ព័ត៌មានជាតិ
អ្នកនាំពាក្យអប់រំ ក្រើនរំលឹកបេក្ខជនប្រឡងសិស្សពូកែខិតខំសិក្សា និងស្រាវជ្រាវបន្ថែម ដើម្បីឈានទៅរកភាពជោគជ័យ
លោកស្រី ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា បានធ្វើការណែនាំ និងក្រើនរំលឹកដល់បេក្ខជនសិស្សពូកែទូទាំងប្រទេសទាំងអស់ ត្រូវខិតខំសិក្សារៀនសូត្រ និងស្រាវជ្រាវបន្ថែម ដើម្បីឈានទៅរកភាពជោគជ័យនៅក្នុងការប្រកួតប្រជែងនៅដើមសប្ដាហ៍ក្រោយនេះ។
លោកស្រី បានបន្តថា ការប្រឡងជ្រើសរើសសិស្សពូកែផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី ៩ និងថ្នាក់ទី ១២ នៅទូទាំងប្រទេសឆ្នាំនេះ នឹងប្រព្រឹត្តិទៅចាប់ពីថ្ងៃទី ១២ ដល់ថ្ងៃទី ១៦ ខែឧសភា ឆ្នាំ ២០២៤ នៅរាជធានីភ្នំពេញ នាវិទ្យាល័យជាស៊ីមសន្ធរម៉ុក ដែលតាមការគ្រោងទុកមានបេក្ខជនចូលរួមប្រឡងចំនួន ២៤០ នាក់។
លោកស្រី បានបន្តទៀតថា «ក្រសួងអប់រំ បានរៀបចំលក្ខណៈរួចរាល់ហើយ រង់ចាំតែថ្ងៃដែលអនុវត្ត និងបើកការប្រឡងនៅថ្ងៃទី ១២ ឧសភា ខាងមុខ»។
លោកស្រី បានផ្ដាំផ្ញើដល់បេក្ខជនប្រឡងទាំងអស់ សូមបន្តការខិតខំប្រឹងប្រែងថែទាំសុខភាពឱ្យបានល្អ និងបរិភោគចំណីអាហារឱ្យបានគ្រប់គ្រាន់ ដើម្បីមានបញ្ញាភ្លឺស្វាងក្នុងការចូលរួមប្រកួតប្រកបដោយជោគជ័យ ព្រោះថាការដែលបេក្ខជនទទួលបានសិទ្ធក្នុងការប្រឡងនេះបានឆ្លងកាត់វគ្គជម្រុះជាច្រើនដងហើយ ឆ្លងកាត់វិញ្ញាសាក៏ច្រើនដែរ។ ដូច្នេះ បេក្ខជន ត្រូវមានការជឿជាក់លើសមត្ថភាពរបស់ខ្លួន និងបន្តខិតខំស្រាវជ្រាវលំហាត់បន្ថែមទៀត ដើម្បីប្រកួតប្រជែងមានលទ្ធផលល្អ ហើយសង្ឃឹមថា បេក្ខជន ក៏នឹងក្លាយជាធនធានល្អ ដើម្បីជួយអភិវឌ្ឍន៍ប្រទេសក្នុងពេលអនាគត។
លោកស្រី បានបន្ថែមថា សម្រាប់ឆ្នាំនេះក្រសួងជ្រើសរើសយកតែចំណាត់ថ្នាក់ទី ១ ដល់ទី ៥ ខណៈឆ្នាំមុនៗ ជ្រើសរើសពីចំណាត់ថ្នាក់ទី ១ ដល់លេខ ១០។ ក្នុងនោះចំណាត់ថ្នាក់លេខ ១ ទទួលបានថវិកា ៣ លាន ៥ សែនរៀល លេខ ២ បាន ៣ លាន ២ សែនរៀល លេខ ៣ បាន ២ លាន ៩ សែនរៀល លេខ ៤ បាន ២ លាន ៦ សែនរៀល និងលេខ ៥ បាន ២ លាន ៣ សែនរៀល។ សិស្សជ័យលាភីអាចនឹងទទួលប្រាក់រង្វាន់ និងវត្ថុផ្សេងៗ ទៀត ពីសប្បុរសជនផងដែរ។
លោកស្រី បានពន្យល់ថា ការជ្រើសរើសត្រឹមជ័យលាភីត្រឹមចំណាត់ថ្នាក់ទី ៥ ក្នុងទិសដៅឱ្យបេក្ខជនកាន់តែបង្កើនការដុសខាត់ចំណេះដឹងឱ្យកាន់តែមុតស្រួច ស្របពេលដែលក្រសួងកំពុងផ្តល់អាទិភាពលើការអនុវត្តស្តង់ដារសាលារៀនគំរូនៅគ្រប់រាជធានីខេត្តក្រុង ដែលស្តង់ដារនេះ នឹងលើកកម្ពស់គុណភាព នៃការអប់រំឱ្យកាន់តែប្រសើរឡើង។
គួរបញ្ជាក់ថា ឆ្នាំមុន ក្រសួងអប់រំ យុវជន និងកីឡា បានរៀបចំការប្រឡងជ្រើសរើសសិស្សពូកែផ្នែកអក្សរសិល្ប៍ខ្មែរ គណិតវិទ្យា និងរូបវិទ្យា ថ្នាក់ទី ៩ និងថ្នាក់ទី ១២ នៅទូទាំងប្រទេស នៅថ្ងៃទី ១២ ខែមិថុនា ឆ្នាំ ២០២៣ នៅវិទ្យាល័យនេតយ៉ង់ នៃទីរួមខេត្តបាត់ដំបង៕
អត្ថបទ ៖ សំអឿន
ពលរដ្ឋជិះរថយន្តក្រុងមិនគិតថ្លៃ ឱកាសបុណ្យជាតិធំៗ កើនឡើងពី ១០ ទៅ ១៥ ភាគរយ ក្នុងមួយឆ្នាំ
ក្រុមហ៊ុន វឌ្ឍនៈ ប្រ៊ូវើរី បន្តវត្តមានជូនដំណើរបងប្អូនទៅស្រុកកំណើត និងចែកជូនភេសជ្ជៈកីឡាបំពេញជាតិទឹក វី អាកទីវ ដោយឥតគិតថ្លៃ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
Selena ក្លាយជាមហាសេដ្ឋី ខណៈ Justin កំពុងផ្ទុះច្រូងចម្រាសនឹងបុគ្គលបទល្មើសផ្លូវភេទ
មន្រ្តីជំនាញសាធារណការឆ្លើយតបបញ្ជាក់ ផ្លូវខូចបង្កើតចង្ហូររលកនៅរង្វង់មូលព្រះថោងនាងនាគ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
រមណីយដ្ឋានឆ្មាបាត់នៅកោះកុង ត្រៀមខ្លួនរួចស្រេច ទទួលភ្ញៀវទេសចរនៅថ្ងៃបុណ្យភ្ជុំបិណ្ឌ
ប្រជាជនកម្ពុជាហៅបឹងទន្លេសាប ជាកូនសមុទ្រទឹកសាប ខណៈជាបឹងទឹកសាបធំបំផុតនៅអាស៊ីអាគ្នេយ៍
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៦ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ចរាចរណ៍២១ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ព័ត៌មានអន្ដរជាតិ៥ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ