នាវា​កងទ័ព​​ចម្បាំង​ចិន​២​គ្រឿង​ ចូល​ចត​រយៈ​ពេល​៥ថ្ងៃ​នៅ​កំពង់ផែ​ក្រុងព្រះសីហនុ

នាវា​កងទ័ព​ជើង​ទឹករំដោះប្រជាជនចិនចំនួន២គ្រឿង​បានចូលចតនៅ​កំពង់​ផែស្វយ័ត​ក្រុង​ព្រះសីហនុ​​ប្រកបដោយ​សុវត្ថិភាពក្នុង​ដំណើរបំពេញ​ទស្សនកិច្ច​ការងារ​និង​ពង្រឹងកិច្ច​សហប្រតិបត្តិការ​ការទូតរវាងប្រទេសទាំងពីរ (កម្ពុជា .ចិន)។នាវាចម្បាំងកងទ័ពជើង​ទឹករំដោះ​ប្រជាជន​ចិននេះ បានចូលចតនៅព្រឹកថ្ងៃទី១៩ខែឧសភា ឆ្នាំ២០២៤ ។

តាមការគ្រោងទុកនាវាទាំងនេះចូលចតនៅព្រះរាជាណាចក្រកម្ពុជារយៈពេល៥ថ្ងៃគិតចាប់ពីថ្ងៃទី១៩ដល់២៣ ខែឧសភា ឆ្នាំ២០២៤។ ក្នុងឱកាសនៃការចូលចតនេះ គេឃើញមាន វត្តមាន​លោក​ឧត្តនាវីទោ រស់ វាសនា មេបញ្ជាការរងមូលដ្ឋានសមុទ្ររាម និងនាយនាវីជាច្រើនរូប អញ្ជើញទៅ​ទទួល​ស្វាគមន៍នាវាកងទ័ពជើងទឹករំដោះប្រជាជនចិនចំនួន០២គ្រឿង ។

មន្ត្រីមូលដ្ឋានកងទ័ពជើងទឹកមូលដ្ឋានសមុទ្ររាម បានឱ្យដឹងថា

១-នាវាឈ្មោះ QI JIGUANG លេខ 83 ជាប្រភេទនាវាហ្វឹកហ្វឺន

២-នាវាឈ្មោះ JINGGANG SHAN

លេខ 999 ជានាវាចាក់ទ័ព

ដឹកនាំដោយឧត្តមនាវីទោ SHAO SHUGUANG (ហ្សាវ ហ្សូហ្គាង) អគ្គនាយកបណ្ឌិតសភាកងទ័ពរំដោះប្រជាជនចិន នៅកំពង់ផែស្វយ័តក្រុងព្រះសីហន។

+​លក្ខណៈ​បច្ចេកទេស​នាវា​៖

១-​នាវាឈ្មោះ QI JIGUANG លេខ 83 (ជានាវាហ្វឹកហ្វឺន)

-ទម្ងន់ផ្ទុក ៩០០០តោន

-បណ្ដោយ ១៦៣ម៉ែត្រ

-ទទឹង ២២ម៉ែត្រ

២-នាវាឈ្មោះ JINGGANG SHAN លេខ 999 (ជានាវាបុកច្រាំង)

-ទម្ងន់ផ្ទុក ២៥.០០០តោន

-បណ្ដោយ ២១០ម៉ែត្រ

-ទទឹង ២៨ម៉ែត្រ

-​ជម្រៅ​ទឹក ៧ម៉ែត្រ។

​អត្ថបទ៖ ស៊ុយ ចាន់ធា