ព័ត៌មានជាតិ

បុគ្គលិកអគ្គិសនីបាត់ដំបងម្នាក់ ស្លាប់ភ្លាមៗ ក្រោយឡើងតចរន្តភ្លើង

បានផុស

៤ years មុន

នៅ

ថ្ងៃពុធ ២៤ កុម្ភៈ ២០២១

ដោយ

បុរសជាងអគ្គិសនីខេត្តបាត់ដំបងកម្ពុជាម្នាក់ បានស្លាប់ភ្លាមៗ ក្រោយពីឡើងតខ្សែចរន្តអគ្គិសនី នៅចំណុចក្រុមទី១៤ ភូមិកកោះ ឃុំកកោះ ស្រុកមោងឫស្សី ខេត្តបាត់ដំបង កាលពីថ្ងៃទី២៣ ខែកុម្ភៈ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកដែលបានឃើញហេតុការណ៍ បាននាំគ្នាមកជួយបុគ្គលិកអគ្គិសនីខេត្តបាត់ដំបងម្នាក់ ដែលកំពុងតែតចរន្តអគ្គិសនីឆក់ភ្លាមៗ ហើយបានយកទៅមណ្ឌលសុខភាព ដើម្បីឲ្យគ្រូពេទ្យជួយសង្គ្រោះតែត្រូវបានហួសពេល ដោយសារចរន្តភ្លើង មានកម្រិតខ្លាំង បណ្តាលឲ្យជនរងគ្រោះគាំងបេះដូងស្លាប់ភ្លាមៗតែម្តងនេះ។

បើតាមសមត្ថកិច្ចបានឲ្យដឹងដែរថា ហេតុការណ៍ខាងលើនេះ បានកើតឡើងកាលពីថ្ងៃទី២៣ ខែកុម្ភៈ ឆ្នាំ២០២១ វេលាម៉ោង១៤:៣០នាទីរសៀល ស្ថិតនៅក្នុងចំណុចក្រុមទី១៤ ភូមិកកោះ ឃុំកកោះ ស្រុកមោងឫស្សី ខេត្តបាត់ដំបង។ ជនរងគ្រោះ(សព)មានឈ្មោះ ជា សុខម៉េង ភេទប្រុសអាយុ៣២ឆ្នាំ មុខរបរជាបុគ្គលិកក្រុមហ៊ុនអគ្គិសនីជាតិ ខេត្តបាត់ដំបង រស់នៅក្នុងភូមិវាល ឃុំវាល ស្រុកសំពៅមាស ខេត្តពោធិ៍សាត់។

សមត្ថកិច្ចបានបញ្ជាក់នៃការស្លាប់ថា បណ្តាលមកពីឆ្លងចរន្តអគ្គិសនី ខណៈដែលជនរងគ្រោះបានទៅតខ្សែភ្លើងនៅបង្គោលភ្លើង នៅចំណុចភូមិឃុំកើតហេតុខាងលើ។ បច្ចុប្បន្នសមត្ថកិច្ច បានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី នៅឯភូមិកំណើត៕

អត្ថបទ៖ សៅ សារិទ្ធ

សូមចុចអាន៖ ទើបចេញពីពន្ធនាគារ បុរសជនជាតិចិនម្នាក់ ត្រូវឃាត់ខ្លួនម្តងទៀតករណីលួចរ៉ឺម៉កម៉ូតូ