ព័ត៌មានជាតិ

១០ ឆ្នាំនេះ ភោជនីយដ្ឋានខ្មែរនៅកូរ៉េកើនឡើងជាង ៣១ កន្លែង

បានផុស

៩ ខែ មុន

នៅ

ថ្ងៃសុក្រ ២៤ ឧសភា ២០២៤

ដោយ

ត្រឹមរយៈពេល ១០ ឆ្នាំ រហូតដល់បច្ចុប្បន្នឆ្នាំ២០២៤ ភោជនីយដ្ឋានខ្មែរនៅកូរ៉េ បានកើនឡើងពី ៦ កន្លែង ដល់ ៣១ កន្លែង។ នេះបើយោងតាមប្រសាសន៍សម្តេចមហាបវធិបតី ហ៊ុន ម៉ាណែត នាយករដ្ឋមន្ត្រី ក្នុងដំណើរទស្សនកិច្ចផ្លូវការនៅសាធារណរដ្ឋកូរ៉េ កាលពីពេលថ្មីៗនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

«គ្រាន់តែភោជនីយដ្ឋាន និងហាងលក់ដូរខ្មែរ កាល ១០ ឆ្នាំមុន មានត្រឹមតែ ៦ កន្លែង បច្ចុប្បន្នកើនឡើងដល់ ៣៧ កន្លែង។ កំណើននេះអាចដោយសារមានសហគមន៍ពលរដ្ឋខ្មែរ បានមករស់នៅប្រទេសកូរ៉េមានមានចំនួនកាន់តែច្រើនឡើង»។ នេះបើតាមសម្តេចធិបតី ហ៊ុន ម៉ាណែត។

បើតាមប្រមុខរដ្ឋាភិបាល បច្ចុប្បន្នមានប្រជាជនខ្មែរចំនួន ៨៤០០ នាក់ កំពុងរស់នៅប្រទេសកូរ៉េ ក្នុងនោះអ្នកទទួលបានសញ្ជាតិកូរ៉េមានជាង ៣០០០ នាក់។ បន្ថែមពីនេះ ក៏មាននិស្សិតខ្មែររាប់រយនាក់កំពុងសិក្សានៅប្រទេសកូរ៉េ រួមទាំងពលករខ្មែររាប់ម៉ឺននាក់ដែលកំពុងបម្រើការងារតាមសហគ្រាសរោងចក្រនៅទូទាំងប្រទេសកូរ៉េ។

លោក កត្តា អ៊ន អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈបានឱ្យ «កម្ពុជាថ្មី) ដឹងនាថ្ងៃទី២៣ ខែឧសភា នេះថា ទំនាក់ទំនាក់រវាងកម្ពុជា-កូរ៉េ កាន់តែមានភាពជិតស្និត ទាំងការទូត ការវិនិយោគ និងវិស័យនានាជាច្រើនទៀត។

ប្រទេសកូរ៉េជាប្រទេសដែលមានទីផ្សារការងារល្អ ប្រាក់ខែខ្ពស់ មានលក្ខខណ្ឌការងារត្រឹមត្រូវ និងគោរពច្បាប់។ លោក កត្តា អ៊ន ក៏កត់សម្គាល់ខណៈអាជីវកម្មខ្មែររីកដុះដាលនៅប្រទេសកូរ៉េជាពិសេសផ្នែកភោជនីយដ្ឋាន ដើម្បីបម្រើសហគមន៍ខ្មែរដែលកំពុងរស់នៅប្រទេសកូរ៉េ៕