ព័ត៌មានជាតិ

ចូលលួចកាបូបលុយបានសម្រេចគេចខ្លួនមិនរួច

បានផុស

៤ years មុន

នៅ

ថ្ងៃពុធ ២៤ កុម្ភៈ ២០២១

ដោយ

ជនសង្ស័យម្នាក់ បានធ្វើសកម្មភាពចូលលួចកាបូបលុយប្រជាពលរដ្ឋបានសម្រេច គេចខ្លួនមិនបានប៉ុន្មានផង ត្រូវកម្លាំងកងរាជអាវុធហត្ថស្រុកសង្កែក្របួចបានភ្លាមៗ។

ករណីនេះ បានកើតឡើងកាលពីវេលាម៉ោង៥និង៣០នាទី ល្ងាចថ្ងៃទី២៣ ខែកុម្ភៈ ឆ្នាំ២០២១ នៅក្នុងផ្ទះជនរងគ្រោះ ស្ថិតនៅ ភូមិ អន្លង់វិល ឃុំអន្លង់វិល ស្រុកសង្កែ ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមប្រភពព័តមានពីសមត្ថកិច្ចអោយដឹងថា ជនសង្ស័យមានឈ្មោះ ហូ ឡែន អាយុ៣០ឆ្នាំ ទីលំនៅមិនពិតប្រាកដ ចំណែកជនរងគ្រោះ ឈ្មោះ ជឿង សាយ ភេទ្យស្រី អាយុ៦៨ឆ្នាំ។

សមត្ថកិច្ចបញ្ជាក់ថា ក្រោយពីដឹងថាខ្លួនបាត់កាបូបលុយជនរងគ្រោះបានមកដាក់ពាក្យបណ្ដឹងដល់សមត្ថកិច្ច ភ្លាមៗក្រោយពីកើតហេតុមិនបានប៉ុន្មាននាទីផង កម្លាំងកងរាជអាវុធហត្ថស្រុកសង្កែ បានឃាត់ខ្លួនជនសង្ស័យ ដែលពាក់ព័ន្ធនឹងការលួចការបូបលុយស្ត្រីចំណាស់ខាងលើយកមកវិញ។

ក្រោយពីឃាត់ខ្លួន សមត្ថកិច្ចបានដកហូតវត្ថុតាងរួមមាន ប្រាក់ខ្មែរចំនួន៤៧ម៉ឺនរៀល ទូរស័ព្ទដៃម៉ាកហូវៃពណ៌ខ្មៅចំនួន០១គ្រឿង និង កាតទូរស័ព្ទមួយចំនួន។

បច្ចុប្បន្នជនសង្ស័យ និងនិងវត្ថុតាងកំពុងឃាត់ខ្លួននៅមូលដ្ឋានអាវុធហត្ថស្រុកសង្កែ ដើម្បីកសាងសំណុំរឿង ចាត់ការតាមនីតិវិធី៕

អត្ថបទ ៖ សោ និយមរដ្ឋ