ព័ត៌មានជាតិ
ទំហំផ្ទៃដីដាំដំឡូងមីទំនងថយចុះ ដោយសារបញ្ហាប្រឈមមួយចំនួន
លោក អិល ឈិញ ប្រធានសមាគមកសិករដំឡូងមីខ្មែរ ប្រាប់កម្ពុជាថ្មីនៅថ្ងៃទី ២៤ ខែឧសភា ឆ្នាំ ២០២៤ នេះថា ប្រជាកសិករក្នុងខេត្តឧត្តរមានជ័យ បានចាប់ផ្ដើមបង្ករបង្កើនផលដាំដំឡូងមីឡើងវិញហើយនារដូវនេះ បន្ទាប់ពីមានភ្លៀងធ្លាក់ជាបន្តបន្ទាប់។
លោក អិល ឈិញ បានឱ្យដឹងថា ទំហំផ្ទៃដីដាំដុះនៅក្នុងខេត្តឧត្តរមានជ័យនៅឆ្នាំនេះ ទំនងមានការថយចុះ ដោយសារកន្លងមកអាកាសធាតុរាំងស្ងួតយូរ ធ្វើឱ្យងាប់ពូជ ហើយតម្លៃដំឡូងមីធ្លាក់ចុះធ្វើឱ្យកសិករខាតបង់។
លោក អិល ឈិញ បញ្ជាក់ថា៖ «ផ្ទៃដីដាំដុះឆ្នាំនេះ ប្រហែលមានការថយចុះ ខ្ញុំធ្លាប់ដាំ ២០ ហិកតា ឆ្នាំនេះ នៅសល់តែ១០ ហិកតាទេ»។
បើតាមប្រធានសមាគមរូបនេះ បច្ចុប្បន្ន កសិករដាំដំឡូងមីបានប្រមាណ ៣០ ទៅ ៤០ ភាគរយក្នុងរយៈពេលដាំ ១០ ថ្ងៃកន្លងមក ខណៈអាកាសធាតុអំណោយផលល្អតាមតំបន់ ប៉ុន្តែតំបន់ខ្លះក៏មានភ្លៀងធ្លាក់ខ្លាំង ធ្វើឱ្យដំណាំដាំលិចហូរដាច់រងរសាត់ដើម។
ទិន្ន័យរបស់មន្ទីរកសិកម្ម រុក្ខប្រមាញ់ និងនេសាទ ខេត្តឧត្តរមានជ័យបង្ហាញថា ផ្ទៃដីដាំដំឡូងមីនៅខេត្តឧត្តរមានជ័យ មានជាង ៧ ម៉ឺនហិកតា ខណៈមួយហិកតាទទួលបានទិន្នផលប្រមាណ ២០ តោន។ ទីផ្សារនាំចេញដំឡូងមីកម្ពុជា មានប្រទេសថៃ និងប្រទេសវៀតណាម។
យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា នៅឆ្នាំ២០២៣ កម្ពុជានាំចេញដំឡូងមីស្រស់ ដំឡូមីក្រៀម និងម្សៅដំឡូងមី សរុបជាង៣លានតោន។ ក្នុងនោះនាំចេញដំឡូងមីស្រស់ជិត ២ លានតោន (១ ៩៦១ ៣៧៥) កើនឡើង ២៦ ភាគរយ, ចំណិតដំឡូងមីក្រៀមមានចំនួនជាង ១ លានតោន (១ ២៨៩ ៧៣៩.០៤) ធ្លាក់ចុះ ៣៧.៦៤% និងម្សៅដំឡូងមីមានចំនួន ៣៦ ២៥៦.៨០តោន ធ្លាក់ចុះ៤៥.៣៩%៕
អត្ថបទ៖ ឡេង ដេត
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា