ព័ត៌មានជាតិ
ប្រធានមន្ទីរសុខាភិបាលខេត្តកំពង់ចាម ជំរុញឲ្យក្រុមគ្រូពេទ្យត្រូវបម្រើពលរដ្ឋប្រកបដោយវិជ្ជាជីវៈ
ប្រធានមន្ទីរសុខាភិបាលខេត្តកំពង់ចាម ជំរុញឲ្យក្រុមគ្រូពេទ្យរដ្ឋ និងឯកជន ក្នុងភូមិសាស្ត្រខេត្តកំពង់ចាម ទាំងអស់ត្រូវយកចិត្តទុកដាក់បង្កើនការផ្តល់សេវាសុខាភិបាលឲ្យមានគុណភាព សុវត្ថិភាព និងប្រកបដោយវិជ្ជាជីវៈជូនអ្នកជំងឺ។

លោកវេជ្ជបណ្ឌិត គីមសួ ភីរុណ ប្រធានមន្ទីរសុខាភិបាលខេត្តកំពង់ចាម នៅ ថ្ងៃទី២២ ខែមេសា ឆ្នាំ ២០២៤ ក្នុងពិធីបិទវគ្គអភិវឌ្ឍន៍វិជ្ជាជីវៈវេជ្ជសាស្ត្របន្តលើកទី១៧ ជូនដល់គណៈគ្រូពេទ្យទូទាំងខេត្ត រួមនឹងក្រុមគ្រូពេទ្យមកពីគ្លីនិចឯកជន ក្នុងភូមិសាស្ត្រខេត្តកំពង់ចាម។
លោកវេជ្ជបណ្ឌិត គីមសួ ភីរុណ បានជំរុញឲ្យ ប្រធានការិយាល័យ សុខាភិបាល ស្រុក-ក្រុងទាំង១០ ត្រូវក្តាប់ឲ្យបាននូវកន្លែងអាជីវកម្មសុខាភិបាលឥតច្បាប់អនុញ្ញាត្តិ ហើយសូមឲ្យតាមមណ្ឌលសុខភាព និងគ្លីនិច ឯនជនទាំងអស់ ត្រូវពង្រឹងបន្ថែមលើសមត្ថភាពជំនាញ ចំណេះដឹង ផ្នែកបច្ចេកទេស និងសីលធម៍វិជ្ជាជីវៈ ដើម្បីផ្តល់សេវាសុខាភិបាលឲ្យមានគុណភាព គុណធម៍ និងសុវត្ថិភាពជូនអ្នកជំងឺប្រកបដោយភាពសុខសប្បាយ។

ទន្ទឹមនឹងនេះដែរ លោកវេជ្ជបណ្ឌិត គីមសួ ភិរុណ ក៍បានលើកទឹកចិត្តបន្ថែមឲ្យ បុគ្គលិកសុខាភិបាលទាំងអស់ត្រូវប្រើឥរិយាបថ ឲ្យល្អចំពោះអ្នកទទួលសេវា ពោលគឺ ត្រូវធ្វើយ៉ាងណាទទួលខុសត្រូវខ្ពស់ក្នុងការផ្តល់សេវា ពិនិត្យ ព្យាបាល នៅតាមកន្លែងរៀងខ្លួនឲ្យមានប្រសិទ្ធិខ្ពស់ និងកាន់តែល្អជាងឆ្នាំ២០២៣។
លោក វេជ្ជបណ្ឌិត បញ្ជាក់ទៀតថា វិជ្ជាជីវៈ ជាគ្រូពេទ្យត្រូវប្រកាន់ឲ្យបានខ្ជាប់ខ្ជួនជានិច្ច និងត្រូវចេះយោគយល់ចំពោះគ្រួសារក្រីក្រ ជនពិការ ចាស់ជរា គ្មានទីពឹង និងព្រះសង្ឃ ជាអទិភាពមុនគេសម្រាប់ការទទួលសេវាសុខាភិបាល។ ម្យ៉ាងវិញទៀត ក្នុងនាមជាប្រធានមន្ទីរសុខាភិបាលខេត្តកំពង់ចាម លោកវេជ្ជបណ្ឌិត គីមសួ ភិរុណ បានស្នើឲ្យគណៈគ្រប់គ្រង់តាមបណ្តាលតាមមណ្ឌលសុខាភិបាល ពេទ្យបង្អែកស្រុក និងមន្ទីរពេទ្យខេត្ត ត្រូវចេះគ្រប់គ្រងបុគ្គលិកខ្លួន ពេលវេលា ឲ្យបានត្រឹមត្រូវនិងតម្លាភាព៕
អត្ថបទ ៖ ឡេក ចាន់ពេជ្រ



-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៦ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ