ព័ត៌មានជាតិ

ប័ណ្ណ ប.ស.ស នរណាក៏ចង់បាន តែនៅមានអ្នកមិនទាន់យល់ច្បាស់ពីអត្ថប្រយោជន៏

បានផុស

៧ ខែ មុន

នៅ

ថ្ងៃចន្ទ ៦ ឧសភា ២០២៤

ដោយ

បើនិយាយពីប័ណ្ណប.ស.ស នរណាក៏ចង់បានដែរ តែនៅមិនទាន់យល់ច្បាស់ពីអត្ថប្រយោជន៍របស់វានៅឡើយទេ។ ប័ណ្ណ ប.ស.ស ប្រើប្រាស់មានស្ថេរភាព មិនមែនចប់ត្រឹមយើងចូលនិវត្តន៍នោះទេ តែតកូនតចៅបន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាការលើកឡើងរបស់លោកកើត ឆែ អភិបាលរងរាជធានី ខណៈលោកអញ្ជើញជាតំណាងលោក ឃួង ស្រេង អភិបាលរាជធានីភ្នំពេញក្នុងពិធីផ្សព្វផ្សាយស្តីពី ការអនុវត្តរបប សន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់ អ្នកក្នុងបន្ទុកសមាជិក ប.ស.ស ជាមន្ត្រីសាធារណៈជូនដល់ថ្នាក់ដឹកនាំ និងមន្ត្រីរាជការក្រោមឱវាទរដ្ឋបាលរាជធានីភ្នំពេញ នារសៀលថ្ងៃទី៦ឧសភា នៅសាលារាជធានីភ្នំពេញ។

លោកកើត ឆែ បានបន្តថា ក្នុងក្របខណ្ឌរដ្ឋបាលរាជធានីភ្នំពេញ មន្ត្រីរាជការ ទាំងអស់ នឹងទទួលបាននូវអត្ថប្រយោជន៏ខាងលើ ដែលនេះស្តែងឲ្យឃើញពីការ គិតគូរពីសំណាក់រាជរដ្ឋាភិបាលទៅដល់សុខទុក្ខ និងជីវភាពរបស់មន្ត្រីរាជការដែលជាប្រតិបត្តិករសេវាសាធារណៈនិងមន្ត្រីនគរបាលនៃស្នងការដ្ឋាននគរបាល រាជធានីភ្នំពេញ និងអង្គភាពចំណុះដែលចូលរួមថែរក្សាសន្តិសុខសណ្តាប់ធ្នាប់សាធារណៈតាមរយៈការទទួលរ៉ាប់រងការចំណាយលើថ្លៃព្យាបាលនៅមូលដ្ឋាន សុខាភិបាលសាធារណៈឬមូលដ្ឋានសុខាភិបាលឯកជនដែលជាដៃគូរបស់ ប.ស.ស នៅពេលដែលពួកគាត់ឬអ្នកក្នុងបន្ទុកមានជំងឺ។

លោកស៊ុំ សោភ័ណ រដ្ឋលេខាធិការក្រសួងការងារ និងបណ្តុះបណ្តាល វិជ្ជាជីវៈ ដែលអញ្ជើញជាអធិបតីនាឱកាសនោះ លើកឡើងថា ដូចដែលយើង បានដឹងស្រាប់ហើយថា ប្រព័ន្ធគាំពារសង្គមនៅកម្ពុជា ជាសសរស្តម្ភសំខាន់ក្នុង ការរួមចំណែកកសាងសង្គមជាតិ ក្នុងនោះមានសសរស្តម្ភចំនួន២ គឺប្រព័ន្ធជំនួយសង្គម និងប្រព័ន្ធសន្តិសុខសង្គមដោយប្រព័ន្ធជំនួយសង្គមជាកម្មវិធីជំនួយសង្គម ដែលទ្រង់ទ្រង់ដោយថវិការាជរដ្ឋាភិបាល។

ដោយឡែកប្រព័ន្ធសន្តិសុខសង្គម គឺជាប្រព័ន្ធជំរុញឲ្យប្រជាពលរដ្ឋគ្រប់រូបចូលរួមតែបន្តិចបន្តួចក្នុងការបង់ភាគទាន នៅក្នុងមូលនិធិមួយដើម្បីការពារហានីភ័យពីការធ្លាក់ចូលក្នុងភាពក្រីក្រនៅពេល ចាស់ជរានិងនៅពេលមានតម្រូវការសេវាសុខភាព ព្រមទាំងហានីភ័យផ្សេងៗទៀត។

លោកគណៈអធិបតីបានផ្តាំផ្ញើឲ្យអស់លោក លោកស្រីត្រូវខិតខំយកចិត្ត ទុកដាក់ស្តាប់ការផ្សព្វផ្សាយឲ្យបានយល់និងបន្តផ្សព្វផ្សាយដល់បងប្អូននៅមូលដ្ឋានទៀត ព្រមទាំងត្រូវមានការឆ្លើយតបទៅនឹងពួកអគតិដែលនៅតែចិញ្ចឹមចិត្ត វាយប្រហាររាជរដ្ឋាភិបាលរឿងកាត ប.ស.សនេះ ហើយយើងត្រូវដឹងថា ចលនា បដិវត្តន៍ពណ៌នៅមាននៅឡើយក្នុងការប្រឆាំងនឹងរាជដ្ឋាភិបាលស្របច្បាប់៕

ដោយ ៖ ស្រីរ័ត្ន