ព័ត៌មានជាតិ
មកដល់ពេលនេះ មានក្រុមហ៊ុនចំនួន ១៨ ដាក់ពាក្យស្នើសុំវិនិយោគអគារជាប់គាំងនៅខេត្តព្រះសីហនុ
លោក គួច ចំរើន អភិបាលខេត្តព្រះសីហនុបានអះអាងថា មានអ្នកវិនិយោគចំនួន ១៨ ក្រុមហ៊ុន បានដាក់ពាក្យស្នើសុំធ្វើការវិនិយោគនៅអនុគណ:កម្មាធិការដោះស្រាយអគារជាប់គាំងក្នុងខេត្តព្រះសីហនុ។
ថ្លែងក្នុងជំនួបពិភាក្សាការងារជាមួយគណ:ប្រតិភូមកពីក្រុងក្វាងចូវ ដឹកនាំដោយលោក Wang Fuzhu អនុលេខាធិការបក្សនៃក្រុមហ៊ុន Guangzhou industrial Investment Holding Group ប្រទេសចិន នៅរសៀលថ្ងៃទី ២៥ ខែមេសា ឆ្នាំ២០២៤ លោកគួច ចំរើន បានលើកឡើងថា រាជរដ្ឋាភិបាលកម្ពុជាបានដាក់ចេញកម្មវិធីពិសេសដោះស្រាយបញ្ហាអគារជាប់គាំនៅខេត្តព្រះសីហនុ ដោយបានប្រកាសលើកទឹកចិត្តជាច្រើនក្នុងការវិនិយោគ។
លោកថា មកដល់ពេលនេះ មានអ្នកវិនិយោគចំនួន ១៨ ក្រុមហ៊ុន បានដាក់ពាក្យស្នើសុំធ្វើការវិនិយោគនៅអនុគណ:កម្មាធិការដោះស្រាយអគារជាប់គាំងរបស់ខេត្ត។
ខេត្តព្រះសីហនុនិងខេត្តជាំងស៊ូ ប្រទេសចិនបានចងសម្ព័ន្ធមេត្រីភាពជាខេត្តបងប្អូនលើវិស័យឧស្សាហកម្ម អប់រំ សុខាភិបាល ដោយផ្អែកលើផែនការសកម្មភាពវិនិយោគប្រកបដោយសក្តានុពល និងភាពងាយស្រួលក្នុងការដឹកជញ្ជូនទំនិញ ឬវត្ថុធាតុដើមចេញចូល។
នៅក្នុងឱកាសនោះ លោក គួច ចំរើន បានលើកពីភូមិសាស្រ្តនិងសក្តានុពលរបស់ខេត្តព្រះសីហនុដែលមានក្រុងចំនួន ២ ស្រុកចំនួន ៣ មានឆ្នេរប្រវែង ១៧៥ គីឡូម៉ែត្រ កោះចំនួន ៣២ មានកំពង់ផែសមុទ្រទឹកជ្រៅស្រូបយកការដឹកជញ្ជូនចេញចូលនៅទូទាំងប្រទេសចំនួន ៧០ ភាគរយ និងមានព្រលានយន្តហោះអន្តរជាតិ។
លោកបន្តថា មុនកូវីដ-១៩ ទទួលបានភ្ញៀវទេសចរចំនួន ២ លាននាក់ក្នុងមួយឆ្នាំ។ ក្រោយកូវីដ-១៩ ឆ្នាំ ២០២៣ ទទួលភ្ញៀវទេសចរបានជាង ៤០ ម៉ឺននាក់។ ខេត្តមានផ្លូវល្បឿនលៀនដំបូងគេក្នុងប្រទេសកម្ពុជាសាងសង់ដោយក្រុមហ៊ុនមិត្តចិន ផ្លូវល្បឿនលឿននេះទាក់ទាញភ្ញៀវទេសចរជាតិ អន្តរជាតិ និងអ្នកវិនិយោគមកកាន់ខេត្តព្រះសីហនុ។
លោកអភិបាលខេត្តបានបញ្ចាក់ថា រាជរដ្ឋាភិបាលកម្ពុជាបានកំណត់ខេត្តព្រះសីហនុជាតំបន់សេដ្ឋកិច្ចពិសេសគំរូពហុបំណង និងរៀបចំផែនការមេប្រើប្រាស់ដីធ្លីអភិវឌ្ឍខេត្ត។
លោក Wang Fuzhu បានមើលឃើញពីការអភិវឌ្ឍរីកចម្រើនរបស់ខេត្តព្រះសីហនុ ពិសេសគោលនយោបាយពិសេសបស់រាជរដ្ឋាភិបាល ក្នុងការលើកទឹកចិត្តដល់អ្នកវិនិយោគមកធ្វើការវិនិយោគមកខេត្តជាប់ឆ្នេរសមុទ្រមួយនេះ។
លោក Wang Fuzhu បានបន្តថា ខេត្តព្រះសីហនុមានទីតាំងល្អសម្រាប់ធ្វើការវិនិយោគ ហើយអ្នកវិនិយោគមកទីក្រុង ក្វាងចូវ មានទំនុកចិត្តនិងចាប់អារម្មណ៍វិនិយោគនៅក្នុងខេត្តព្រះសីហនុនៅពេលខាងមុខ៕
អត្ថបទ៖ ស៊ុយ ចាន់ធា
ឆ្នេរប្រណិតដំបូងគេនៅខេត្តកែប ប្រកាសបើកការដ្ឋានសាងសង់ គ្រោងប្រើប្រាស់ពេលពីរឆ្នាំបញ្ចប់គម្រោងអភិវឌ្ឍ
រដ្ឋមន្ត្រីក្រសួងមហាផ្ទៃណែនាំឱ្យអាជ្ញាធររាជធានី ទប់ស្កាត់គ្រោះថ្នាក់ចរាចរណ៍ និងរៀបចំសណ្តាប់ធ្នាប់សាធារណៈ
សហជីពគាំទ្រវិធានការរបស់ក្រសួងការងារ ក្នុងការពង្រឹងការធ្វើអធិការកិច្ចតាមរោងចក្រ សហគ្រាស ដើម្បីធានាការផ្តល់អត្ថប្រយោជន៍ពេញលេញដល់កម្មករនិយោជិត
រដ្ឋមន្ត្រីបរិស្ថាន៖ គុណភាពខ្យល់នៅកម្ពុជាល្អ មិនប៉ះពាល់សុខភាព ខណៈប្រទេសជិតខាងមានជាតិពុលខ្លាំង
ឥឡូវនេះ ប្រជាជនកម្ពុជាអាចធ្វើដំណើរកម្សាន្តដ៏រីករាយនៅទីក្រុងឌូបៃជាមួយ Emirates
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
ក្រោយភ្លើងឆេះដ៏សាហាវបំផុត រដ្ឋកាលីហ្វ័រញ៉ា នឹងជួបព្យុះភ្លៀងនាំសារធាតុពុលម្តង
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
មួយថ្ងៃផឹកភេសជ្ជៈប៉ូវកម្លាំង៣ទៅ៤ដប បុរសចិនវ័យ៣០ឆ្នាំ កើតជំងឺរលាកសន្លាក់ហ្គោដធ្ងន់ធ្ងរ
ត្រាំ៖ អាមេរិកនឹងដាក់ទណ្ឌកម្មរុស្ស៊ីបន្ថែមទៀត បើ ពូទីន មិនព្រមចូលតុចរចាសន្តិភាព
-
ចរាចរណ៍៣ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៦ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
សន្តិសុខសង្គម៣ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៧ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៦ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៧ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ
-
ចរាចរណ៍៤ ថ្ងៃ agoសង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់