ព័ត៌មានជាតិ
សម្ដេចធិបតី ថា វិស័យសុខាភិបាល ជាវិស័យនាំមុខដែលរដ្ឋបានចំណាយលើការវិនិយោគច្រើនជាងគេ
សម្ដេចធិបតីនាយករដ្ឋមន្ត្រី បានបញ្ជាក់ថា វិស័យសុខាភិបាល គឺជាវិស័យនាំមុខដែលរាជរដ្ឋាភិបាលបានចំណាយលើការវិនិយោគច្រើនជាងគេ ដែលជាក់ស្ដែងក្នុងឆ្នាំ២០២៣ រដ្ឋបានបង្កើនថវិកាប្រមាណ ៥៧៣លានដុល្លារក្នុងការវិនិយោគទៅលើសុខាភិបាល។
![](https://www.kampucheathmey.com/wp-content/uploads/2024/05/image-1251-1024x681.png)
សម្ដេចធិបតី ហ៊ុន ម៉ាណែត បញ្ជាក់ដូច្នេះថា៖ «វិស័យសុខាភិបាលស្ថិតនៅក្នុងវិស័យនាំមុខនៃការចំណាយវិនិយោគរបស់យើង នៅឆ្នាំ២០២៣ យើងកើនដល់ប្រមាណជា ២៣០០ប៊ីលានរៀល ស្មើនឹង ៥៧៣លានដុល្លារ ក្នុងការវិនិយោគទៅលើសុខាភិបាល»។
អញ្ជើញជាអធិបតីភាពក្នុងពិធីប្រកាសដាក់ឱ្យអនុវត្តផែនទីបង្ហាញផ្លូវឆ្ពោះទៅការគ្របដណ្តប់សុខភាពជាសកលនៅកម្ពុជា ឆ្នាំ២០២៤-២០៣៥ នាព្រឹកថ្ងៃទី២៣ ខែឧសភា ឆ្នាំ២០២៤នេះ សម្ដេចធិបតី ហ៊ុន ម៉ាណែត បានបញ្ជាក់បន្ថែមថា ការចំណាយរបស់រដ្ឋលើវិស័យសុខាភិបាលយ៉ាងច្រើននេះ គឺផ្ដោតទៅលើការពង្រឹង និងធ្វើឱ្យប្រសើរឡើងហេដ្ឋារចនាសម្ព័ន្ធរូបវន្តសុខាភិបាល ទំនើបកម្មឧបករណ៍បរិក្ខារ លើកកម្ពស់គុណភាពថ្នាំ បង្កើនសមិទ្ធផលនៅតាមមូលដ្ឋាន ពង្រឹងក្រមប្រតិបត្តិ ពង្រឹងការកសាងធនធានមនុស្ស និងជំរុញបន្ថែមទៅមូលដ្ឋាន និងលើកទឹកចិត្ត និងផ្ដល់សិទ្ធិឱ្យវិស័យឯកជនក្នុង និងក្រៅប្រទេសចូលរួម។
![](https://www.kampucheathmey.com/wp-content/uploads/2024/05/image-1252.png)
សម្ដេចធិបតី ថា កិច្ចការទាំងអស់នេះ គឺសំខាន់នៅក្នុងការលើកកម្ពស់ដល់វិស័យសុខាភិបាល ហើយនេះគ្រាន់ជាផ្នែកមួយនៃការវិនិយោគ ក៏ប៉ុន្តែមានការវិនិយោគពាក់ព័ន្ធនឹងការចំណាយលើការគាំពារសង្គមផ្សេងៗទៀត។ សម្ដេចធិបតី ក៏បានអរគុណដល់ដៃគូជាអង្គការ និងប្រទេសជាដៃគូ ដែលបានជួយនៅក្នុងការអភិវឌ្ឍនៅក្នុងវិស័យសុខាភិបាលនៅកម្ពុជាជាបន្តបន្ទាប់មកនេះ។
សម្ដេចធិបតី បញ្ជាក់ថា រាល់ពេលដែលសម្ដេចទទួលជួបជាមួយភ្ញៀវបរទេស សម្ដេចតែងតែពិភាក្សាលើការជំរុញដល់វិស័យសុខាភិបាល មិនដែលចោលវិស័យសុខាភិបាលឡើយ ពិសេសការពង្រឹងវិស័យសុខាភិបាល ពង្រឹងគុណភាពសុខាភិបាលនៅតាមមូលដ្ឋាន ដែលនេះស្របជាមួយនឹងគោលនយោបាយរបស់រាជរដ្ឋាភិបាល ដែលបានដាក់ចេញផងដែរ៕
-
សន្តិសុខសង្គម៤ ថ្ងៃ ago
ជនដៃដល់ បាញ់មនុស្ស២នាក់ស្លាប់ នៅបុរីប៉េងហួត មានគោរម្យងារជា ឧកញ៉ា
-
KPT+៧ ថ្ងៃ ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
សន្តិសុខសង្គម៤ ថ្ងៃ ago
សមត្ថកិច្ច ចាប់បានបុរសដែលបាញ់មនុស្ស២នាក់ឱ្យស្លាប់ និងរបួស នៅបុរីប៉េងហ៊ួតបឹងស្នោ
-
សន្តិសុខសង្គម៤ ថ្ងៃ ago
Update៖ សមត្ថកិច្ចចាប់ខ្លួនជនសង្ស័យម្នាក់ ក្នុងហេតុការណ៍ផ្ទុះអាវុធ នៅក្នុងបុរីប៉េងហួតបឹងស្នោ
-
ព័ត៌មានជាតិ៤ ថ្ងៃ ago
សមាគមឧកញ៉ា នឹងស្នើបញ្ចប់ងារឧកញ៉ាពីឈ្មោះ ស្រី ស៊ីណា ក្រោយបាញ់ឱ្យមនុស្សស្លាប់
-
អត្ថាធិប្បាយ៤ ថ្ងៃ ago
សមត្ថកិច្ចប្រើពេល៣ម៉ោង ក្របួចកឧកញ៉ាប្រើកាំភ្លើងផ្ដាច់ជីវិតគូរស្នេហ៍មួយគូរ
-
KPT+២ ថ្ងៃ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ១ សប្តាហ៍ ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ