ព័ត៌មានជាតិ
គម្រោងដាំដើមត្នោត តាមមហាវិថីថ្មីទៅព្រលានយន្តហោះតេជោតាខ្មៅ រដ្ឋមន្រ្តីក្រសួងបរិស្ថានប្រកាសរង់ចាំសហការ
រដ្ឋមន្រ្តីក្រសួងបរិស្ថាន ប្រកាសនឹងចូលរួមសហការជាមួយអាជ្ញាធរពាក់ព័ន្ធ បើសិនមានការស្នើសុំផ្តល់កូនត្នោតដើម្បីយកទៅដាំលម្អនៅលើដងមហាវិថីថ្មីទៅកាន់ព្រលានយន្តហោះតេជោតាខ្មៅដែលកំពុងដំណើរការសាងសង់។
មហាវិថីថ្មីកំពុងសាងសង់ភ្ជាប់ពីផ្លូវ ៦០ ម៉ែត្រ ទៅព្រលានយន្តហោះអន្តរជាតិតេជោតាខ្មៅ
ខណៈដែលក្រសួងបរិស្ថាន កំពុងរៀបចំយុទ្ធនាការចែកកូនឈើរាប់លានដើម ដល់ពលរដ្ឋយកទៅដាំតាមសហគមន៍ សាលារៀន និងទីអារាមនានា ក្រសួងបរិស្ថានក៏បានបណ្តុះកូនត្នោតរាប់ម៉ឺនដើម ដើម្បីចែកជូនដល់ប្រជាពលរដ្ឋយកទៅដាំដោយឥតគិតថ្លៃនៅពេលខាងមុខ។
ឆ្លើយតបសំនួររបស់អ្នកសារព័ត៌មានកម្ពុជាថ្មីនៅក្នុងសន្និសីទ «ពិព័រណ៍ផ្សព្វផ្សាយនិងចែកកូនឈើ» កាលពីថ្ងៃទី ២០ ខែឧសភា លោក អ៊ាង សុផល្លែត រដ្ឋមន្រ្តីក្រសួងបរិស្ថានបានឲ្យដឹងថា ក្រសួងបរិស្ថានរីករាយសហការផ្តល់ជូនកូនត្នោតដល់អាជ្ញាធរ ដើម្បីយកទៅដាំនៅតាមដងមហាវិថីឆ្ពោះទៅព្រលានយន្តហោះតេជោតាខ្មៅ។
លោករដ្ឋមន្រ្តីជំរុញលើកទឹកចិត្តដល់ប្រជាពលរដ្ឋកម្ពុជាឱ្យដាំដើមរុក្ខជាតិរបស់ជាតិគឺដើមត្នោត។ ដើមត្នោតជាអត្តសញ្ញាណជាតិ ដែលបានផ្សារភ្ជាប់ទៅវប្បធម៌របស់ដូនតាខ្មែរតាំងពីកកើតទឹកដីមក។ ការដាំដើមត្នោតប្រយោជន៍ជួយផ្សព្វផ្សាយតម្លៃវប្បធម៌ជាតិ និងបង្កើនការចាប់អារម្មណ៍ដល់ទេសចរបរទេសបានស្គាល់ពីរុក្ខជាតិជាអត្តសញ្ញាណរបស់ជាតិខ្មែរនៅពេលធ្វើដំណើរមកប្រទេសកម្ពុជា។
លោកបន្តថា ក្រសួងនឹងបើកយុទ្ធាការចែកកូនត្នោតជាង ៣០ ម៉ឺនក្នុង ១ ឆ្នាំ ដោយឥតគិតថ្លៃ បន្ថែមការចែកជូនកូនឈើជាង ១ លានដើមទៀតជូនប្រជាពលរដ្ឋកម្ពុជា ដើម្បីដាំនិងស្តារព្រៃឈើឡើងវិញឱ្យបានជាង ៦០% នៅឆ្នាំ២០៥០។
លោក ស៊ីន ចាន់សិរីវុត្ថា មន្រ្តីអ្នកនាំពាក្យអាកាសចរស៊ីវិលបានឲ្យកម្ពុជាថ្មីដឹងថា ការដាំរុក្ខជាតិណាមួយក្នុងបរិវេណព្រលានត្រូវមានការសិក្សាច្បាស់លាស់ ដើម្បីកុំឲ្យប៉ះពាល់ដល់សុវត្ថិភាពនៃការហោះហើរ។
ទាក់ទងការបំផុសគំនិតដាំដើមត្នោតនៅតាមដងមហាវិថីថ្មីទៅព្រលានយន្តហោះតេជោតាខ្មៅ បើតាមមន្រ្តីអាកាសចរស៊ីវិលបានអះអាងថា កិច្ចការនេះពាក់ព័ន្ធអាជ្ញាធរដែនដី មិនស្ថិតនៅក្នុងការគ្រប់គ្រងរបស់អាជ្ញាធរព្រលាននោះទេ។
ក្នុងគម្រោងអភិវឌ្ឍព្រលានយន្តហោះតេជោតាខ្មៅ ក៏មានការស្ថាបនាមហាវិថីថ្មីតភ្ជាប់ពីមហាវិថីសម្តេចតេជោ ហ៊ុន សែន ឬផ្លូវ ៦០ ម៉ែត្រ ឆ្ពោះទៅព្រលានយន្តហោះតេជោតាខ្មៅ ដែលមានប្រវែងជាង ១៣ គីឡូម៉ែត្រ។ មហាវិថីថ្មីនេះសាងសង់កាត់ភូមិសាស្រ្តខេត្តកណ្តាលដោយឆ្លងកាត់ផ្លូវក្រវាត់ក្រុងទី ៣ និងផ្លូវជាតិលេខ ២ ភ្ជាប់មកមហាវិថីសម្តេចតេជោ ហ៊ុន សែន (ឬផ្លូវ ៦០ ម៉ែត្រ)។
ប្រាប់កម្ពុជាថ្មីតាមតេលេក្រាម លោក ឌឹម បូរ៉ា មន្រ្តីអ្នកនាំពាក្យរដ្ឋបាលខេត្តកណ្តាលបានឲ្យដឹងថា ចំពោះគម្រោងដាំដើមត្នោតតាមហាវិថីថ្មីភ្ជាប់ទៅព្រលានយន្តហោះតេជោតាខ្មៅកាត់ភូមិសាស្រ្តខេត្តកណ្តាល រដ្ឋបាលខេត្តពុំទាន់ទទួលបានព័ត៌មានជាក់លាក់នៅឡើយទេ។
បើតាមមន្រ្តីអ្នកនាំពាក្យរូបនេះ ការដាំដើមត្នោតទៅព្រលានយន្តហោះតេជោក្រុងតាខ្មៅ អាចគ្រោងនឹងដាំពីថ្នាក់ជាតិ សហការជាមួយក្រុមហ៊ុនធ្វើព្រលាន នេះបើតាមការឲ្យដឹងពីមន្ទីរបរិស្ថានខេត្តកណ្តាល។
យ៉ាងណាមិញ លោក ឌឹម បូរ៉ា បានបញ្ជាក់ថា រដ្ឋបាលខេត្តកណ្តាលក៏បានបំផុសឲ្យដាំឈើក្នុងទីតាំងដីទូទាំងក្រុងស្រុកឲ្យបាន ១ ម៉ឺនដើម ក្នុង ១ ឆ្នាំ។ បច្ចុប្បន្ន រដ្ឋបាលខេត្តកណ្តាលក៏កំពុងរៀបចំឲ្យមានឧទ្យានតាមបបណ្តាក្រុងស្រុកទាំង ១៣ ក្នុងខេត្តផងដែរ។
គិតវឌ្ឍនភាពមកដល់ពេលនេះ ព្រលានយន្តហោះតេជោតាខ្មៅសម្រេចការសាងសង់បានជាង ៧០ ភាគរយ ដែលគ្រោងបញ្ចប់ដំណាក់កាលទី ១ និងសម្ពោធដាក់ឲ្យប្រើប្រាស់នៅដើមឆ្នាំ ២០២៥។
ដោយចាយកញ្ចប់ទុនវិនិយោគប្រមាណ ១៥០០ លានដុល្លារ គម្រោងព្រលានយន្តហោះតេជោតាខ្មៅថ្មីត្រូវបានអភិវឌ្ឍខ្នាតកម្រិត 4E។ តាមរយៈព្រលានចាយទុនខ្ទង់ពាន់លានដុល្លារនេះ នឹងចូលរួមនឹងចូលរួមអភិវឌ្ឍក៏ដូចជាបើកចំហជើងមេឃវិស័យអាកាសចរណ៍ប្រទេសកម្ពុជា តាមរយៈការបង្កើនលទ្ធភាពពង្រីកការតភ្ជាប់ការហោះហើរដោយត្រង់ទៅគ្រប់ទិសទីជុំវិញពិភពលោក៕
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
តំណាងដ៏ខ្ពង់ខ្ពស់ សម្តេចមហាបវរធិបតីនាយករដ្ឋមន្ត្រី និងលោកជំទាវបណ្ឌិត ប្រគេនបច្ច័យសាងសង់ខ្លោងទ្វារវត្តឥន្ទរិទ្ធី (ហៅវត្តបារាយណ៍)
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
សហជីពធំៗពីរបន្ថែមទៀត ប្រកាសគាំទ្រយ៉ាងពេញទំហឹងចំពោះការបង្កើតច្បាប់ដាក់ក្រុមប្រឆាំងជ្រុលនិយម ទៅជាក្រុមភេរវករ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
កំពុងភ្លើងឆេះព្រៃធ្ងន់ធ្ងរផង, រដ្ឋកាលីហ្វ័រញ៉ា ស្រាប់តែកើតរញ្ជួយដីផ្ទួនៗទៀត
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
-
ព័ត៌មានជាតិ២ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៣ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍១ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ១ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៣ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ចរាចរណ៍៦ ថ្ងៃ agoសមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី