ព័ត៌មានជាតិ
លោក នឹម ចន្ទតារា និងលោក យឹម ស៊ីណន នាំគ្រូពេទ្យស្ម័គ្រចិត្តកូរ៉េ៦០នាក់ ចុះទៅពិនិត្យ និងព្យាបាលជំងឺជូនពលរដ្ឋក្នុងខេត្តកំពត
លោក នឹម ចន្ទតារា សមាជិកសភា និងជាតំណាងរាស្ត្រមណ្ឌលកំពត និងលោក យឹម ស៊ីណន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ និងជាសមាជិកក្រុមការងារថ្នាក់ជាតិចុះជួយមូលដ្ឋានខេត្តកំពត នៅព្រឹកថ្ងៃទី១៧ ខែឧសភា ឆ្នាំ២០២៤នេះ បាននាំក្រុមគ្រូពេទ្យស្ម័គ្រចិត្តកូរ៉េចំនួន៦០នាក់ ចុះទៅជួយពិនិត្យ និងព្យាបាលជំងឺដោយឥតគិតថ្លៃជូនពលរដ្ឋនៅភូមិបាក់នឹម ឃុំច្រេស ស្រុកជុំគីរី ខេត្តកំពត។ ក្រុមគ្រូពេទ្យស្ម័គ្រចិត្តកូរ៉េប្រមាណ៦០នាក់នេះ មកពីអង្គការ People Medical Cooperation International, Cambodia(PMCI) ដែលមានទីតាំងប្រចាំការនៅកម្ពុជា។

ការពិនិត្យ និងព្យាបាលដោយឥតគិតថ្លៃនេះ គឺធើ្វឡើងមួយថ្ងៃពេញតែម្តង ដោយចាប់ផ្តើមពីម៉ោង៨៖៣០នាទីព្រឹក រហូតដល់ម៉ោង១៧៖៣០នាទីល្ងាច ហើយមានប្រជាពលរដ្ឋប្រមាណ៣០០នាក់ បានមកទទួលការពិនិត្យ និងព្យាបាលជំងឺពីក្រុមគ្រូពេទ្យកូរ៉េដែលមានជំនាញ បទពិសោធន៍ខ្ពស់ និងមានបេះដូងស្រឡាញ់ប្រជាជនកម្ពុជា។ ការពិនិត្យ និងព្យាបាលជំងឺនេះ មានដូចជា ពិនិត្យព្យាបាលជំងឺទូទៅ ពិនិត្យភ្នែក និងកាត់វ៉ែនតា និងពិនិត្យកោសិកាមហារីកមាត់ស្បូន។

ក្រុមគ្រូពេទ្យនៃអង្គការPMCI បានប្រើប្រាស់រថយន្តក្រុងចល័តចំនួន៣គ្រឿង បំពាក់ដោយបរិក្ខាវេជ្ជសាស្រ្តទំនើបៗទៅតាមផ្នែកនីមួយៗដូចជា រថយន្តក្រុង X-ray (ម៉ាស៊ីនថត X-ray, អេកូសាស្រ្ត, វាស់ចង្វាក់បេះដូង និងម៉ាស៊ីនពិនិត្យឈាម) រថយន្តក្រុងOptic (វាស់ភ្នែក កាត់វ៉ែតា និងឱសថស្ថាន) និងរថយន្តក្រុងពិនិត្យកោសិកាមហារីកមាត់ស្បូន។

ស្ថិតក្រោមទឹកមុខសប្បាយរីករាយនៃពលរដ្ឋដែលបានមកទទួលការពិនិត្យព្យាបាលនៅថ្ងៃនេះ ក្នុងនាមជាសមាជិកសភា និងជាតំណាងប្រជាពលរដ្ឋ លោក នឹម ចន្ទតារា បានថ្លែងអំណអរគុណដល់ក្រុមគ្រូពេទ្យ និងក្រុមការងារទាំងអស់ដែលបានលះបង់ពេលវេលាដ៏មានតម្លៃ កម្លាំងកាយចិត្ត និងចំណាយថវិកាផ្ទាល់ក្នុងការជួយដល់ប្រជាពលរដ្ឋកម្ពុជា៕




-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៥ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ