ព័ត៌មានជាតិ
រដ្ឋមន្ត្រីអប់រំ លើកទឹកចិត្តសិស្ស ខំប្រឹងរៀនទាំងភាសាជាតិ ឬ ភាសាបរទេស ដើម្បីជាកម្លាំងចលកររួមចំណែកអភិវឌ្ឍន៍ជាតិ
លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានលើកទឹកចិត្តដល់សិស្សានុសិស្ស ត្រូវបន្តខិតខំប្រឹងប្រែងរៀនសូត្រមិនថាទាំងភាសាជាតិ ឬភាសាបរទេស ដើម្បីជាកម្លាំងចលករចូលរួមចំណែកអភិវឌ្ឍន៍ជាតិមាតុភូមិ និងអនាគតរបស់ខ្លួនឯងផ្ទាល់។
ការលើកឡើងរបស់រដ្ឋមន្ត្រីក្រសួងអប់រំនេះបានធ្វើឡើងកាលពីរសៀលថ្ងៃទី ១១ ឧសភា ក្នុងពិធីបើក“ថ្នាក់អក្សរផ្ចង់ចិន មិត្តភាពកម្ពុជា-ចិន” ដែលកម្មវិធីនេះសហការរៀបចំឡើងដោយសាលារៀនជំនាន់ថ្មី វិទ្យាល័យព្រះយុគន្ធរ និងសាលា Step Forward Abroad School ក្រោមការជួយគាំទ្រដោយសមាគមអប់រំ និងតម្រង់ទិសសិស្សមធ្យមសិក្សាកម្ពុជា និងសមាគមអ្នកសរសេរអក្សរផ្ចង់ខ្មែរ-ចិន។
បើតាមលោកឧបនាយករដ្ឋមន្ត្រី គោលបំណង នៃការបង្កើតកម្មវិធីនេះឡើង គឺដើម្បីឱ្យ សិស្សានុសិស្សកម្ពុជា ដែលសិក្សាភាសាចិនយល់កាន់តែច្បាស់អំពីទស្សនវិជ្ជាសិល្បៈ និងការកត់ត្រាអំពីការវិវត្តន៍ នៃពុម្ពអក្សរអក្សរផ្ចង់ចិន។ បន្ថែមពីនេះ តាមរយៈការរៀនសរសេរអក្សរផ្ចង់ចិន មិនត្រឹមតែជាការហ្វឹកហាត់ការសរសេរអក្សរចិនឱ្យស្ទាត់ជំនាញប៉ុណ្ណោះទេ ប៉ុន្តែវាក៏ជួយបណ្តុះសមត្ថភាពលើភាពអត់ធ្មត់ ការគ្រប់គ្រងចិត្ត ការយកចិត្តទុកដាក់ និងការស្រឡាញ់ភាពផ្ចិតផ្ចង់ផងដែរ។
លោកឧបនាយករដ្ឋមន្ត្រី បានថ្លែងអំណរគុណចំពោះសមាគមអប់រំ និងតម្រង់ទិស សិស្សមធ្យមសិក្សាកម្ពុជា និងសមាគមអ្នកសរសេរអក្សរផ្ចង់ខ្មែរ-ចិន រួមទាំងអ្នកពាក់ព័ន្ធ និងសូមលើកទឹកចិត្តដល់សិស្សានុសិស្ស ត្រូវបន្តខិតខំប្រឹងប្រែងរៀនសូត្រមិនថាទាំងភាសាជាតិ ឬភាសាបរទេស ដើម្បីជាកម្លាំងចលករចូលរួមចំណែកអភិវឌ្ឍន៍ជាតិមាតុភូមិ និងអនាគតរបស់ខ្លួនឯងផ្ទាល់៕
អត្ថបទ ៖ សំអឿន
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៦ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៣ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+១ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ