ព័ត៌មានជាតិ
សត្វខ្លាធំផុតពូជពីប្រទេសកម្ពុជា នឹងមានវត្តមានសាជាថ្មី ក្នុងដែនជម្រកសត្វព្រៃតំបន់ជួរភ្នំក្រវាញ
សត្វខ្លាធំដែលបានផុតពូជពីប្រទេសកម្ពុជា នឹងមានវត្តមានសាជាថ្មីនៅក្នុងដែនជម្រកព្រៃធម្មជាតិប្រទេសកម្ពុជា ក្រោមកិច្ចសហការរវាងរដ្ឋាភិបាលកម្ពុជានិងរដ្ឋាភិបាលប្រទេសឥណ្ឌា ដែលកំពុងជំរុញក្នុងការអនុវត្តគម្រោងស្តារសត្វខ្លាធំឡើងវិញនៅក្នុងប្រទេសកម្ពុជា។
សត្វខ្លាធំត្រូវបានគេប្រទះឃើញជាលើកចុងក្រោយបង្អស់ តាមរយៈកាម៉េរាថតសត្វក្នុងឆ្នាំ២០០៧ ហើយឆ្នាំ ២០១៦ រដ្ឋាភិបាលកម្ពុជាបានប្រកាសជាផ្លូវការពីការផុតពូជសត្វកម្រមួយនេះពីដែនជម្រកធម្មជាតិប្រទេសកម្ពុជា។
លោក ជា សំអាង រដ្ឋលេខាធិការក្រសួងបរិស្ថានបានឲ្យដឹងថា សត្វខ្លាធំត្រូវបានប្រកាសផុតពូជជាផ្លូវការពីប្រទេសកម្ពុជាក្នុងឆ្នាំ ២០១៦ ក្រោយរកឃើញចុងក្រោយតាមរយៈកាមេរ៉ាថតសត្វនៅឆ្នាំ ២០០៧។ ការផុតពូជសត្វកម្រនេះបណ្តាលមកពីការបរបាញ់ខុសច្បាប់ សម្រាប់លក់ទៅទីផ្សារងងឹតអន្តរជាតិ និងធ្វើជាថ្នាំឬឱសថព្យាបាលជំងឺ។
លោកថា រដ្ឋាភិបាលកម្ពុជានិងរដ្ឋាភិបាលឥណ្ឌា បានចុះហត្ថលេខាលើអនុស្សារណៈយោគយល់គ្នាដែលមានតំណាងពីក្រសួងបរិស្ថាននៃប្រទេសកម្ពុជា អាជ្ញាធរជាតិអភិរក្សសត្វខ្លាធំនៃប្រទេសឥណ្ឌា វិទ្យាស្ថានសត្វព្រៃនៃប្រទេសឥណ្ឌា រួមនឹងអង្គការសម្ព័ន្ធមិត្តសត្វព្រៃ ក្នុងការធ្វើការរួមគ្នាគម្រោងការស្តារសត្វខ្លាធំឡើងវិញក្នុងប្រទេសកម្ពុជា។ តាមរយៈកិច្ចសហការនេះ រដ្ឋាភិបាលឥណ្ឌានឹងផ្តល់សត្វខ្លាធំចំនួន ៤ ក្បាល ដើម្បីស្តារសត្វខ្លាធំដែលផុតពូជឲ្យមានវត្តមានសាជាថ្មីនៅក្នុងដែនជម្រកធម្មជាតិប្រទេសកម្ពុជា។
លោក ជា សំអាង រដ្ឋលេខាធិការក្រសួងបរិស្ថាន
បើតាមលោក ជា សំអាង ការនាំសត្វខ្លាធំមកកាន់ដែនជម្រកព្រៃប្រទេសកម្ពុជា គឺជាដំណើរដ៏វែងឆ្ងាយមួយដែលចំណាយពេលជាច្រើនឆ្នាំ។ ទោះបីខ្លាធំមកដល់កម្ពុជាក្តី រដ្ឋាភិបាលកម្ពុជានិងស្ថាប័នពាក់ព័ន្ធនឹងមានកិច្ចការងារជាច្រើនទៀតដែលត្រូវធ្វើ ដើម្បីរួមគ្នាការពារខ្លាធំ អាចឲ្យពួកវារស់នៅប្រកបដោយភាពសុខុដុមរមនានៅក្នុងជម្រកព្រៃធម្មជាតិ។
សត្វខ្លាធំដែលនឹងត្រូវបញ្ជូនមកប្រទេសកម្ពុជាក្នុងពេលឆាប់ៗនេះ និងត្រូវដឹកបញ្ជូនបន្តទៅកាន់ស្ថានីយ៍ស្តារសត្វខ្លាធំឡើងវិញនៅឯខេត្តកោះកុង ដែលជាជម្រកថ្មីក្នុងព្រៃនៃតំបន់ជួរភ្នំក្រវាញ ដែលជាតំបន់ទទួលបានការថែទាំការពារយ៉ាងជោគជ័យអស់រយៈពេលពីរទសវត្សរ៍មកហើយ ក្រោមកិច្ចខិតខំប្រឹងប្រែងពីសំណាក់អង្គការសម្ព័ន្ធមិត្តសត្វព្រៃ និងក្រសួងបរិស្ថាន។
លោកជំទាវបណ្ឌិត Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅកម្ពុជាបានគូសបញ្ជាក់ថា ឥណ្ឌានិងកម្ពុជាបានបង្កើតប្រវត្តិសាស្រ្តជាមួយគ្នា តាមរយៈភាពជោគជ័យនៃគម្រោងការស្តារសត្វខ្លាធំឡើងវិញលើកដំបូងបំផុតនៅលើពិភពលោក។
លោកស្រីថា កម្ពុជាជាប្រទេសដំបូងដែលឥណ្ឌាបានផ្តល់សត្វខ្លាធំ ដោយសារតែមានទំនាក់ទំនងយ៉ាងពិសេសនិងកិច្ចសហការដ៏ល្អរវាងរដ្ឋាភិបាលប្រទេសទាំងពីរ។
លោកជំទាវបណ្ឌិត Devyani Uttam Khobragade ឯកអគ្គរដ្ឋទូតឥណ្ឌាប្រចាំនៅកម្ពុជា
លោកស្រីបន្តថា តាមរយៈកិច្ចសហការគ្នា រដ្ឋាភិបាលឥណ្ឌានឹងនៅតែបន្តគាំទ្រផ្នែកបច្ចេកទេសដល់មន្រ្តីកម្ពុជាលើការអភិរក្សសត្វកម្រជិតផុតពូជនៅលើពិភពលោកនេះ។
បើតាមឯកអគ្គរាជទូតឥណ្ឌា បន្ទាប់ពីការផ្តល់សត្វខ្លាធំចំនួន ៤ ក្បាលក្នុងដំណាក់កាលទី ១ រដ្ឋាភិបាលប្រទេសឥណ្ឌាក៏នឹងពិចារណាក្នុងការផ្តល់បន្ថែមទៀត ក្រោយគម្រោងដំណាក់កាលទី ១ ទទួលបានជោគជ័យ។
នៅលើពិភពលោកមានតែប្រទេសចំនួន ១៤ ដែលមានវត្តមានសត្វខ្លាធំរស់នៅ ហើយឥណ្ឌាមានច្រើនជាងគេរហូត ៧០%។ សត្វខ្លាធំពេញវ័យជំទង់ ៤ ក្បាល ដែលរដ្ឋាភិបាលប្រទេសឥណ្ឌាផ្តល់ឲ្យប្រទេសកម្ពុជា មានឈ្មោល ១ ក្បាល និងញី ៣ ក្បាល ដែលមានប្រភពមកពីតំបន់ជួរភ្នំ Ghats នៃប្រទេសឥណ្ឌា។
កញ្ញាបណ្ឌិត ស៊ូវណ្ណា ហ្គោនឡេត ស្ថាបនិកនិងជានាយិកាប្រតិបត្តិអង្គការសម្ព័ន្ធមិត្តសត្វព្រៃ បានមានប្រសាសន៍ថា សត្វខ្លាធំបានដើរតួនាទីយ៉ាងសំខាន់ក្នុងការថែរក្សាប្រព័ន្ធអេកូឡូស៊ីដ៏មានសុខភាពល្អមួយ។ ការនាំសត្វខ្លាធំពេញវ័យជំទង់ទាំង ៤ ក្បាល ដែលបានផុតពូជពីប្រទេសកម្ពុជា គឺដើម្បីធ្វើការស្តារប្រភពកំណើតប្រជាសាស្ត្រសត្វខ្លាធំនៅកម្ពុជាឡើងវិញ។
កញ្ញាបណ្ឌិត ស៊ូវណ្ណា ហ្គោនឡេត ស្ថាបនិកនិងជានាយិកាប្រតិបត្តិអង្គការសម្ព័ន្ធមិត្តសត្វព្រៃ
កញ្ញាបន្តថា តំបន់ជួរភ្នំក្រវាញប្រទេសកម្ពុជានឹងក្លាយជាផ្ទះថ្មីរបស់ពួកគេ ខណៈដែលជួរភ្នំក្រវាញជាតំបន់មានព្រៃក្រាស់ហើយមានលក្ខណៈដូចជាតំបន់ទេសភាព ជាជម្រកសត្វខ្លាធំដែលមានសក្តានុពលអាចរស់នៅរហូតដល់ ១០០ ក្បាល បើធៀបទៅនឹងដង់ស៊ីតេស្រដៀងគ្នានៅក្នុងតំបន់ទេសភាពក្នុងបណ្តាប្រទេសអាស៊ី។
ស្ថាបនិកនិងជានាយិកាប្រតិបត្តិអង្គការសម្ព័ន្ធមិត្តសត្វព្រៃបានបន្ថែមថា សត្វខ្លាធំដែលនឹងត្រូវផ្លាស់ប្តូរទីលំនៅមករស់នៅតំបន់ព្រៃរងទឹកភ្លៀងតំបន់ជួរភ្នំក្រវាញកណ្តាល ដែលគ្របដណ្តប់លើផ្ទៃដីជាង ១ លាន ហិកតា នឹងត្រូវបានការពារយ៉ាងពិសេស ដើម្បីធានាបានថាពួកវានឹងអាចបន្សាំការរស់នៅប្រកបដោយភាពសុខុដុមរមនានៅក្នុងជម្រកព្រៃធម្មជាតិនៅក្នុងតំបន់ជួរភ្នំក្រវាញ៕
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ