Connect with us

ព័ត៌មានជាតិ

លោក ហ្សង់ ហ្វ្រង់ស័រ តាន់ លើកឡើងពីមូលហេតុ​ ដែលជាកូរ៉េយល់ថា កម្ពុជាជាប្រទេសអំណោយផល ក្នុងការវិនិយោគនាពេលនេះ

បានផុស

នៅ

ថ្លែងក្នុងសិន្និសិទសារព័ត៌មាន ស្តីពីលទ្ធផលនៃដំណើរទស្សនកិច្ចផ្លូវការរបស់សម្តេចនាយករដ្ឋមន្ត្រីទៅកាន់ប្រទេសកូរ៉េខាងត្បូង នារាត្រីថ្ងៃទី១៨ ខែឧសភា លោក ហ្សង់ ហ្វ្រង់ស័រ តាន់ រដ្ឋមន្ត្រីប្រតិភូអមនាយករដ្ឋមន្ត្រី បានលើកឡើងថា មានមូលហេតុជាច្រើន ដែលថ្នាក់ដឹកនាំនយោបាយ និងធុរជននៅកូរ៉េយល់ថា កម្ពុជាជាប្រទេសដែលអំណោយផលក្នុងការវិនិយោគនាពេលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងឱកាសនោះ លោករដ្ឋមន្ត្រីប្រតិភូអមនាយករដ្ឋមន្ត្រី បានលើកយកនូវមូលហេតុមួយចំនួន ថា គ្រប់ស្ថាប័នហិរញ្ញវត្ថុអន្តរជាតិ សុទ្ធតែបានព្យាករថានៅឆ្នាំ២០២៤ នេះ កំណើនសេដ្ឋកិច្ចនៃប្រទេសកម្ពុជា មានកម្រិតខ្ពស់ជាងគេក្នុងចំណោមបណ្តាប្រទេសអាស៊ានទាំង១០ គឺអាចលើស៦% ដែលនេះជាទឡ្ហីករណ៍មួយជំរុញឱ្យថ្នាក់ដឹកនាំនយោបាយ និងធុរជននៅកូរ៉េយល់ថា កម្ពុជាជាប្រទេសគួរជាទីទាក់ទាញសម្រាប់ការរកស៊ី។

ម្យ៉ាងវិញទៀតវិនិយោគិននៅកូរ៉េ ក៏ដូចជាថៅកែនៅកូរ៉េ សុទ្ធតែបានពោលសរសើរពលករខ្មែរ ថាស្វិតស្វាញ ស្លូតបូត មានចរិកល្អ មិនសំចៃកម្លាំង។ ទាំងនេះហើយ ទើបថៅកែកូរ៉េ ក៏អាចយល់ឃើញថា នៅកម្ពុជាមានប្រជាជនក្មេង មានថាមពល ដែលអាចជំរុញឱ្យពួកគាត់មកដាក់ទុនវិនិយោគនៅកម្ពុជា។

​មូលហេតុមួយទៀត គឺអ្នកវិនិយោគទុន ត្រូវការស្ថិរភាពនយោបាយ និងសន្តិភាពយូរអង្វែង។ រីឯប៉ុន្មានឆ្នាំចុងក្រោយនេះ ប្រទេសកម្ពុជា ក៏មានហេដ្ឋារចនាសម្ព័ន្ធសម្បូរបែបបានលេចចេញជារូបរាងនៅលើទឹកដីកម្ពុជា ដូចជា អាកាសយានដ្ឋានអន្តរជាតិសៀមរាបអង្ករ ផ្លូវល្បឿនលឿន(ភ្នំពេញ-ព្រះសីហនុ) ហើយនៅពេលខាងមុខក៏មានព្រែកជីកហ្វូណនតេជោ ដែលផ្តល់ភាពងាយស្រួលដល់ការដឹកជញ្ជូនផ្លូវទឹក។ លើសពីនេះទៅទៀត នៅក្នុងគ្រានេះទឹកដីកម្ពុជាត្រូវបានគ្របដណ្តប់ដោយការចូលជាធរមានសឹងដំណាលគ្នានៃកិច្ចព្រមព្រៀងពាណិជ្ជកម្មសេរី​ ដូចជា កិច្ចព្រមព្រៀងពាណិជ្ជកម្មរសេរីកម្ពុជា-កូរ៉េ អាស៊ានកូរ៉េ និង​ RCEP ដែលជាចំណុចមួយធ្វើឱ្យប្រទសកម្ពុជាមានភាពទាក់ទាញក្នុងការវិនិយោគ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម១៥ ម៉ោង មុន

ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ

ព័ត៌មានជាតិ១២ ម៉ោង មុន

សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា

ព័ត៌មានអន្ដរជាតិ១៨ ម៉ោង មុន

របាយការណ៍​ចុងក្រោយ​បំផុត​អំពី​ការ​បំផ្លិចបំផ្លាញ និង​រង​គ្រោះ​ ព្រោះ​ការ​​រញ្ជួយ​ដី​នៅ​អាស៊ីអាគ្នេយ៍

ព័ត៌មានជាតិ១០ ម៉ោង មុន

ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន

ព័ត៌មានជាតិ១១ ម៉ោង មុន

ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ

Sokha Hotels

ព័ត៌មានពេញនិយម