ព័ត៌មានជាតិ
ព្រះចៅស៊ុលតង់ព្រុយណេ អញ្ជើញសម្ដេចតេជោ ទៅបំពេញទស្សនកិច្ចនៅប្រទេសព្រុយណេ
ព្រះចៅស៊ុលតង់ ហាជី ហាសសាណាល់ បុលគីយ៉ាស់ ព្រះមហាក្សត្រព្រុយណេ បានអញ្ជើញសម្ដេចតេជោ ហ៊ុន សែន ប្រធានព្រឹទ្ធសភានៃកម្ពុជា ទៅបំពេញទស្សនកិច្ចនៅប្រទេសព្រុយណេ។ នេះបើយោងតាមព្រះរាជសារព្រះចៅស៊ុលតង់ ផ្ញើជូនសម្ដេចតេជោ។

ការអញ្ជើញរបស់ព្រះចៅស៊ុលតង់ព្រុយណេ គឺធ្វើឡើងក្រោយពេលដែលព្រះអង្គទើបតែបានយាងមកកម្ពុជា កាលពីថ្ងៃទី ២៩ ខែមេសា ឆ្នាំ២០២៤ កន្លងទៅនេះ។ ការយាងមកកាន់កម្ពុជារបស់ព្រះអង្គ គឺដើម្បីសោយព្រះក្រយាជាមួយសម្តេច តេជោ ហ៊ុន សែន ដែលជាប្អូនធម៌។
ព្រះរាជសារផ្ញើជូនសម្ដេចតេជោ ចុះថ្ងៃទី១ ខែឧសភា ឆ្នាំ២០២៤ ហើយទើបផ្សព្វផ្សាយនៅថ្ងៃនេះ ពោល គឺក្រោយយាង ត្រឡប់ទៅកាន់មាតុប្រទេសវិញ ព្រះចៅស៊ុលតង់ ហាជី ហាសសាណាល់ បុលគីយ៉ាស់ បានបញ្ជាក់ដូច្នេះថា៖«ខ្ញុំមានក្តីរីករាយណាស់ដោយបានជួបសម្ដេចតេជោ ជាថ្មីម្តងទៀតក្នុងឱកាសព្រះរាជទស្សនកិច្ចថ្មីៗរបស់ខ្ញុំនៅប្រទេសកម្ពុជា ហើយខ្ញុំសូមថ្លែងអំណរគុណចំពោះការស្វាគមន៍យ៉ាងកក់ក្តៅ និងការរៀបចំទទួលយ៉ាងល្អឥតខ្ចោះ ព្រមទាំងអាហារពេលព្រឹកដែលសម្តេចតេជោ បានរៀបចំទទួលនៅសណ្ឋាគាររ៉ូសវូដ (Rosewood)»។

ព្រះចៅស៊ុលតង់ព្រុយណេ បានចាត់ទុកថា នេះជាឱកាសដ៏ល្អ ដែលព្រះអង្គបានជួបជាមួយកូនៗរបស់សម្ដេចតេជោ ដែលរួមទាំងសម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា។
ជាមួយនឹងការរម្លឹកពីព្រះរាជទស្សនកិច្ចនៅកម្ពុជា កន្លងទៅ ព្រះចៅស៊ុលតង់ព្រុយណេ ក៏បានអញ្ជើញសម្តេចតេជោ ទៅបំពេញទស្សនកិច្ចនៅប្រទេសព្រុយណេ ដើម្បីពង្រឹងបន្ថែមទៀតនូវចំណងមិត្តភាពដ៏យូរអង្វែងរវាងប្រជាជន និងប្រទេសទាំងពីរ កម្ពុជា និងព្រុយណេផងដែរ៕


-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ