ព័ត៌មានជាតិ

គិតត្រឹមថ្ងៃទី២៥នេះ ខេត្តព្រះសីហនុមានអ្នកឆ្លងកូវីដ៨នាក់ និង យកសំណាកទៅធ្វើតេស្តជាង១៥០០នាក់

បានផុស

៤ years មុន

នៅ

ថ្ងៃព្រហស្បតិ៍ ២៥ កុម្ភៈ ២០២១

ដោយ

គិតមកដល់ថ្ងៃទី២៥ ខែកុម្ភៈ ឆ្នាំ២០២១នេះ រដ្ឋបាលខេត្តព្រះសីហនុមានជនបរទេសចំនួន៨នាក់មានវិជ្ជមានកូវីដ១៩និងបានយកសំណាកអ្នកដែលពាក់ព័ន្ធទៅធ្វើតេស្តចំនួន១៥៦២នាក់ស្រី៥០៣នាក់។

យោងតាមសេចក្តីអំពាវនាវរបស់សាលាខេត្តព្រះសីហនុចុះថ្ងៃទី២៥កុម្ភៈនេះបានឲ្យដឹងថា រដ្ឋបាលខេត្តបានបិទទីតាំងចំនួន៦កន្លែងរួមមានសណ្ឋាគារ និងអគារស្នាក់នៅហើយក្រុមឆ្លើយតបបន្ទាន់កំពុងមមាញឹកក្នុងការស្វែងសំណាកសង្ស័យកាន់តែច្រើនឡើងៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលខេត្តព្រះសីហនុ បានណែនាំដល់ប្រជាពលរដ្ឋ សាធារណជន អាជីវករ ក៏ដូចជាជនបរទេសទាំងឡាយ ត្រូវបង្កើនការប្រុងប្រយ័ត្នឲ្យបានតឹងរ៉ឹងបន្ថែមទៀត ចំពោះការឆ្លងរីករាលដាលនៃជំងឺកូវីដ១៩ តាមរយៈការអនុវត្តតាមវិធានសុវត្ថិភាពរបស់រាជរដ្ឋាភិបាល និងវិធានអនាម័យរបស់ក្រសួងសុខាភិបាល។

ជាមួយគ្នានេះដែរ រដ្ឋបាលខេត្តសូមអំពាវនាវឲ្យអនុវត្តវិធានការ៣ការពាររួមមានពាក់ម៉ាស លេងដៃជាមួយសាប៊ូ ជែលឬទឹកអាកុលនិងរក្សាគម្លាតសុវត្តិភាពបុគ្គលពី១ម៉ែត្រកន្លះឡើងទៅនិង៣កុំដោយទី១កុំទៅកន្លែងណាដែលមានមនុស្សកកកុញច្រើន ទី២កុំទៅកន្លែងដែលមានបិទជិតនិងប្រើម៉ាស៊ីនត្រជាក់និងទី៣កុំអោបនិងចាប់ដៃគ្នាដើម្បីការពារកុំឲ្យឆ្លងរីករាលដាលលក្ខណៈទ្រង់ទ្រាយធំចូលសហគមន៍៕

ដោយ ៖ សំអឿន