ព័ត៌មានជាតិ
រដ្ឋបាលខេត្តកំពង់ចាម ដាក់ឱ្យអនុវត្តជាផ្លូវការប្រព័ន្ធទូទាត់វិក្កយបត្រ នៅអង្គភាពច្រកចេញចូលតែមួយ
នៅថ្ងៃទី១៩ ខែមេសា ឆ្នាំ២០២៤ រដ្ឋបាលខេត្តកំពង់ចាម បានជូនដំណឹង ស្ដីពី ការដាក់ឱ្យអនុវត្តជាផ្លូវការប្រព័ន្ធទូទាត់វិក្កយបត្រ (Payment Hub) នៅអង្គភាពច្រកចេញចូលតែមួយនៃរដ្ឋបាលខេត្តកំពង់ចាម។
![](https://www.kampucheathmey.com/wp-content/uploads/2024/04/download-7.jpg)
រដ្ឋបាលខេត្តកំពង់ចាម បានបញ្ជាក់ថា ដោយយោងលិខិតលេខ ៨៩០ សជណ ចុះថ្ងៃទី១៨ ខែមីនា ឆ្នាំ២០២៤ របស់ក្រសួងមហាផ្ទៃ និងដើម្បីឆ្លើយតបទៅនឹងគោលនយោបាយរាជរដ្ឋាភិបាលឌីជីថលកម្ពុជា ក្នុងការពង្រីកប្រសិទ្ធភាពទូទាត់កម្រៃសេវាប្រកបដោយតម្លាភាព រហ័ស និងផ្តល់សេវារដ្ឋបាលបានល្អប្រសើរជូនប្រជាពលរដ្ឋ។ រដ្ឋបាលខេត្តកំពង់ចាម នឹងដាក់ឱ្យប្រើប្រាស់ជាផ្លូវការប្រព័ន្ធទូទាត់វិក្កយបត្រ (Payment Hub) នៅអង្គភាពច្រកចេញចូលតែមួយ នៅថ្ងៃទី១៧ ខែមេសា ឆ្នាំ២០២៤ នេះតទៅ។ នេះបើយោងតាមលិខិតចុះថ្ងៃទី១២ ខែមេសា ឆ្នាំ២០២៤ របស់រដ្ឋបាលខេត្តកំពង់ចាម។
លិខិតដដែលបានបញ្ជាក់ទៀតថា ការទូទាត់វិក្កយបត្រ (Payment Hub) គឺជាការទូទាត់កម្រៃសេវាជាមួយម៉ាស៊ីនស្វ័យប្រវត្តិ ដែលបានបំពាក់នៅក្នុងអង្គភាពច្រកចេញចូលតែមួយដោយផ្ទាល់ ដែលអនុញ្ញាតឱ្យ ប្រជាពលរដ្ឋស្នើ សុំសេវា ធ្វើការបង់កម្រៃសេវាជាមួយម៉ាស៊ីនផ្ទាល់តែម្តងតាមរយៈគ្រឹះស្ថានមីក្រូហិរញ្ញវត្ថុដៃគូដូចជា អេស៊ីលីដា អេប៊ីអេ ស្ថាបនា…..។ល។ ដោយមិនចាំបាច់ធ្វើការបង់សេវាជាសាច់ប្រាក់ដោយផ្ទាល់នៅបញ្ជរបេឡានៃអង្គ ភាពច្រកចេញចូលតែមួយឡើយ។
![](https://www.kampucheathmey.com/wp-content/uploads/2024/04/image-1223.png)
បន្ថែមពីនេះទៅទៀត ប្រជាពលរដ្ឋកាន់តែមានភាពងាយស្រួល ក្នុងការស្នើសុំសេវារដ្ឋបាលដោយខ្លួនឯងតាមរយៈគេហទំព័រ https://online.owso.gov.kh គ្រប់ទីកន្លែង និងគ្រប់ពេលវេលា លើវិស័យចំនួន៤ គឺ វិស័យឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ វិស័យវប្បធម៌ និងវិចិត្រសិល្បៈ វិស័យកសិកម្ម រុក្ខាប្រមាញ់ និងនេសាទ និងវិស័យទេសចរណ៍ ដែលមានចំនួនសេវា ១១៧មុខសេវា៕
-
សន្តិសុខសង្គម៦ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
សន្តិសុខសង្គម៦ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៦ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៥ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៦ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+៣ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
ព្រះភិក្ខុ អុឹង ប៊ុនហ៊ូវ ប្រគេនដី២០០ហិកតាក្នុងខេត្តកំពង់ឆ្នាំង ដើម្បីសង់ពុទ្ធិកសាកលវិទ្យាល័យព្រះសីហនុរាជ
-
ព័ត៌មានជាតិ២ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក