ព័ត៌មានជាតិ
គ្រឹះស្ថានធនាគាររួមចំណែកជាង ៣៤០ លានដុល្លារទិញប័ណ្ណបំណុល គម្រោងព្រលានយន្តហោះតេជោតាខ្មៅ
គម្រោងអភិវឌ្ឍព្រលានយន្តហោះតេជោតាខ្មៅ ចាយទឹកប្រាក់វិនិយោគអស់ប្រមាណជាង ១ ពាន់លានដុល្លារ ខណៈគម្រោងទាំងមូលសម្រេចបានជាង ៧២%។
ការចំណាយទឹកប្រាក់ដ៏មហាសាលវិនិយោគហេដ្ឋារចនាសម្ព័ន្ធដ៏ធំនេះ ក៏មានចំណែកទុនវិនិយោគពីគ្រឹះស្ថានធនាគារ និងហិរញ្ញវត្ថុដែលបានចូលរួមគាំទ្រគម្រោងតាមរយៈការទិញសញ្ញាបណ្ណ (មូលបត្របំណុល) ពីក្រុមហ៊ុនអភិវឌ្ឍព្រលានក្នុងទំហំទឹកប្រាក់រាប់រយលានដុល្លារ។
លោកស្រី លឹម លីណា អនុប្រធានក្រុមហ៊ុនកាណាឌីយ៉ាគ្រុបបានបញ្ជាក់ថា គម្រោងអភិវឌ្ឍព្រលានយន្តហោះតេជោតាខ្មៅបច្ចុប្បន្នសម្រេចបាន ៧២.៣% ជាមួយនឹងការវិនិយោគអស់ប្រហែល ១,០៥២ លានដុល្លារ។
លោកស្រីអះអាងថា ខ្ទង់ចំណាយដ៏ច្រើននេះក៏មានការចូលរួមគាំទ្រហិរញ្ញវត្ថុពីគ្រឹះស្ថានធនាគារ និងហិរញ្ញវត្ថុតាមរយៈការទិញសញ្ញាបណ្ណ (មូលបត្របំណុល) ពីក្រុមហ៊ុនអភិវឌ្ឍព្រលានប្រមាណ ៣៤០ លានដុល្លារ។
ការវិនិយោគហេដ្ឋារចនាសម្ព័ន្ធដែលចាយទុនរហូតខ្ទង់ពាន់លានដុល្លារនេះ បើតាមលោកស្រី លឹម លីណា ក្រុមហ៊ុនមានមហិច្ឆិតាក្នុងការប្រែក្លាយព្រលានយន្តហោះតេជោក្រុងតាខ្មៅ ឲ្យក្លាយទៅជាព្រលានយន្តហោះដែលធំនិងទំនើបជាងគេនៅតំបន់អាស៊ី។
ទាក់ទងគម្រោងព្រលានយន្តហោះតេជោក្រុងតាខ្មៅ អតីតនាយករដ្ឋមន្ត្រីកម្ពុជា សម្តេចតេជោ ហ៊ុន សែន ក៏ធ្លាប់បានអំពាវនាវដល់គ្រឹះស្ថានហិរញ្ញវត្ថុទាំងក្នុងនិងក្រៅប្រទេស ជួយទិញមូលបត្របំណុលរបស់ក្រុមហ៊ុនដើម្បីកាត់បន្ថយនូវការប្រើប្រាស់ទុនពីក្រៅប្រទេស។
សម្តេចតេជោ ហ៊ុន សែន បានគូសបញ្ជាក់ថា ការទិញសញ្ញាបណ្ណពីក្រុមហ៊ុនអភិវឌ្ឍព្រលានយន្តហោះថ្មីនេះ គ្រឹះស្ថានហិរញ្ញវត្ថុនឹងទទួលបានផលចំណេញពីអត្រាការប្រាក់ ដោយទទួលបានការធានាផ្នែកហានិភ័យស្មើសូន្យពីរាជរដ្ឋាភិបាល។
ធនាគារ ABA ជាគ្រឹះស្ថានធនាគារដ៏ធំមួយ ដែលបានបោះទុនចំនួន ៣០ លានដុល្លារអាមេរិកទិញសញ្ញាបណ្ណសាជីវកម្ម ដើម្បីគាំទ្រគម្រោងព្រលានយន្តហោះអន្តរជាតិតេជោតាខ្មៅ។
លោក ហ្ស៊ីហ្គើរ អាតឆាបារ៉ូវ (Zhiger Atchabarov) នាយកប្រតិបត្តិការនៃធនាគារ ABA បានឲ្យកម្ពុជាថ្មីដឹងថា លោកមានទំនុកចិត្តការរួមចំណែករបស់ ABA ក្នុងការគាំទ្រហិរញ្ញវត្ថុគម្រោងអភិវឌ្ឍព្រលានយន្តហោះតេជោតាខ្មៅ នឹងមានឥទ្ធិពលវិជ្ជមានតាមរយៈការបង្កើតការងារថ្មី និងបង្កើនភាពទាក់ទាញរបស់ប្រទេសកម្ពុជា។
ស្របតាមគោលនយោបាយវិនិយោគរបស់ ABA លោក ហ្ស៊ីហ្គើរ អាតឆាបារ៉ូវ បានអះអាងថា ការចូលរួមគាំទ្រដំណាក់កាលអភិវឌ្ឍនេះនឹងប្រែក្លាយព្រលានយន្តហោះតេជោតាខ្មៅថ្មី មិនត្រឹមតែជាគោលដៅទេសចរណ៍ប៉ុណ្ណោះទេ ប៉ុន្តែជាមជ្ឈមណ្ឌលដឹកជញ្ជូនសម្រាប់តំបន់ ដែលនឹងរួមចំណែកដល់កំណើនសេដ្ឋកិច្ច និងការអភិវឌ្ឍរបស់ប្រទេសកម្ពុជា។
ព្រលានយន្តហោះតេជោក្រុងតាខ្មៅវិនិយោគដោយក្រុមហ៊ុន OCIC របស់អ្នកឧកញ៉ា ពុង ឃាវសែ ដែលកាន់កាប់ភាគហ៊ុន ៩០ ភាគរយ និងរាជរដ្ឋាភិបាលកាន់កាប់ភាគហ៊ុន ១០ ភាគរយ ដោយវិនិយោគទឹកប្រាក់ចំនួន ១,៥០០ លានដុល្លារអាមេរិក។ ព្រលានយន្តហោះថ្មីនេះ អភិវឌ្ឍនៅលើផ្ទៃដីទំហំ ២៦០០ ហិកតា ដែលមានទីតាំងស្ថិតនៅក្នុងក្រុងតាខ្មៅ និងស្រុកកណ្តាលស្ទឹង ខេត្តកណ្តាល និងមួយផ្នែកក្នុងស្រុកបាទី ខេត្តតាកែវ។
នៅពេលដាក់ឲ្យដំណើការ ព្រលានយន្តហោះតេជោក្រុងតាខ្មៅនឹងក្លាយជាព្រលានយន្តហោះលំដាក់ថ្នាក់ទី ៩ ក្នុងពិភពលោក ដែលគ្រោងបញ្ចប់ដំណាក់កាលទី ១ និងដាក់ឲ្យដំណើរការនៅឆមាសទី ១ ឆ្នាំ ២០២៥៕
រយៈពេល១០ខែដើមឆ្នាំ២០២៤ សមត្ថកិច្ចនគរបាលយុត្តិធម៌បង្ក្រាបអំពើជួញដូរមនុស្ស និងករណីបៀតបៀនផ្លូវភេទបានចំនួន៤៨នាក់
ក្រោយភ្លៀង មេឃស្រឡះ! លោក ផាត់ ហ៊ន ត្រូវបានរដ្ឋមន្ត្រីក្រសួងព័ត៌មាន និងយុត្តិធម៌ ជួយឱ្យរួចផុតពីបណ្ដឹងព្រហ្មទណ្ឌ
លោក កើត ឆែ ៖ សន្តិភាពគឺជាទ្រព្យសម្បត្តិដែលមិនអាចកាត់ថ្លៃបានយើងមិនត្រូវឱ្យ៥០០ ឆ្នាំមុន វិលត្រឡប់មកវិញទេ
ក្រសួងការងារ និង ក្រុមហ៊ុន HONDA CARS HAKATA CO., LTD ចុះអនុស្សរណៈយោគយល់គ្នា ស្ដីពី “គម្រោងបណ្តុះបណ្តាលអ្នកជំនាញតោន និងបាញ់ថ្នាំរថយន្ត”
លោក សុខ សប្បាយណា ចុះផ្សព្វផ្សាយអំពីព្រឹត្តិការណ៍ «សាទរកម្ពុជា» ដល់និស្សិតជិត៦រយនាក់ នៅសាកលវិទ្យាល័យភូមិន្ទភ្នំពេញ
Update៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
ករណីកាប់ប្រហារជនរងគ្រោះនៅស្រុកបាទី នគរបាលព្រហ្មទណ្ឌស្រាវជ្រាវចាប់បាន៣នាក់ ខណៈបក្ខពួកផ្សេងទៀតកំពុងគេចខ្លួន
ក្រសួងយុត្តិធម៌ ផ្ទេរសំណុំរឿងព្រហ្មទណ្ឌលើលោក ផាត់ ហ៊ន ពីសាលាដំបូងខេត្តកំពង់ចាម ឱ្យមកសាលាដំបូងរាជធានីចាត់ការ
កាដូឆ្នាំថ្មី ម៉ាក់ស្រីនា ចាំចៅយូរពេក ស្វាគមន៍សមាជិកថ្មីខ្លួនឯង ផ្អើលទាំងយប់
ស្ត្រីអ្នកលក់ភេសជ្ជៈម្នាក់ត្រូវជនមិនស្គាល់មុខវាយសម្លាប់ទាំងព្រឹក
-
ព័ត៌មានជាតិ៤ ថ្ងៃ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
ជីវិតកម្សាន្ដ៥ ថ្ងៃ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ចរាចរណ៍៤ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
សន្តិសុខសង្គម១០ ម៉ោង agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
នយោបាយ១ សប្តាហ៍ agoស៊ិន ចាន់ពៅរ៉ូហ្សិត ចេញមុខបរិហារគណបក្សភ្លើងទៀន និងសុំឱ្យពលរដ្ឋទាំងក្នុង និងក្រៅប្រទេសឈប់គាំទ្របក្សនេះតទៅទៀត
-
ព័ត៌មានជាតិ១ សប្តាហ៍ agoអាមេរិក ស្នើឱ្យសម្ដេចតេជោចែករំលែកបទពិសោធន៍ស្វែងរកសន្តិភាព ខណៈសង្រ្គាមកំពុងឆាបឆេះតំបន់នានាលើពិភពលោក
-
ព័ត៌មានអន្ដរជាតិ១ សប្តាហ៍ agoអ៊ុយក្រែន អះអាងថា ខ្លួនជាអ្នកសម្លាប់ប្រធាន កងកម្លាំងនុយក្លេអ៊ែររុស្ស៊ី
-
ព័ត៌មានអន្ដរជាតិ៦ ថ្ងៃ agoនារីថៃថតវីដេអូអាសអាភាសផ្ទុកក្នុងប្រព័ន្ធបច្ចេកវិទ្យារកចំណូលជិត១៥០០ដុល្លារក្នុង១ខែ