ព័ត៌មានជាតិ

ថវិកា៦៦លានរៀល ត្រូវបានប្រគល់ជូនគ្រួសារមន្ត្រីនគរបាលទទួលមរណៈចំនួន៤នាក់

បានផុស

៤ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

ថវិកាចំនួន៦៦,៧៣៧,៥០០រៀល (ហុកសិបប្រាំមួយលាន ប្រាំពីរយសាមសិបប្រាំពីរពាន់ ប្រាំរយរៀលគត់) ត្រូវបានប្រគល់ជូនគ្រួសារមន្ត្រីនគរបាលទទួលមរណៈចំនួន៤នាក់។

ពិធីនេះធ្វើនៅថ្ងៃទី២៤ ខែកុម្ភៈ ឆ្នាំ២០២១ នៅស្នងការដ្ឋាននគរបាលខេត្តឧត្តរមានជ័យ ក្រោមអធិបតីភាព លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ និងមានការអញ្ជើញចូលរួមពីលោកស្នងការរងផែនការងារធនធានមនុស្ស លោក-លោកស្រីនាយក,នាយរងការិយាល័យបុគ្គលិក និងគ្រួសារមន្ត្រីនគរបាលទទួលមរណភាព ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកឧត្តមសេនីយ៍ត្រី ឡឹក សុខា ស្នងការរងផែនការងារធនធានមនុស្សបានធ្វើសេចក្តីរាយការណ៍ថា ថវិកាចំនួន ៦៦,៧៣៧,៥០០រៀល (ហុកសិបប្រាំមួយលាន ប្រាំពីរយសាមសិបប្រាំពីរពាន់ ប្រាំរយរៀលគត់) គឺត្រូវបានប្រគល់ជូនគ្រួសារមន្ត្រីនគរបាលមរណភាពចំនួន៤នាក់ ដែលមកពីតាមអធិការដ្ឋាននគរបាលក្រុង,ស្រុក។

ក្នុងឱកាសនោះ លោកឧត្តមសេនីយ៍ទោ ហួត សុធី ស្នងការនគរបាលខេត្ត បានថ្លែងថា ដោយបានការយកចិត្តទុកដាក់គិតគូរអំពីសុខទុក្ខរបស់ថ្នាក់ដឹកនាំក្រសួងមហាផ្ទៃ និងអគ្គស្នងការដ្ឋាននគរបាលជាតិ កងកម្លាំងនគរបាលទាំងអស់នៅពេលចូលនិវត្តន៍ ឬមរណៈ ត្រូវបានទទួលប្រាក់ឧបត្ថម្ភគោលនយោបាយដូចៗគ្នា ៕

អត្ថបទ ៖ ចាន់ ធី