ព័ត៌មានជាតិ
“បង្គោលអង់តែន” ២៩៨ បង្គោលទៀតសាងសង់បន្ថែម បង្កើនសេវាគ្របដណ្តប់កាន់តែទូលាយតាមខណ្ឌទាំង ១៤ នៅរាជធានីភ្នំពេញ
“បង្គោលអង់តែនរួម” ចំនួន ២៩៨ បង្គោល ត្រូវបានសាងសង់បន្ថែមដែលនឹងជួយលើកកម្ពស់ការផ្តល់សេវាទូរគមនាគមន៍ និងពង្រឹងគុណភាពសេវាទូរសព្ទចល័តក៏ដូចជាសេវាអ៊ីនធឺណិតនៅតាមខណ្ឌទាំង១៤ ក្នុងរាជធានីភ្នំពេញ។
នៅក្នុងកិច្ចប្រជុំពិនិត្យលើវឌ្ឍនភាពការងាររបស់ក្រុមការងារលើកកម្ពស់គុណភាពសេវាទូរគមនាគមន៍ របស់ក្រសួងប្រៃសណីយ និងទូរគមនាគមន៍កាលពីពេលថ្មីៗនេះ បានបង្ហាញវឌ្ឍនភាពសម្រេចបានក្នុងការលើកកម្ពស់ការផ្តល់សេវាទូរគមនាគមន៍នៅតាមបុរីនិងខណ្ឌទាំង១៤ ក្នុងរាជធានីភ្នំពេញ។
លោក ជា វ៉ាន់ដេត រដ្ឋមន្រ្តីក្រសួងប្រៃសណីយនិងទូរគមនាគមន៍បានឲ្យដឹងថា គិតមកដល់ថ្ងៃទី ៧ ខែឧសភា ឆ្នាំ២០២៤ ក្រុមការងារលើកកម្ពស់គុណភាពសេវាទូរគមនាគមន៍នៅតាមបុរីបានសាង់សង់ “បង្គោលអង់តែនរួម” ចំនួន ៧៤ បង្គោល ដែល “បង្គោលអង់តែនរួម” នីមួយៗ អាចបំពាក់បានស្ថានីយអង់តែនរបស់ប្រតិបត្តិករចំនួន ៣ ក្រុមហ៊ុន។ ស្ថានីយអង់តែនចំនួន ១៥៧ បានដាក់ឱ្យដំណើរការ ក្នុងនោះក្រុមហ៊ុន Cellcard ចំនួន ៣៧ ស្ថានីយ, ក្រុមហ៊ុន Metfone ចំនួន ៥៨ ស្ថានីយ, និងក្រុមហ៊ុន Smart ចំនួន ៦២ ស្ថានីយ ដែលប្រតិបត្តិករបានបំពាក់ស្ថានីយអង់តែនតាមការបានគ្រោងទុក។
ដោយឡែកនៅតាមខណ្ឌទាំង ១៤ ក្នុងរាជធានីភ្នំពេញ ក៏បានសាងសង់បន្ថែម “បង្គោលអង់តែនរួម” ចំនួន ២៩៨ បង្គោល ដែលស្ថានីយអង់តែនចំនួន ៣២០ បានដាក់ឱ្យដំណើរការ ក្នុងនោះមានក្រុមហ៊ុន Cellcard ចំនួន ២៥ ស្ថានីយ, ក្រុមហ៊ុន Metfone ចំនួន ១០៣ ស្ថានីយ, និងក្រុមហ៊ុន Smart ចំនួន ១៩២ ស្ថានីយ។ ប្រតិបត្តិករនឹងបន្តបំពាក់ស្ថានីយអង់តែនបន្តទៀតរហូតគ្រប់ចំនួនតាមការគ្រោងទុក។
រដ្ឋមន្រ្តីក្រសួងប្រៃសណីយ៍ និងទូរគមនាគមន៍ កន្លងទៅបានប្រកាសដាក់ចេញគោលនយោបាយលើការប្រើប្រាស់បង្គោលអង់តែនរួមគ្នា ដើម្បីពង្រឹងគុណភាពសេវាដល់គោលដៅអាទិភាព និងតំបន់ដាច់ស្រយាល។ ការដាក់ចេញគោលនយោបាយលើការប្រើប្រាស់បង្គោលអង់តែនរួម នឹងសម្រួលការប្រើប្រាស់កាត់បន្ថយការចំណាយ និងបង្កើតលំហអាកាសដែលមិនប៉ះពាល់ដល់បរិស្ថាន។
នៅក្នុងពិធីបិទសន្និបាតវិស័យទេសចរណ៍កាលពីថ្ងៃ ១៤ កក្កដា ឆ្នាំ២០២២ អតីតនាយករដ្ឋមន្រ្តីកម្ពុជាសម្តេចតេជោ ហ៊ុន សែន បានណែនាំឱ្យក្រុមហ៊ុនទូរស័ព្ទ ក្រុមហ៊ុនផ្គត់ផ្គង់សេវាអ៊ីនធឺណិត ពង្រឹងលើការផ្តល់សេវាអ៊ីនធឺណិតទាំងក្នុងទីក្រុងនិងតាមទីជនបទ។
សម្តេចតេជោបានគូសបញ្ជាក់ថា ការពង្រីកវិសាលភាពសេវាឲ្យទូលំទូលាយ នឹងអាចទាក់ទាញបានអ្នកទេសចរមិនថាតែជាតិនិងអន្តរជាតិឲ្យទៅកម្សាន្តតាមតំបន់ទេសចរណ៍ក្នុងប្រទេសកាន់តែច្រើនថែមទៀត។
តាមរយៈការសិក្សាស្រាវជ្រាវមួយរបស់ក្រសួងប្រៃសណីយ៍និងទូរគមនាគមន៍បានរកឃើញថា បញ្ហាសេវាទូរសព្ទគឺបណ្តាលមកពីប្រតិបត្តិករទូរសព្ទចល័តមួយចំនួន នៅបន្តប្រើប្រាស់បច្ចេកវិទ្យាមិនទាន់សម័យកាល កំណើននៃសំណង់អគារខ្ពស់ៗ កំណើននៃការប្រើប្រាស់សេវាទូរសព្ទចល័ត និងសេវាអ៊ីនធឺណិត។
ក្រៅពីនេះក៏មានបញ្ហាឧបករណ៍កែច្នៃ ដែលមិនស្របតាមស្តង់ដារបច្ចេកទេស ស្ថានីយអង់តែនភាគច្រើនសាងសង់នៅតែតំបន់ទីប្រជុំជន ការដំឡើងឧបករណ៍បង្កើនកម្លាំងសេវាដែលបណ្តាលឱ្យមានការឆ្លងរំខាន ការនាំចូលទូរសព្ទមួយទឹកដែលគ្មានគុណភាព រួមនឹងចំណុចសំខាន់មួយចំនួនទៀត។
តាមទិន្នន័យដែលក្រសួង និងក្រុមអ្នកជំនាញអន្តរជាតិ បានស្រាវជ្រាវឃើញថា នៅទូទាំងរាជធានីភ្នំពេញ ត្រូវសាងសង់បង្គោលអង់តែនប្រមាណ ១១០០ បង្គោល តែកន្លងមកបើតាមទិន្នន័យផ្ដល់ដោយក្រុមហ៊ុនឯកជន គឺមានត្រឹមតែ ៦៥៦ បង្គោលប៉ុណ្ណោះ។
ត្រឹមឆ្នាំ ២០២៧ រដ្ឋាភិបាលបានដាក់គោលដៅក្នុងការជំរុញការអភិវឌ្ឍហេដ្ឋារចនាសម្ព័ន្ធទូរគមនាគមន៍នៃសេវាទូរសព្ទ 4G និងសេវាអ៊ីនធឺណិតឲ្យបានដល់គ្រប់គោលដៅសាលារៀន មណ្ឌលសុខភាព សាលាឃុំ និងប៉ុស្តិ៍នគរបាលរដ្ឋបាលនៅតាមទីជនបទទូទាំងប្រទេស៕
ក្រសួងការងារបើកកិច្ចប្រជុំជ្រើសរើសបេក្ខភាពសហគ្រាស ប្រគល់ពានរង្វាន់ “សហគ្រាសមួយជាសហគមន៍សុខសាន្តមួយ”
រដ្ឋបាលរាជធានីភ្នំពេញ ត្រៀមរៀបចំព្រឹត្តិការណ៍បាល់ទាត់ ដេីម្បីគាំទ្រកាកបាទក្រហមកម្ពុជា
Paul Scholes ចុចឈ្មោះ Messi ជាកីឡាករល្អបំផុតគ្រប់សម័យកាល ខណៈបច្ចុប្បន្នគឺម្នាក់នេះ
លោក ប៉ែន បូណា៖ អ្នកដឹកនាំដែលធ្វើឱ្យពលរដ្ឋសុខសប្បាយ ខុសពីឧទ្ទាមនយោបាយដែលបន្លាចពលរដ្ឋឱ្យភិតភ័យ
អាន់វ៉ា ជួប មីន អ៊ុងឡាំង ដ៏កម្រក្នុងទីក្រុងបាងកក
អាមេរិកវាយប្រហារលើក្រុមហ៊ូធី សម្លាប់មនុស្ស៣៨នាក់និងរបួស១០២នាក់នៅយេម៉ែន
អ្នកវិភាគអន្តរជាតិ លើកចំណុចធំ១ ដែល ពូទីន នឹងបញ្ឆេះសង្គ្រាមលោកលើកទី៣
រឿងសំខាន់៥ត្រូវដឹងពី ព្រះខ័នរាជស្វាយរៀង ឡើងវគ្គផ្តាច់ព្រ័ត្រ AFC Challenge League
ប្រធានាធិបតីចិន ប្រកាសជួយកម្ពុជាឱ្យសម្រេចបានគោលដៅជាប្រទេសអ្នកមាននៅឆ្នាំ២០៥០
អាមេរិក ចោទក្រុមហ៊ុនផ្កាយរណបចិនថាបានជួយដល់ការវាយប្រហាររបស់ក្រុមហ៊ូធី
-
ព័ត៌មានជាតិ៥ ថ្ងៃ agoលោក ជួន កក្កដា៖ ចាស់បុរាណដែលយករឿងសិរីបីប្រការ មកជាឧទាហរណ៍ពេលចូលឆ្នាំខ្មែរ គឺជាអ្នកប្រាជ្ញ មានគំនិតខ្ពស់
-
ព័ត៌មានជាតិ១ សប្តាហ៍ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
សន្តិសុខសង្គម៣ ថ្ងៃ agoមនុស្ស៩នាក់ស្លាប់ក្នុងគ្រោះថ្នាក់ចរាចរណ៍នាថ្ងៃទី២នៃពិធីបុណ្យចូលឆ្នាំថ្មី
-
សន្តិសុខសង្គម៥ ថ្ងៃ agoយប់ថ្ងៃទទួលទេវតាឆ្នាំថ្មី អគ្គិភ័យឆេះផ្ទះពលរដ្ឋ១៦ខ្នងនៅខណ្ឌឬស្សីកែវ
-
ព័ត៌មានអន្ដរជាតិ១ សប្តាហ៍ agoឧទ្ធម្ភាគចក្រ ដឹកទេសចរ ធ្លាក់ចូលទន្លេនៅញ៉ូវយក ស្លាប់មនុស្ស៦នាក់
-
ព័ត៌មានអន្ដរជាតិ១ ថ្ងៃ agoខេត្ត Phuket របស់ថៃរងការវាយប្រហារដោយទឹកជំនន់ភ្លាមៗ ក្រោយមានភ្លៀងធ្លាក់ខ្លាំង
-
ព័ត៌មានអន្ដរជាតិ៤ ថ្ងៃ agoមិនធម្មតាទេលើកនេះ វៀតណាមស្វាគមន៍មេដឹកនាំចិន ដោយបាញ់កាំភ្លើងធំ២១ដើម
-
ព័ត៌មានអន្ដរជាតិ២ ថ្ងៃ agoរុស្ស៊ី បង្ហាញឈ្មោះ៤ប្រទេស ដែលនឹងភ្លក់គ្រាប់របស់ខ្លួនមុនគេ ពេលផ្ទុះសង្គ្រាមធំ