ព័ត៌មានជាតិ
ឯកឧត្ដម ហ៊ុន ម៉ានី អរគុណ ថ្នាក់ដឹកនាំរាជរដ្ឋាភិបាល អាជ្ញាធរ គ្រូពេទ្យ និង ស.ស.យ.ក ដែលរៀបចំ«សង្ក្រាន្តឆ្នាំថ្មី»ប្រព្រឹត្តទៅដោយភាពសប្បាយរីករាយ
ឯកឧត្ដម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា បានអរគុណចំពោះ ថ្នាក់ដឹកនាំរាជរដ្ឋាភិបាល អាជ្ញាធរមូលដ្ឋាន កងកម្លាំងមានសមត្ថកិច្ច ក្រុមគ្រូពេទ្យ បុគ្គលិកអនាម័យ ក្រុមគ្រួសារសហភាពសហព័ន្ធយុវជនកម្ពុជា និងកម្លាំងស្ម័គ្រចិត្តគ្រប់យន្តការទាំងអស់ ដែលចូលរួមសហការរៀបចំ «សង្ក្រាន្ត» តាមបណ្ដារាជធានី-ខេត្ត ញាំងឲ្យការប្រារព្ធ «សង្ក្រាន្តឆ្នាំថ្មី» នៅទូទាំងប្រទេស ប្រព្រឹត្តទៅដោយភាពសប្បាយរីករាយ និងពោរពេញដោយស្នាមញញឹម។
នៅថ្ងៃទី ១៨ ខែមេសា ឆ្នាំ ២០២៤ នេះ តាមរយៈទំព័រហ្វេសប៊ុក ឯកឧត្ដម ហ៊ុន ម៉ានី បានសរសេរឲ្យដឹងថា ក្រោយបញ្ចប់ពិធីបុណ្យចូលឆ្នាំថ្មី ប្រពៃណីជាតិ រយៈពេល ៤ ថ្ងៃ ប្រជាពលរដ្ឋ បានចាកចេញពីស្រុកកំណើត និងរមណីយដ្ឋានទេសចរណ៍នានា ធ្វើដំណើរត្រលប់មកកាន់គេហដ្ឋានវិញ។
ឯកឧត្ដម ហ៊ុន ម៉ានី បានសរសេរឲ្យដឹងទៀតថា យ៉ាងណាមិញ ឯកឧត្ដម សូមជូនពរដល់ប្រជាពលរដ្ឋ ក៏ដូចជាមិត្តភ័ក្ដិបរទេស ដែលបានមកលេងកម្សាន្តនៅប្រទេសកម្ពុជាទាំងអស់ ទទួលបាននូវសុខសុវត្ថិភាពគ្រប់ៗ គ្នា។ ជាមួយគ្នានេះដែរ ឯកឧត្ដម បានអំពាវនាវដល់ប្រជាពលរដ្ឋដែលធ្វើដំណើរតាមដងផ្លូវ ចូលរួមគោរពច្បាប់ចរាចរណ៍ និងមានអធ្យាស្រ័យខ្ពស់ ដើម្បីសណ្ដាប់ធ្នាប់ និងសុវត្ថិភាពទាំងអស់គ្នា។
ឯកឧត្ដម ហ៊ុន ម៉ានី សរសេរបន្តទៀតថា ជាមួយគ្នានេះ ឯកឧត្ដម សូមថ្លែងអំណរគុណយ៉ាងជ្រាលជ្រៅជូនចំពោះថ្នាក់ដឹកនាំរាជរដ្ឋាភិបាល អាជ្ញាធរមូលដ្ឋាន កងកម្លាំងមានសមត្ថកិច្ច ក្រុមគ្រូពេទ្យ បុគ្គលិកអនាម័យ ក្រុមគ្រួសារសហភាពសហព័ន្ធយុវជនកម្ពុជា និងកម្លាំងស្ម័គ្រចិត្តគ្រប់យន្តការទាំងអស់ ដែលបានចូលរួមសហការរៀបចំ «សង្ក្រាន្ត» តាមបណ្ដារាជធានី-ខេត្ត រាប់ចាប់តាំងពីការងារតុបតែង ដំឡើង ដឹកនាំកម្មវិធី រហូតដល់ការការពារសន្តិសុខសណ្ដាប់ធ្នាប់ ធានាបាននូវសុខសុវត្ថិភាព បង្កលក្ខណៈដល់ប្រជាពលរដ្ឋបានលេងកម្សាន្ត ញាំងឲ្យការប្រារព្ធ «សង្ក្រាន្តឆ្នាំថ្មី» នៅទូទាំងប្រទេស ប្រព្រឹត្តទៅដោយភាពសប្បាយរីករាយ និងពោរពេញដោយស្នាមញញឹម។
ឯកឧត្ដម សរសេរបន្ថែមថា សាជាថ្មីម្ដងទៀត ឯកឧត្ដម សូមគោរពថ្លែងអំណរគុណជូនចំពោះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានផ្ដល់រថយន្តក្រុងដឹកជញ្ជូនប្រជាពលរដ្ឋពីតាមបណ្ដាខេត្ត ត្រលប់មកកាន់រាជធានីភ្នំពេញវិញ ដោយឥតគិតថ្លៃ៕
អត្ថបទ ៖ ពិសី
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា