ព័ត៌មានជាតិ
WHOប្រចាំកម្ពុជាបង្ហាញប្រភពមេរោគកូវីដ-១៩ថ្មី កំពុងឆ្លងជាង១០០ប្រទេស
ឆ្លើយតបទៅនឹងសំណួរបស់ កម្ពុជាថ្មី នៅក្នុងសន្និសីទសារព័ត៌មាន ស្ដីពី “ការបំភ្លឺពីមន្ទីរពិសោធន៍លើបញ្ហាវីរុសកូវីដ-១៩” ដែលរៀបចំដោយ ក្រសួងសុខាភិបាល នៅថ្ងៃទី២៣ ខែកុម្ភ: ឆ្នាំ២០២១នេះ តំណាងអង្គការសុខភាពពិភពលោកប្រចាំនៅកម្ពុជា បានបង្ហាញរបកគំហើញប្រភពមេរោគកូវីដ-១៩ថ្មី ចេញពី៣ប្រទេស ដែលកំពុងចម្លងប្រជាជនជាង១០០ប្រទេសលើសកលលោក។

លោកស្រីវេជ្ជបណ្ឌិត លី អាយលែន តំណាងអង្គការសុខភាពពិភពលោកប្រចាំនៅកម្ពុជា បានឆ្លើយតបទៅនឹងសំណួររបស់ កម្ពុជាថ្មី ដោយមានប្រសាសន៍បង្ហាញថា លក្ខណៈធម្មជាតិរបស់វីរុស ក៏ដូចជាកូវីដ-១៩ គឺវាមានការបំប្លែងពីមួយដំណាក់កាល ទៅមួយដំណាក់កាល។
លោកស្រីវេជ្ជបណ្ឌិត លី អាយលែន មានប្រសាសន៍ថា៖ “យើងបានរកឃើញវីរុសថ្មីចំនួន៣ដែលគួរឱ្យចាប់អារម្មណ៍ និងព្រួយបារម្ភ ដែលប្រភេទ វីរុសទី១ ត្រូវបានរកឃើញនៅព្រះរាជណាចក្រអង់គ្លេស វីរុសនេះមានលទ្ធភាពចម្លងពីមនុស្សម្នាក់ទៅមនុស្សម្នាក់មានលក្ខណៈខ្ពស់ជាងវីរុសផ្សេងៗ ហើយវីរុសនេះបានចម្លងនៅ៨៦ប្រទេសលើសាលកលោក”។

លោកស្រីវេជ្ជបណ្ឌិត លី អាយលែន មានប្រសាសន៍បន្តថា៖ “វីរុសទី២ ត្រូវបានរកឃើញនៅប្រទេសអាហ្វ្រិចខាងត្បូង ហើយវីរុសប្រភេទនេះត្រូវបានរាយការណ៍ថា បានចម្លងនៅ៤២ប្រទេសលើសកលលោក ចំណែកវីរុសទី៣នេះ ត្រូវបានរកឃើញនៅប្រទេសប្រេស៊ីល ហើយបានចម្លងនៅ១៥ប្រទេសនៅលើពិភពលោក”។
គួរបញ្ជាក់ថា ចាប់តាំងពីការផ្ទុះនូវការរកឃើញមេរោគកម្ពុជាជាដំបូង តាំងពីថ្ងៃ២៧ ខែមករា ឆ្នាំ២០២០ មកដល់ ទី២២ ខែកុម្ភៈម្សិលមិញនេះ កម្ពុជាបានរកឃើញអ្នកឆ្លងជំងឺកូវីដ-១៩ សរុបចំនួន៥៩៣នាក់ ក្នុងនោះ មាន ៦ករណី ដែលមានផ្ទុកមេរោគកូវីដ១៩ ប្រភេទថ្មី៕
អត្ថបទ៖ ច័ន្ទ វីរៈ
សូមអានព័ត៌មានពាក់ព័ន្ធ៖ កម្ពុជាបានរកឃើញវីរុសកូវីដ-១៩ប្រភេទថ្មី ចំនួន៦ករណី
ហេតុផលតំណាង WHO ប្រចាំនៅកម្ពុជា និង នាយិកាវិទ្យាស្ថានប៉ាស្ទ័រកម្ពុជាមិនទាន់ចាក់វ៉ាក់សាំងកូវីដ-១៩

-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៧ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី