ព័ត៌មានជាតិ
កម្ពុជា-UN បើកកិច្ចប្រជុំពិភាក្សាស្តីពីកម្មវិធី “មុខរបរនិងការងារសមរម្យរបស់យុវជននៅកម្ពុជាដំណាក់កាលទី២”
លោកបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នាព្រឹកថ្ងៃទី២៤ ខែកុម្ភៈ ឆ្នាំ២០២១នេះ បានចូលរួមសហការដឹកនាំកិច្ចប្រជុំគណៈប្រឹក្សាភិបាលនៃកម្មវិធី “មុខរបរនិងការងារសមរម្យរបស់យុវជននៅកម្ពុជា ដំណាក់កាលទី២” ជាមួយលោកស្រីPauline Tamesis អ្នកសម្របសម្រួលអង្គការសហប្រជាជាតិប្រចាំប្រទេសកម្ពុជាតាមប្រព័ន្ធវីដេអូ។
កិច្ចប្រជុំនោះមានការចូលរួមពី ក្រសួងអប់រំ យុវជន និងកីឡា ក្រសួងទេសចរណ៍ ក្រសួងសេដ្ឋកិច្ច និងហិរញ្ញវត្ថុ ភ្នាក់ងារអង្គការសហប្រជាជាតិរួមមាន៖ អង្គការ ILO, អង្គការ UNESCO, អង្គការ UNICEF និងអង្គការ UNIDO ភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC)និងតំណាងយុវជន។
លោករដ្ឋមន្ត្រីអ៊ិតសំហេងបានមានប្រសាសន៍ថា កិច្ចប្រជុំគឺដើម្បីពិនិត្យមើលវឌ្ឍនភាពនិងឆ្លុះបញ្ចាំងពីសមិទ្ធផលនៃកម្មវិធីក្នុងឆ្នាំទី១ នៃដំណាក់កាលទី២ និងពិភាក្សាអំពីបញ្ហាប្រឈម និងដំណោះស្រាយ។ ពិភាក្សានិងអនុម័តផែនការសកម្មភាពរបស់កម្មវិធីសម្រាប់ឆ្នាំ២០២១។ ពិភាក្សា
និងអនុម័តគោលការណ៍ណែនាំនៃការគ្រប់គ្រងមូលនិធិសម្រាប់គម្រោងនវានុវត្តន៍យុទ្ធសាស្ត្រថ្មីនិងស្វែងយល់ពីលទ្ធផលនៃការវាយតម្លៃយ៉ាងឆាប់រហ័សនៃតម្រូវការបន្ទាន់សម្រាប់កម្មករនិយោជិត និងជំនាញនៅក្នុងដំណាក់កាលនៃវិបត្តិជំងឺកូវីដ-១៩។
សហប្រធានក៏បានអំពាវនាវដល់ដៃគូពាក់ព័ន្ធទាំងអស់ចូលរួមសហការបង្កើតគម្រោងប្រកួតប្រជែងនវានុវត្តថ្មីៗបន្ថែមទៀត ដើម្បីចូលរួមលើកកម្ពស់ប្រសិទ្ធភាពនៃកម្មវិធីអប់រំ បណ្តុះបណ្តាលតាមបែបឌីជីថលនិងចម្រុះបង្កើតភាពជាដៃគូថ្មីៗ ជាមួយគ្រប់ភាគីពាក់ព័ន្ធប្រកបដោយនវានុវត្តន៍និងបង្កើតឱកាសក្នុងការបង្រួមគម្លាត រវាងអ្នកទទួលផលពីឌីជីថលវូបនីយកម្មនិងក្រុមងាយរងគ្រោះ។
លោករដ្ឋមន្ត្រីបានបន្តថា ជាលទ្ធផលអង្គប្រជុំបានឯកភាពគ្នាទៅលើកិច្ចការងារបន្តមួយចំនួនផង ជាអាទិ៍៖ អនុសាសន៍និងដំណោះស្រាយល្អៗ ក្នុងការស្តារស្ថានភាពមុខរបរនិងការងាររបស់យុវជនក្រោយវិបត្តិកូវីដ-១៩ អនុម័តលើផែនការសកម្មភាពរបស់កម្មវិធីសម្រាប់ឆ្នាំ២០២១ និងអនុម័តលើគោលការណ៍ណែនាំនៃការគ្រប់គ្រងមូលនិធិសម្រាប់គម្រោងនវានុវត្តន៍យុទ្ធសាស្ត្រថ្មី។
គួររំលឹកផងដែរថា តាមរយៈការរួមដៃគ្នាជាមួយដៃគូរដ្ឋាភិបាល និងដៃគូអនុវត្តទាំងអស់ កម្មវិធីរួមគ្នាបានខិតខំប្រឹងប្រែងក្នុងការកំណត់រកមធ្យោបាយថ្មីផ្លាស់ប្តូរវិធីសាស្ត្រអនុវត្តសកម្មភាព ស្វែងរក និងលើកកម្ពស់ដំណោះស្រាយនវានុវត្តន៍ ដូចជាកម្មវិធីប្រកួតប្រជែងគម្រោងនវានុវត្តន៍ ដើម្បីដោះស្រាយបញ្ហាអភិវឌ្ឍជំនាញ ហើយក៏ជាកម្មវិធីលើកទី១នៅកម្ពុជាដែលនឹងរួមចំណែកដោះស្រាយបញ្ហាប្រឈមនានា និងធ្វើទំនើបកម្មផ្នែកសិក្សាអប់រំបណ្តុះបណ្តាល មុខរបរ និងការងាររបស់យុវជន៕
អត្ថបទ ៖ សំអឿន
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
នាយករដ្ឋមន្ត្រីឱ្យស្ថាប័នរដ្ឋស្ទើតែទាំងអស់ពិនិត្យនិងកំណត់មុខងារឡើងវិញ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
អ្នកឧកញ៉ា ឡេង ណាវ៉ាត្រា ដឹកនាំប្រតិភូ Galaxy Navatra Group គោរពវិញ្ញាណក្ខន្ធសពឯកឧត្តម ហ៊ុន សាន
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៤ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៥ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ