ស្គាល់​ឈ្មោះ​ស្រ្តី​ចិនឆ្លង​កូវិដ​ទាំងពីរនាក់នៅ​ខេត្តព្រះសីហនុ ​ទាំង​លេខ​បន្ទប់​ស្នាក់នៅ

អាជ្ញាធរ​ខេត្តព្រះសីហនុ​បានបង្ហាញអត្តសញ្ញាណស្រ្តីចិនពីរនាក់​ដែលឆ្លងកូវីដ ១៩ ហើយ​ជា​ករណី​រកឃើញ​លើក​ដំបូង​នៅ​ខេត្តព្រះសីហនុ។

ស្រ្តីចិនទីមួយ​មានឈ្មោះ ZHANG SHUANG កាន់លិខិត​ឆ្លងដែនលេខ EG 0682655 មានអាយុ៣៥ឆ្នាំ ​ស្នាក់នៅ​បន្ទប់​លេខ ១១០៣ នៅជាន់​ទី ១១ នៃ​សណ្ឋាគារ​ជិនប៉ីព័រអុី។

ស្រ្តីម្នាក់ទៀតមានឈ្មោះ MA CHONG CHONG កាន់លិខិតឆ្លងដែន​លេខ E 43459534 ស្នាក់នៅបន្ទប់​លេខ ១២០២ ជាន់ទី ១២ នៃ​សណ្ឋាគារហ័ងហ្គ័នជាយឺ។

ជាវិធានការ អាជ្ញាធរ​ខេត្តព្រះសីហនុ​បានបញ្ជា​ឲ្យ​បិទទីតាំង​សណ្ឋាគារ​ទាំង​ពីរ ដោយ​មិន​អនុញ្ញាតិ​ឲ្យ​ភ្ញៀវ​ថ្មី​ចូលស្នាក់នៅ ហើយ​ក៏​មិន​អនុញ្ញាតិ​ឲ្យ​ភ្ញៀវកំពុងស្នាក់នៅចាកចេញ​ពី​បន្ទប់​សណ្ឋាគារ ដោយ​គ្មានការ​អនុញ្ញាតិ​ពី​សមត្ថកិច្ច។

ក្នុង​ដំណាក់កាល​នេះ ក្រុមឆ្លើយតបបន្ទាន់នៃ​មន្ទីរសុខាភិបាល នឹង​ចុះពិនិត្យ​យកសំណាកពី​ភ្ញៀវ និង​បុគ្គលិកទាំងអស់ដើម្បី​តេស្ត​រកកូវីដ ១៩៕

គួរ​បញ្ជាក់​ថា ស្រ្តី​ដែលឆ្លងកូវិដទាំងពីរនាក់ ​​ត្រូវបាន​បញ្ជូនទៅ​សម្រាកព្យាបាល​នៅមន្ទីរពេទ្យ​បង្អែក​ខេត្តព្រះសីហនុ៕

អត្ថបទ៖ ឡេង ដេត