលចូលរួមលេងកម្សាន្ត «សង្ក្រាន្ត» ក្នុងឱកាសពិធីបុណ្យចូលឆ្នាំថ្មីប្រពៃណី​ជាតិខ្មែរ ឆ្នាំរោង ឆស័ក ព.ស ២៥៦៨ គ.ស ២០២៤។

សម្ដេចតេជោ បាលើកឡើងថា ​«កម្ពុជាមានសន្តិភាពពេញលេញ» ទើបអាចមានព្រឹត្តការណ៍​ទាំងនេះបាន ហើយលើសពីនេះ មិនថាតែប្រជាពលរដ្ឋខ្មែរទេ គឺមានភ្ញៀវបរទេសច្រើនកុះករ លេងកម្សាន្តផងដែរ ប្រកបដោយភាពសប្បាយរីករាយ និង មានទំនុកចិត្តលើសុវត្ថិភាពរបស់ខ្លួន ដោយមិនមានការភ័យខ្លាចអ្វីទាំងអស់៕