ព័ត៌មានជាតិ
គុនល្បុក្កតោខ្មែរ និងគុនសាវលីញ នឹងបើកការសម្ដែងរួមគ្នានៅលើទឹកដីអង្គរ ខេត្តសៀមរាប
គុនល្បុក្កតោខ្មែរ និងក្បាច់គុនសាវលីញ នឹងបើកការសម្ដែងរួមគ្នានៅលើទឹកដីអង្គរ ខេត្តសៀមរាប នៅថ្ងៃទី២៤ ខែមេសា ឆ្នាំ២០២៤ ដើម្បីជាការផ្សព្វផ្សាយគោលដៅទេសចរណ៍រួមគ្នារវាងខេត្តហឺណាន របស់ចិន និងខេត្តសៀមរាប នៃកម្ពុជា។
![](https://www.kampucheathmey.com/wp-content/uploads/2024/04/image-1422-1024x682.png)
បន្ថែមពីលើព្រឹត្តិការណ៍សម្ដែងក្បាច់គុនល្បុក្កតោ និងក្បាច់គុនសៅលីងនេះ ក៏មានការរៀបចំព្រឹត្តិការណ៍ពិព័រណ៍វប្បធម៌ទេសចរណ៍ផងដែរ។ ព្រឹត្តិការណ៍ទាំងពីរនេះ រៀបចំឡើងក្រោមកិច្ចសហការរវាងក្រសួងទេសចរណ៍កម្ពុជា សហការជាមួយរដ្ឋបាលប្រជាជនខេត្តហឺណាន និងរដ្ឋបាលខេត្តសៀមរាប។
គោលបំណងនៃការរៀបចំព្រឹត្តិការណ៍នេះឡើង គឺដើម្បីផ្សព្វផ្សាយគោលដៅទេសចរណ៍រួមគ្នារវាងខេត្តហឺណាន និងខេត្តសៀមរាប ដែលព្រឹត្តិការណ៍នេះ នឹងមានការចូលរួមពីថ្នាក់ដឹកនាំកម្ពុជា-ចិន សមាគមទេសចរណ៍ អ្នកសារព័ត៌មាន និងស្ថាប័នពាក់ព័ន្ធជាច្រើន។
![](https://www.kampucheathmey.com/wp-content/uploads/2024/04/image-1424-1024x682.png)
មុនការមកដល់នៃព្រឹត្តិការណ៍ខាងលើ នៅព្រឹកថ្ងៃទី២៣ ខែមេសា ឆ្នាំ២០២៤នេះ នៅបរិវេណព្រលានជល់ដំរី ក៏បានរៀបចំពិធីក្រុងពាលីបើកកម្មវិធីសម្តែងក្បាច់គុនសាវលីញ និងក្បាច់គុនល្បុក្កតោ ក្រោមវត្តមានលោក ប្រាក់ ផាន់ណារ៉ា រដ្ឋលេខាធិការក្រសួងទេសចរណ៍ និងលោក យុន លីនណេ អភិបាល រងខេត្តសៀមរាប ព្រមទាំងមានការអញ្ជើញចូលរួមពីថ្នាក់ដឹកនាំមន្ទីរ អង្គភាព និងមន្ត្រីរាជការផងដែរ។
![](https://www.kampucheathmey.com/wp-content/uploads/2024/04/image-1423-1024x682.png)
ពិធីក្រុងពាលីនេះ បានបួងសួងដល់បារមីឱ្យតាមជួយថែរក្សាក្នុងរយៈពេលនៃការបើកកម្មវិធីសម្តែងក្បាច់គុនសាវលីញ ចិន និងគុនល្បុក្កតោ នៅតំបន់ប្រាសាទបាយ័ន នាថ្ងៃទី២៤ ខេមេសា ឆ្នាំ២០២៤ បានប្រព្រឹត្តទៅដោយរលូន សុវត្ថិភាពល្អដល់ក្រុមសិល្បៈក្បាច់គុនទាំងពីរប្រទេស ក្នុងពេលសម្តែងឲ្យជួបតែភាពត្រជាក់ត្រជុំ សុខដុមរមនា កុំឲ្យមានភ្លៀងព្យុះ បក់បោក និងការរំខានផ្សេងៗដល់ដំណើរការរៀបចំពិធីនៅទីនោះផងដែរ៕
អត្ថបទ៖ គឿន វេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ៣ ថ្ងៃ ago
រថយន្តដឹកទំនិញ រត់សាកល្បងជោគជ័យពីទីក្រុងគុនមីនប្រទេសចិន មកដល់រាជធានីភ្នំពេញ
-
ព័ត៌មានអន្ដរជាតិ៦ ម៉ោង ago
ធ្លាក់ភ្លៀងមួយម៉ោង ទីក្រុងហូជីមិញ ត្រូវទឹកជន់លិច ល្ហាចល្ហឹម
-
ព័ត៌មានជាតិ៦ ថ្ងៃ ago
ចោទកម្ពុជាបង្កើត CoolApp ដើម្បីយកការណ៍ ឯកឧត្ដម ឌី វិជ្ជា ចោទសួរទៅវិញថាតើ Appរបស់ប្រទេសមហាអំណាចបង្កើតដើម្បីអ្វី?
-
ព័ត៌មានជាតិ៥ ថ្ងៃ ago
ក្រុមអភិវឌ្ឍន៍សង្កាត់ទឹកល្អក់ទី៣ ខិតខំប្ដូរលូតូចចេញ ដាក់លូធំជាងមុន ដើម្បីបញ្ជៀសទឹកឲ្យបានលឿន
-
ព័ត៌មានជាតិ២០ ម៉ោង ago
កូនប្រុសលោកបណ្ឌិត គី សេរីវឌ្ឍន៍ ទទួលបានមេដាយមាស ពីការប្រឡងវិទ្យាសាស្ត្រ វ៉ាន់ដា អូឡាំព្យាដ ២០២៤
-
ព័ត៌មានជាតិ៧ ថ្ងៃ ago
សម្ដេចធិបតី៖ ក្រុមហ៊ុនចិន BYD គ្រោងដាក់ទុនរៀបចំផលិតរថយន្តនៅកម្ពុជា
-
ព័ត៌មានជាតិ២ ថ្ងៃ ago
ក្រុមហ៊ុន ចំនួន២ កើតទុក្ខមិនសុខចិត្ត រឿងដេញថ្លៃសង់ផ្លូវបេតុង ក្នុងឃុំថ្មពេជ្រ ក្នុងខេត្តត្បូងឃ្មុំ
-
ព័ត៌មានជាតិ៦ ថ្ងៃ ago
រយៈពេល៣៥ថ្ងៃ សាលាដំបូងរាជធានីខេត្ត ទទួលបានសំណុំរឿង ក្មេងទំនើងចំនួន ២៤៤ករណី