ខណ្ឌឫស្សីកែវ​ រក​ឃើញ​អ្នក​​ឆ្លង​កូវីដ១៩ ចំនួនពីរ​នាក់

មនុស្ស​ពីរ​នាក់​ត្រូវបាន​​ រក​ឃើញ​អ្នក​​ឆ្លង​កូវីដ១៩ នៅថ្ងៃទី​​២៥ ខែ​កុម្ភៈ ឆ្នាំ​២០២១នៅ​​ក្នុង​ខណ្ឌឫស្សីកែវ រាជធានី​ភ្នំពេញ​។ នេះបើតាម​ទំព័រហ្វេសបុក​​ផ្លូវការ​លោក​ ជា ពិសី អភិបា​លខណ្ឌឫស្សីកែវ​បាន​ចេញ​ផ្សាយ​ប៉ុន្មាន​នាទី​មុន​នេះ។

ប្រភពឱ្យ​ដឹង​ថា ការរកឃើញអ្នកមានវិជ្ជមាន មេរោគកូវីដ១៩ ចំនួន០២នាក់ នៅសង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ នៅថ្ងៃទី២៥ ខែកុម្ភៈ ឆ្នាំ២០២១ ៖ ១- បុរសជនជាតិខ្មែរម្នាក់ អាយុ៤១ឆ្នាំ រស់នៅភូមិទួលថ្ងាន់ សង្កាត់ទួលសង្កែទី២។ ២- បុរសជនជាតិចិនម្នាក់ អាយុ៣៦ឆ្នាំ រស់នៅអាគារ secret garden camko ប្លុកកាំកូស៊ីធី ភូមិគង្គាផុស សង្កាត់ទួលសង្កែទី២ បច្ចុប្បន្ននេះ មនុស្សទាំង០២នាក់នេះ បានបញ្ជូនទៅព្យាបាលនៅ មណ្ឌលចត្តាឡីស័កព្រែកព្នៅ ចំណែកឯ កន្លែងស្នាក់នៅទាំង០២ទីតាំងខាងលើ ត្រូវបានបិទមិនអោយមានការចេញចូលជាសាធារណៈឡើយ៕