ព័ត៌មានជាតិ

ពិព័រណ៍និងលក់សៀវភៅដ៏ធំបំផុតក្នុងពិភពលោក ចាប់ផ្តើមការលក់តាមប្រព័ន្ធអនឡាញ នៅក្នុងប្រទេសកម្ពុជាថ្ងៃនេះហើយ

បានផុស

៤ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

ពិព័រណ៍និងលក់សៀវភៅដ៏ជោគជ័យ Big Bad Wolf Books ដែលបានដំណើរការលក់សៀវភៅតាមប្រព័ន្ធអនឡាញតាមគេហទំព័រផ្លូវការរបស់ខ្លួន bigbadwolfbooks.com/kh បាននិងកំពុងទាក់ទាញប្រិយមិត្តអ្នកអាន អ្នកគាំទ្រនិងអតិថិជនរបស់ខ្លួនក្នុងប្រទេសកម្ពុជាជាមួយនឹងសៀវភៅដ៏ច្រើនសន្ធឹកសន្ធាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះជាលើកទី២ហើយ សម្រាប់ Big Bad Wolf ក្នុងការត្រលប់មកប្រទេសកម្ពុជា បន្ទាប់ពីទទួលបានភាពជោគជ័យយ៉ាងខ្លាំងទៅលើការតាំងពិព័រណ៍និងលក់កាលពីឆ្នាំ២០២០ ក្នុងទីក្រុងភ្នំពេញ ជាមួយនឹងបេសកកម្មក្នុងការបន្តពង្រឹងវប្បធម៌នៃការអាន ក្នុងប្រទេសកម្ពុជា និងផ្តល់ជូនសៀវភៅភាសាអង់គ្លេស ក្នុងតម្លៃសមរម្យដែលអ្នករាល់គ្នាអាចជាវបាន។

ឆ្លើយតបទៅនឹងស្ថានភាពនៃការជំងឺរាតត្បាតក្នុងពេលបច្ចុប្បន្ន Big Bad Wolf Books បានផ្លាស់ប្តូរបទពិសោធន៍នៃការទិញសៀវភៅ ពីការទិញនៅទីកន្លែងលក់សៀវភៅ ទៅជាការទិញតាមប្រព័ន្ធឌីជីថល ហើយការដាក់លក់សៀវភៅលើប្រព័ន្ធអនឡាញ សម្រាប់ប្រទេសកម្ពុជានាពេលខាងមុខ គឺជាបោះជំហានបន្ទាប់ ក្រោយពីការដាក់លក់សៀវភៅលើប្រព័ន្ធអនឡាញយ៉ាងជោគជ័យ នៅក្នុងប្រទេសឥណ្ឌូនេស៊ី សហព័ន្ធអារ៉ាប់រួម ប្រទេសសិង្ហបុរី និងម៉ាឡេស៊ី ដែលមានអ្នកបញ្ជាកុម្ម៉ង់ទិញសៀវភៅជាង៣លាននាក់។

ប្រិយមិត្ត ដែលជាអ្នកគាំទ្ររបស់ Big Bad Wolf Books អាចធ្វើការទិញសៀវភៅដែលខ្លួនពេញចិត្តជាមួយនឹងការបញ្ចុះតម្លៃពី៥០% ទៅ៩០% នៃតម្លៃដើម ដែលមានរយៈពេល ៨ថ្ងៃ ហើយត្រូវបញ្ចប់នៅថ្ងៃទី០៣ ខែមីនា ឆ្នាំ២០២១។ សៀវភៅដ៏ច្រើនប្រមាណ ២០លានក្បាល ដែលផ្តោតលើចំណងជើងជាង៤ម៉ឺន នឹងត្រូវបានទិញតាមប្រព័ន្ធអនឡាញបានយ៉ាងងាយស្រួលនិងពីគ្រប់ទីកន្លែង។

ការដាក់លក់សៀវភៅលើប្រព័ន្ធអនឡាញឆ្នាំ២០២១នេះ គឺជាភាពជោគជ័យចុងក្រោយបង្អស់របស់ Big Bad Wolf ក្នុងប្រវត្តិសាស្ត្ររបស់ខ្លួនក្នុងរយៈពេល ១២ឆ្នាំកន្លងមកនេះ។ លោកស្រី Jaqueline Ng ដែលជាស្ថាបនិកម្នាក់របស់ Big Bad Wolf បានបញ្ជាក់នៅក្នុងសន្និសិទ្ធិសារព័ត៌មានតាមប្រព័ន្ធអនឡាញកាលពីសប្តាហ៍អំពីយុទ្ធសាស្ត្រថ្មីនិងការប្តេជ្ញាចិត្តរបស់ក្រុមហ៊ុនទាំងមូល ក្នុងការដាក់លក់សៀវភៅ ដែលមានតម្លៃដ៏សមរម្យមួយសម្រាប់អ្នករាល់គ្នា។

លោកស្រីបានពន្យល់ថា៖ «ជាមួយនឹងទម្រង់នៃការដាក់លក់ថ្មីនេះ វាជាឱកាសមួយដ៏ល្អសម្រាប់ពួកយើងក្នុងការផ្សព្វផ្សាយវាទៅកាន់មិត្តអ្នកអានបានកាន់តែច្រើនថែមទៀត បន្ទាប់ភាពជោគជ័យ ដែលយើងទទួលបានកាលពីឆ្នាំមុនក្នុងទីក្រុងភ្នំពេញ។ ពួកយើងចង់ឲ្យប្រជាជនកម្ពុជាមកពីគ្រប់ទិសទីនិងជាន់ថ្នាក់ មិនថាចាស់ឬក្មេង អាចទទួលបានបទពិសោធន៍ល្អៗ និងសប្បាយរីករាយពីការអាន ទទួលបានចំណេះដឹង ដើម្បីអាន ដើម្បីរៀន និងដើម្បីអភិវឌ្ឍខ្លួនឯង»។

ការដាក់លក់សៀវភៅលើប្រព័ន្ធអនឡាញដ៏ធំបំផុតលំដាប់ពិភពលោកពី Big Bad Wolf នេះនឹងនាំយកសៀវភៅប្រមាណ២០លានក្បាល ជាមួយនឹងការបញ្ចុះតម្លៃរហូតដល់៩០%នៃតម្លៃដើម។ ជាមួយនឹងបទពិសោធន៍ទិញសៀវភៅ ដែលមានភាពងាយស្រួលនិងសាមញ្ញនេះ អតិថិជនអាចស្វែងរកចំណងសៀវភៅដែលថ្មីនិងពេញនិយមក្រោមពាក្យ «លក់ដាច់បំផុត» ហើយចូលទៅកាន់ប្រភេទសៀវភៅដែលពួកគេចូលចិត្តនៅលើគេហទំព័រដើម។ ពួកគេក៏នឹងទទួលបានការផ្តល់ជូន ១៥%បន្ថែមទៀត ដោយគ្រាន់តែចុះឈ្មោះជាសមាជិក។ ក្រោយពីចុះឈ្មោះរួច ពួកគេនឹងអាចស្វែងរកសៀវភៅដែលពួកគេពេញចិត្តនៅក្នុងប៊ូតុងស្វែងរក ដោយបំពេញឈ្មោះអ្នកនិពន្ធ ចំណងជើងសៀវភៅ ឬលេខកូដសៀវភៅ ហើយជ្រើសរើសវាដាក់ក្នុងរទេះ រួចបង់លុយ។ ចំណុចពិសេសនោះគឺ ប្រសិនបើពួកគេចំណាយអស់យ៉ាងតិច៦០ដុល្លារ នោះពួកគេនឹងទទួលបានការដឹកជញ្ជូនដោយឥតគិតថ្លៃ។ បន្ថែមពីនេះទៀតសម្រាប់ការជាវ ដែលមានតម្លៃតិចជាង៦០ដុល្លារ អតិថិជនក៏នឹងទទួលបានការដឹកជញ្ជូនក្រោមតម្លៃដ៏សមរម្យមួយ។

ជាមួយការផ្តល់ជូនសៀវភៅជាច្រើនជម្រើស អ្នកអាននឹងអាចរីករាយជាមួយនឹងសៀវភៅដែលពួកគេចូលចិត្តអាន រួមមានសៀវភៅលក់ដាច់បំផុត ប្រលោមលោក ប្រឌិតបែបវិទ្យាសាស្ត្រ មនោសញ្ចេតនា អក្សរសាស្ត្រ ប្រលោមលោកបែបក្រាហ្វិក ជំនួញ សៀវភៅអភិវឌ្ឍន៍ខ្លួនឯង ស្ថាបត្យកម្ម ចំអិនម្ហូប។ល។ បន្ថែមពីនេះទៅទៀត ធ្នើរសៀវភៅអនឡាញនេះ ក៏នឹងធ្វើការទាក់ទាញអ្នកអានវ័យក្មេងជាមួយសៀវភៅចម្រុះរួមមានសៀវភៅរឿង សៀវភៅសកម្មភាព សៀវភៅរូបភាពក្រាស់ៗ សៀវភៅផាត់ពណ៌ សៀវភៅបង្កើនអន្តរកម្មរវាងកុមារជាដើម ហើយជាមួយនឹងការបញ្ចុះតម្លៃដ៏ច្រើននឹងមិនធ្វើឲ្យអណាព្យាបាល ឬឪពុកម្តាយខកចិត្តនោះទេ។

ផ្នែកផ្តល់យោបល់នៅលើគេហទំព័រនឹងជួយផ្គូផ្គងអ្នកអាននិងអ្នកមិនធ្លាប់អានជាមួយនឹងសៀវភៅទៅតាមចំណង់ចំណូលចិត្តរបស់ពួកគេ។ លោក Andrew Yap ដែលជាស្ថាបនិកម្នាក់ទៀតនៃ Big Bad Wolf Books បានឲ្យដឹងថា៖ «ការលក់សៀវភៅនៅលើប្រព័ន្ធអនឡាញនេះ ពិតជាធ្វើបានល្អហើយលើសពីអ្វីដែលយើងបានរំពឹងទុក។ នៅចំពោះមុខស្ថានភាពប្រឈមនាពេលបច្ចុប្បន្នដែលយើងគ្រប់គ្នាកំពុងជួបប្រទះ ពួកយើងយល់ថាការលក់នៅលើប្រព័ន្ធអនឡាញនេះពិតជាដំណោះស្រាយដ៏ល្អបំផុត»។ នាពេលអនាគត យើងអាចរំពឹងបានថា ការលក់សៀវភៅរបស់យើង ដែលនឹងធ្វើលើប្រព័ន្ធអនឡាញឬតាមការរៀបចំកម្មវិធីតាំងពិព័រណ៍នានានឹងអាចបំពេញគ្នាទៅវិញទៅមក ហើយបំពេញតម្រូវការអតិថិជនរបស់យើងបានកាន់តែប្រសើរថែមទៀត ដែលពួកគេអាចជ្រើសរើសជម្រើសណាមួយ ដែលសមស្របបំផុតសម្រាប់ពួកគេ»។

សម្រាប់អ្នកគាំទ្រការលក់របស់ Big Bad Wolf លើប្រព័ន្ធអនឡាញ ក្នុងប្រទេសកម្ពុជាទាំងអស់ ពួកគេអាចធ្វើការតាមដានការផ្តល់ជូនពិសេសនានា ដែលនឹងត្រូវបានផ្សាយពាណិជ្ជកម្មលើ bigbadwolfbooks.com/kh និងតាមរយៈការចុះឈ្មោះជាសមាជិក។

ការផ្តល់ជូនដែលអតិថិជនអាចប្រើបាន៖

១. ការផ្តល់ជូនពិសេសសម្រាប់សមាជិក (លេខកូដគូប៉ុង)

ទទួលបាន១៥%បន្ថែមទៅលើសៀវភៅដែលត្រូវបានជ្រើសរើសរួច

២. Magical Deals

ចំណាយត្រឹមតែសៀវភៅ ២ក្បាល ទទួលបានសៀវភៅ៣ក្បាល

៣. White Star Kids – Classic Fairy Tales

ចំណាយត្រឹមតែសៀវភៅ១ក្បាល ដោយទទួលបានសៀវភៅ២ក្បាល (ក្នុងតម្លៃ USD3.40 ក្នុងមួយក្បាល)

៤. Scholastic Interesting Facts

ចំណាយត្រឹមតែសៀវភៅ២ក្បាល ទទួលបានសៀវភៅ៣ក្បាល (ក្នុងតម្លៃ USD3.40 ក្នុងមួយក្បាល)

៥. ការផ្តល់ជូនដ៏ពិសេសទៅលើសៀវភៅ Harry Potter ត្រឹមតែ USD 8.40 តែប៉ុណ្ណោះ

៦. ការដឹកជញ្ជូនឥតគិតថ្លៃ

ចំណាយយ៉ាងហោចណាស់ USD60 ដើម្បីទទួលការដឹកជញ្ជូនដោយឥតគិតថ្លៃ

បណ្តាញសង្គម Big Bad Wolf ៖

Facebook: facebook.com/bbwbookskh

Instagram: instagram.com/bbwbookskh

Official Hashtag: #BBWPhnomPenh2021

អំពី BIG BAD WOLF៖

ក្រោមចំណង់ចំណូលចិត្តផ្ទាល់ខ្លួន Andrew Yap និង Jaqueline Ng បានបង្កើតហាងលក់សៀវភៅ Big Bad Wolf ក្នុងឆ្នាំ២០០៩ ក្នុងទីក្រុងកូឡាឡាំពួរ ប្រទេសម៉ាឡេស៊ី ដោយផ្តល់នូវជម្រើសសៀវភៅជាច្រើនដែលនាំយកពីអ្នកចែកចាយអន្តរជាតិ។ ដោយសារតែការផ្តល់ជូននូវតម្លៃដ៏ពិសេស និងការដាក់លក់ដែលងាយស្រួលរកជាវ Big Bad Wolf បានក្លាយជាទីចាប់អារម្មណ៍និងកម្មវិធីថ្នាក់ជាតិ។

ជាមួយនឹងការផ្តល់ជូនយ៉ាងពិសេស ចាប់ពី ៧៥% រហូតដល់ ៩៥% នៃតម្លៃដើម Big Bad Wolf បានធ្វើការដាក់លក់សៀវភៅជាច្រើនប្រភេទ រួមមានសៀវភៅរឿងពិតនិងប្រឌិត សៀវភៅប្រឌិតសម្រាប់មនុស្សពេញវ័យ និងសៀវភៅកុមារជាដើម ក្នុងគោលបំណងលើកទឹកចិត្តឲ្យមនុស្សគ្រប់វ័យអាចទទួលបានបទពិសោធន៍ដ៏រីករាយនៃការអាន និងទទួលបានសៀវភៅដែលមានតម្លៃសមរម្យ។

ការលក់សៀវភៅនេះពង្រីកការលក់របស់ខ្លួនទៅប្រទេសជាច្រើនរួមមានប្រទេសកម្ពុជា ឥណ្ឌូណេស៊ី កូរ៉េ មីយ៉ានម៉ា ប៉ាគីស្ថាន ស្រីលង្កា សិង្ហបុរី ហ្វីលីពីន តៃវ៉ាន់ ថៃនិងសហព័ន្ធអារ៉ាបរួម ដោយបន្តបេសកកម្មផ្តល់ជូនសៀវភៅដែលមានតម្លៃសមរម្យបំផុត៕

សម្រាប់ព័ត៌មានបន្ថែម សូមទំនាក់ទំនង៖

Rachel Roberts

Mobile: +855 96 368 0826

Email: [email protected]