ព័ត៌មានជាតិ
កម្ពុជា ប្រកាសពីតម្រូវការកម្លាំងពលកម្មក្នុងស្រុកជិត ៥ ម៉ឺនកន្លែង សម្រាប់បម្រើលើវិស័យធំៗ ចំនួន ៣
កម្ពុជា បានបន្តប្រកាសពីតម្រូវការកម្លាំងពលកម្មក្នុងស្រុកប្រមាណជិត ៥ ម៉ឺនកន្លែង សម្រាប់បម្រើទៅលើវិស័យធំៗ ចំនួន ៣ រួមមាន វិស័យឧស្សាហកម្ម សេវាកម្ម និងកសិកម្ម។
បើតាមក្រសួងការងារ និងបណ្ដុះបណ្ដាលវិជ្ជាជីវៈ បានឱ្យដឹងថា បច្ចុប្បន្ននេះក្រសួងមានតម្រូវការកម្លាំងពលកម្មចំនួន ៤៧ ៧២៦ កន្លែង សម្រាប់បម្រើទៅលើវិស័យធំៗ ចំនួន ៣ ក្នុងនោះ វិស័យឧស្សាហកម្មមានតម្រូវការចំនួន ៣៥ ១៧៦ កន្លែង វិស័យសេវាកម្មមានចំនួន ២ ៧០១ កន្លែង និងវិស័យកសិកម្មមានចំនួន ៩ ៨៤៩ កន្លែង។ ក្នុងនោះនៅខេត្តរតនគីរី មានតម្រូវការផ្នែកកសិកម្មចំនួន ៥ ៦៨៦ កន្លែង ខេត្តកំពង់ស្ពឺ មានតម្រូវការកម្លាំងពលកម្មផ្នែកឧស្សាហកម្ម ៩ ១៥២ កន្លែង។
ខេត្តស្វាយរៀងមានចំនួន ១១ ១៨៩ កន្លែង ក្នុងនោះវិស័យឧស្សាហកម្មមាន ១០ ៥០៨ កន្លែង និងសេវាកម្ម ៦៨១ កន្លែង។ រាជធានីភ្នំពេញមាន ៧ ៤៩៥ កន្លែង ក្នុងនោះផ្នែកឧស្សាហកម្ម ៧ ១៤៣ កន្លែង និងផ្នែកសេវាកម្ម ២៨៩ កន្លែង និងកសិកម្ម ៦៣ កន្លែង។ ខេត្តក្រចេះមានតម្រូវការផ្នែកកសិកម្ម ៤ ០០០ កន្លែង។ ខេត្តកណ្តាលមានតម្រូវការកម្លាំងពលកម្មវិស័យឧស្សាហកម្ម ៣ ៣២០ កន្លែង។ ខេត្តតាកែវមាន ២ ៤៦៩ កន្លែង ក្នុងនោះវិស័យឧស្សាហកម្ម ២ ៤០២ កន្លែង និងសេវាកម្ម ៦៧ កន្លែង។ ខេត្តពោធិ៍សាត់មានតម្រូវការកម្លាំងពលកម្ម ៩២៤ កន្លែង ក្នុងនោះវិស័យឧស្សាហកម្មមាន ៥៦០ កន្លែង និងសេវាកម្មចំនួន ៣៦៤ កន្លែង។ កំពង់ចាមមានតម្រូវការ ៧៩៦ កន្លែង ក្នុងនោះវិស័យឧស្សាហកម្ម ៧១៣ កន្លែង និង សេវាកម្ម ៨៣ កន្លែង។
ខេត្តព្រះសីហនុមានតម្រូវការកម្លាំងពលកម្ម ៧៨១ កន្លែង ក្នុងនោះផ្នែកវិស័យឧស្សាហកម្ម ៧៧៩ កន្លែង និងសេវាកម្ម ២ កន្លែង និងខេត្តផ្សេងៗ មាន ១ ៩១៤ កន្លែង ក្នុងនោះឧស្សាហកម្មមាន ៥៩៩ កន្លែង សេវាកម្ម ១ ២១៥ កន្លែង និងកសិកម្ម ១០០ កន្លែង។
ក្រសួងការងារ បានបន្តទៀតថា កម្លាំងពលកម្មជិត ៤ ម៉ឺនកន្លែង នឹងត្រូវបែងចែកទៅតាមប្រភេទមុខរបរចំនួន ១០ រួមមាន អ្នកបញ្ជាម៉ាស៊ីនដេរចំនួន ២២ ២២២ កន្លែង កម្មករចម្ការដំណាំចំនួន ៩ ៧៨៦ កន្លែង កម្មករក្នុងផលិតកម្ម ៧ ៥៤៧ កន្លែង អ្នកបញ្ជាគ្រឿងចក្រ និងម៉ាស៊ីនផលិតផលគីមី ១ ១០០ កន្លែង កម្មករវេចខ្ចប់ដោយដៃចំនួន ៩០៣ កន្លែង អ្នកបញ្ជាម៉ាស៊ីនវេចខ្ចប់ច្រកដាក់ដប និងដាក់ស្លាកសញ្ញា ៦៦១ កន្លែង មន្ត្រីឥណទាន និងកម្ចីប្រាក់ ៦៦១ កន្លែង អ្នកបញ្ជាម៉ាស៊ីនត្បាញ និងប៉ាក់ចំនួន ៥៥៥ កន្លែង អ្នកដំឡើងបរិក្ខារអគ្គិសនី និងអេឡិចត្រូនិកចំនួន ៤៣១ កន្លែង អ្នកបញ្ជាម៉ាស៊ីនធ្វើស្បែកជើង ៤០០ កន្លែង និងមុខរបរផ្សេងៗ ៣ ៤៦០ កន្លែង៕
អត្ថបទ ៖ សំអឿន
ខេត្តសៀមរាបប្រារព្ធពិធីអបអរសាទរទិវាទេសចរណ៍ពិភពលោកក្រោមប្រធានបទ “ទេសចរណ៍ និងសន្តិភាព”
ឯកឧត្តម ហ៊ុន ម៉ានី អញ្ជើញសំណេះសំណាលជាមួយនិវត្តជន តាមមន្ទីរអង្គភាពជុំវិញខេត្ត-ក្រុង-ស្រុក ខេត្តកំពង់ស្ពឺ
សម្ដេចតេជោ ស្នើឱ្យរដ្ឋាភិបាល ព្រឹទ្ធសភា រដ្ឋសភា តុលាការ មន្ត្រី កងកម្លាំង ងាកមកបង្កើតក្រុមក្នុង Cool App ដើម្បីសន្តិសុខជាតិ
អ៊ីស្រាអែលអះអាងថាខ្លួនសម្លាប់លោក Nasrallahមេដឹកនាំហេសបូឡា
កូរ៉េខាងជើងចាប់ផ្តើមបោះពុម្ពកាសែតជាភាសាអង់គ្លេសឡើងវិញ ខណៈជនបរទេសចូលមកវិញ
រថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
ត្រាំ ប្រាប់ទៅ ហ្សេលេនស្គី ថា លោកមិនដូរចិត្តឡើយ លើបញ្ហាសង្គ្រាមរុស្ស៊ី-អ៊ុយក្រែន
វៀតណាមខូចខាត៣,៣ពាន់លានដុល្លារក្នុងព្យុះទីហ្វុងយ៉ាក់ជី (Yagi)
អ៊ីស្រាអែល ផ្លោងរ៉ុកកែតជាច្រើនចូលរដ្ឋធានីលីបង់ បាញ់ចំទីស្នាក់ការកណ្ដាលក្រុមហេសបូឡា
ព្យុះកំណាច Helene សម្លាប់មនុស្ស៤៣នាក់ នៅរដ្ឋចំនួន៤ របស់អាមេរិក
-
ព័ត៌មានអន្ដរជាតិ៥ ថ្ងៃ agoព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ជីវិតកម្សាន្ដ៣ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានជាតិ៣ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ព័ត៌មានអន្ដរជាតិ៥ ថ្ងៃ agoភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ជីវិតកម្សាន្ដ៤ ថ្ងៃ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ៤ ថ្ងៃ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព
-
ចរាចរណ៍៩ ម៉ោង agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ព័ត៌មានអន្ដរជាតិ៤ ថ្ងៃ agoភាគកណ្តាលវៀតណាម ជម្លៀសពលរដ្ឋជាង ៦ ០០០នាក់ ដោយសារទឹកជំនន់ធ្ងន់ធ្ងរ