ព័ត៌មានជាតិ
ការនាំចេញគ្រាប់ស្វាយចន្ទីកែច្នៃទៅទីផ្សារជប៉ុនរំពឹងមានកំណើនខ្ពស់ បន្ទាប់ពីរោងចក្រកែច្នៃដាក់ឱ្យដំណើរការ
កម្ពុជាកំពុងជំរុញការនាំចេញគ្រាប់ស្វាយចន្ទីកែច្នៃទៅកាន់ទីផ្សារជប៉ុនឱ្យបានជាង ១០០ តោន ក្នុងឆ្នាំ ២០២៤ ខណៈក្រុមហ៊ុនជប៉ុនមួយ MIRATH Agri Tech កំពុងសាងសង់រោងចក្រកែច្នៃគ្រាប់ស្វាយចន្ទី ដែលមានសមត្ថភាពផលិតបានជាង ១ ពាន់តោន ក្នុងមួយឆ្នាំ។
កញ្ញា អ៊ឹម រចនា អ្នកនាំពាក្យក្រសួងកសិកម្ម រុក្ខាប្រមាញ់ និងនេសាទ មានប្រសាសន៍ថា គ្រាប់ស្វាយចន្ទីកែច្នៃរបស់កម្ពុជាដែលនាំទៅជប៉ុនទទួលបានការគាំទ្រច្រើន ដោយសារមានគុណភាពខ្ពស់ និងមានជម្រើសច្រើនសម្រាប់អ្នកបរិភោគ។ កញ្ញារំពឹងថា ការនាំចេញគ្រាប់ស្វាយចន្ទីកែច្នៃទៅកាន់ទីផ្សារជប៉ុននឹងមានការកើនឡើង បន្ទាប់ពីរោងចក្រដំណើរការ។
លោក អួន ស៊ីឡុត ប្រធានសមាគមស្វាយចន្ទីកម្ពុជា មានប្រសាសន៍នៅថ្ងៃទី ២០ ខែឧសភា ឆ្នាំ ២០២៤ នេះ ការនាំចេញស្វាយចន្ទីទៅជប៉ុនពុំមានកំណើននៅឡើយដោយហេតុថារោងចក្រជប៉ុនកំពុងសាងសង់។
លោក Taniguchi អគ្គនាយកក្រុមហ៊ុន MIRATH Green Tech មានប្រសាសន៍ថា កន្លងមករោងចក្រ MIRATH មានសមត្ថភាពផលិតបាន ៥០០តោន ក្នុងមួយឆ្នាំ ហើយការពង្រីករោងចក្រថ្មីនេះ ដែលនឹងចាប់ផ្ដើមដំណើរការនៅខែមិថុនា ឆ្នាំ ២០២៤ អាចនឹងផលិតបានចន្លោះពី ១០០០-១៥០០ តោន ក្នុងមួយឆ្នាំ។
យោងតាមរបាយការណ៍របស់សមាគមស្វាយចន្ទីកម្ពុជាបង្ហាញថា នៅក្នុងរយៈពេល ៣ ខែ ឆ្នាំ ២០២៤ កម្ពុជាផលិតគ្រាប់ស្វាយចន្ទីឆៅជាង ៤០ ម៉ឺនតោន (៤៧៤ ០០០) ក្នុងនោះនាំចេញទៅវៀតណាមចំនួន ៤២៤ ០០០ តោន គិតជាទឹកប្រាក់ ៥៤៣ លានដុល្លារ កើនឡើង ១៣% បើធៀបនឹងរយៈពេលដូចគ្នានៅឆ្នាំ ២០២៣។
នៅឆ្នាំ ២០២៣ កម្ពុជាសម្រេចបាននូវការនាំចេញគ្រាប់ស្វាយចន្ទីឆៅទៅទីផ្សារអន្តជាតិចំនួន ៦៥ ម៉ឺន ៦ ពាន់តោន ថយចុះ ៧.៦% គិតជាទឹកប្រាក់ចំនួន ៨៣៧ លានដុល្លារ បើប្រៀបធៀបឆ្នាំ ២០២២៕
អត្ថបទ៖ ឡេង ដេត
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៥ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានជាតិ៤ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានអន្ដរជាតិ៩ ម៉ោង ago
ព្យុះខ្លាំង ៥ទៀត នឹងវាយប្រហារ វៀតណាម មុនដាច់ឆ្នាំ
-
ព័ត៌មានជាតិ១ សប្តាហ៍ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា
-
ព័ត៌មានអន្ដរជាតិ១ ថ្ងៃ ago
ភ្លៀងធ្លាក់ខ្លាំងមិនធ្លាប់មានក្នុងមួយសតវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
-
ព័ត៌មានអន្ដរជាតិ១ សប្តាហ៍ ago
រដ្ឋមួយនៅអាមេរិក ជួបភ្លៀងធ្លាក់ខ្លាំង «១០០០ឆ្នាំម្តង» បង្កជាទឹកជំនន់ធ្ងន់ធ្ងរ